Ŋwà’ne Jâŋ 12:50 - Nouveau Testament en Ngienboum

⁵⁰ Mèŋ m biŋ ne ńzsé ngie nkʉ̀ gẅie à la cʉ́me mbwo mèŋ àa le gwɔ́ tèmì. Áa pú’u, anò gie mèŋ n gɔɔn, n gɔɔn pɔ́ pá’ Tá wɔ̀ɔn la tsẅi.

Ŋwà’ne Jâŋ 12:50 ပူးပေါင်းရင်းမြစ်များ

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 6:63

A Zẅìge Ssé zɔ̌ gÿo mé kwà’ ńgwɔ́ wó. Nyìŋ mesoŋ nê twó yé tè ku’u légÿo tsɔ́ mmó wɔ́. Ashwóŋè gie mèŋ n náa mbwo pi fóo mbwo Zẅìge Ssé, yɛ̌ shwóŋè zɔ̌ gÿo tá mé gwɔ́ wó.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.