Ŋwà’ne Jâŋ 13:22 - Nouveau Testament en Ngienboum

²² *Ngàŋa kwò Yěsô jú’, awɔ̌wɔ́ɔ sele ńdíe fɛ́ we, pɔ́ té zsé nyìŋ gẅie à gɔɔn yé wɔ́.

Ŋwà’ne Jâŋ 13:22 ပူးပေါင်းရင်းမြစ်များ

Matio 26:21

Pɔ́ ne ḿpfɛ́ɛ mmó, Yěsô gɔɔn ngie: Mèŋ shwóŋó gẅí, kwà’ nénʉ́, àtsɔ̌ tà’ nyìŋ tsetsɛ̀ɛ pi gee sẅiŋ mèŋ.

Matio 26:22

Pɔ́ jú’, ḿbú ḿmÿɔg, àwɔ̌wɔɔ ná pɔ́b wɔ́ zɛ́te ngie: À Ndè, ńgwɔ́ á gwɔ́ wɔ̀ɔn?

Malékuse 14:18

ńnéŋe ssé, ńzye léjÿó mmó. Yěsô gɔɔn ngie: Mèŋ shwóŋó gẅí, kwà’ nénʉ́, atsɔ̌ tà’ nyìŋ tsetsɛ̀ɛ pi gee sẅǐŋ mèŋ, tà ńgwɔ́ pɔ́ nyìŋ gẅie peg yé teme ngwʉ̌ŋ.

Malékuse 14:19

Pɔ́ jú’, ḿbú ḿmÿag. Awɔ̌wɔ́ɔ ná pɔ́b wɔ́ zɛ́te ngie: Ńgwɔ́ á gwɔ́ wɔ̀ɔn?

Lukase 22:21

Mèŋ n kě ńgɔɔn pá’ɔɔn nyìŋ gẅie à ge sẅǐŋ mèŋ gwɔ́ jʉ́’ɔɔn tà peg yé ne ńteme ńjÿó mmó.

Lukase 22:23

Pɔ́ jú’ pú’u, ḿbú ḿmɔɔn, ésele ńzɛ́te tsetsɛ̀ɛ pɔ́b ngie: Awɔ̌ aa pá’ɔɔn ńgwɔ́ nùɔ pɔ́b ńku’u léfʉ’ yɔɔn ntí nò wɔ́?

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 13:21

Yěsô gɔɔn pú’u, além yé tsɔ́’ɔ tɛ’, á shʉ̀ashʉ̀a ńgɔɔn ngie: Tà mèŋ shwóŋó gẅí, kwà’ nénʉ́, atsɔ̌ tà’ nyìŋ ná pi ge sẅiŋe wɔ̀ɔn.