Ŋwà’ne Jâŋ 13:21 - Nouveau Testament en Ngienboum

²¹ Yěsô gɔɔn pú’u, além yé tsɔ́’ɔ tɛ’, á shʉ̀ashʉ̀a ńgɔɔn ngie: Tà mèŋ shwóŋó gẅí, kwà’ nénʉ́, atsɔ̌ tà’ nyìŋ ná pi ge sẅiŋe wɔ̀ɔn.

Ŋwà’ne Jâŋ 13:21 ပူးပေါင်းရင်းမြစ်များ

Matio 26:21

Pɔ́ ne ḿpfɛ́ɛ mmó, Yěsô gɔɔn ngie: Mèŋ shwóŋó gẅí, kwà’ nénʉ́, àtsɔ̌ tà’ nyìŋ tsetsɛ̀ɛ pi gee sẅiŋ mèŋ.

Matio 26:38

ńdeen ńké ńgɔɔn né pɔ́b ngie: Ntʉ́m wɔ̀ɔn ée pá’ɔɔn ne ḿmÿɔgɔ pɔ́ nà ntí gie ńgwɔ́ mèŋ n kwé kwě. Pi ńnéŋe jʉ’ɔɔn, ḿbɔ́ɔn nyìŋ wege légwá’a lÿɔ̀g ńdyé,

Malékuse 14:18

ńnéŋe ssé, ńzye léjÿó mmó. Yěsô gɔɔn ngie: Mèŋ shwóŋó gẅí, kwà’ nénʉ́, atsɔ̌ tà’ nyìŋ tsetsɛ̀ɛ pi gee sẅǐŋ mèŋ, tà ńgwɔ́ pɔ́ nyìŋ gẅie peg yé teme ngwʉ̌ŋ.

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Ŋwà’ne Jâŋ 11:33

Yěsô gyá pá’ à ne ńdʉa, pà Yuda pie pâ pɔ̌ pǔ ńtó gíŋ ne ńdʉa yɔ́b, ńzẅi, mbùm ye pú ńtsyɛte.

Ŋwà’ne Jâŋ 11:35

Yěsô lʉa.

Ŋwà’ne Jâŋ 11:38

Yěsô gíŋe ńzẅi, ńgʉa jʉ’e lesyè, é gwɔ́ tsɔ̌ mvwɔ́’ɔ jʉ’, mbà mé la lɔgɔ tóon ńjÿɔ́’ ncwò.

Ŋwà’ne Jâŋ 12:27

Yěsô gíŋe ngie mèŋ n gee pá’ɔɔn, mbà lém yɔ́ɔn tsɔ’ɔ́. Mèŋ n ge ké gɔɔn ngie kɔ́? É gɔɔn ngie Tá wɔ̀ɔn gÿo mèŋ n tsẅɛ́ɛ yɔɔn fʉ̀’ la? Mèŋ n dɔ̌ɔn ńzɔɔn ńtóo ńtí pɔ́ yɔɔn fʉ̀’.

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 13:2

Ncwò nzém gÿo ńgwɔ́, pâ pɔ̌ ńnéŋe ssé léjÿó shúm. Á gwaa gwɔ́, mbà Sátà ně ńdá’ ńnéŋe kwàŋte lésẅiŋe Yěsô tsɛ̀ɛ ntʉ́m Jẅidas Iskariod, míŋ Símo.

Ŋwà’ne Jâŋ 13:22

*Ngàŋa kwò Yěsô jú’, awɔ̌wɔ́ɔ sele ńdíe fɛ́ we, pɔ́ té zsé nyìŋ gẅie à gɔɔn yé wɔ́.

Megàŋ ntúm 17:16

Pɔl gwaa ne zẅí’te wɔ́b Atɛ̀ne, ńgyá shúm ntí ntí sie pʉ̀a tÿǒsoŋ áyɛ̌ gu’te ngie ee messé. E gyɔ́ɔn pá’ɔɔn tɛ’, mbùm ye pú ńtsyɛte.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,