Ŋwà’ne Jâŋ 12:49 - Nouveau Testament en Ngienboum

⁴⁹ Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 12:49 ပူးပေါင်းရင်းမြစ်များ

Ŋwà’ne Jâŋ 14:10

Ɔ̀ tè ne ńzẅíŋe ngie mèŋ n ge nê Tá wɔɔn, peg yé pú ńgwɔ́ pɔ́ tà’a mmó wɔ́ ka? Anò gie mèŋ shwóŋó gẅi téen fóo mbwo mèŋ wɔ́. Tá wɔ̀ɔn gẅie aa nê mèŋ zɔ lɔgɔ wɔ̀ɔn fa’a mefà’ mé.

Ŋwà’ne Jâŋ 14:24

Nyìŋ lɔɔn tè wɔ̀ɔn kwoŋ, mbà à tè kú’te shwóŋè yɔ́ɔn mɔ́. Ashwóŋè ŋwɛ́ zɔɔn tě fóo pɔ́ mbwo mèŋ wɔ́. Á fóo pɔ́ mbwo Tá wɔ̀ɔn gẅie à ka túmo wɔ̀ɔn.

Ŋwà’ne Jâŋ 14:31

Tá mé zẅǐŋ ngie à tó pú’u, epʉ̀a mesoŋ tsɛ̀ɛ njÿó lêen ńke ńzsé ngie mèŋ kwoŋo Tá wɔ̀ɔn, n ne ńgÿo pɔ́ mmó gie à tsẅǐ ngie mèŋ n gÿo. Pi lu ssé pege fó jʉ’ɔɔn ńgʉa.

Ŋwà’ne Jâŋ 15:15

Mèŋ n tè gíŋe ńtóŋo gẅi le pènkʉ́ wɔ́, á nue mênkʉ́ fà’ tè zsé mmó gie tá fà’ we ne ńgÿo wɔ́. Mèŋ n tóŋo gẅi le meshǔ pɔ́ɔn, mélà’mie ngwòŋo nò ntsèm gie mèŋ n ka jú’u mbwo Tá wɔ̀ɔn, mèŋ n gÿǒ pi zsé.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 3:11

Tà mèŋ shwóŋó gú, kwà’ nénʉ́, peg gɔɔn nò nà mmó gie pèg ne ńzsé, ńgɔɔn gie peg ne ńzsé nà mmó gie peg la gyá, tá’ pi ké tè zẅíŋe nò gie peg gɔɔn wɔ́.

Ŋwà’ne Jâŋ 3:32

À gɔɔn nò gie à zsé nà shúm sie à la gyá mbɔɔ sie à la jú’, tá nyìŋ tè zẅíŋ.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Ŋwà’ne Jâŋ 5:30

Mèŋ n tè zá’ ntsaŋ nyìŋ té píge Ssé wɔ́. E yɔ̀ɔn ntí leŋag, é gwɔ́ nénʉ́, mélà’mie mèŋ n tè ne fa’a pɔ́ légÿo mmó gie mèŋ n zɔ kwoŋo wɔ́, n gÿo yɔ́ɔn pɔ́ mmó gie Nyìŋ gẅie à la túmo wɔ̀ɔn ne ńkwoŋo.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Ŋwà’ne Jâŋ 7:16

Yěsô tsɔ́’ɔ mbwo pɔ́b ngie: Ammó gie mèŋ n zí’i pʉ̀a té fóo mbwo mèŋ wɔ́, á fóo pɔ́ mbwo nyìŋ gẅie à ka tumó wɔ̀ɔn.

Ŋwà’ne Jâŋ 8:26

Mèŋ n gẅiin menò mie mèŋ n ge gɔɔn né pi tà é gyɔ́ɔn gyɔ̌ɔn, mbɔɔ mie mèŋ n ge ŋaga gẅi mǒ. Tá’ n gɔɔn mbwo pʉ̀a tsɛ̀ɛ njÿó pɔ́ mmó gie n da jú’u mbwo nyìŋ gẅie à la túmo wɔ̀ɔn. Àa ńké shwóŋó yé pɔ́ nò nénʉ́.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

Ŋwà’ne Jâŋ 8:42

Yěsô gɔɔn né pɔ́b ngie: E Ssé kě pé’e ńgwɔ́ tá gẅi, mbà pi kwoŋo wɔ̀ɔn. Mèŋ n da zɔɔn fó pɔ́ mbwo Ssé ńtó. N gwaa gwɔ́ jʉ’ɔɔn yé zɔ̌ tsẅi. Mèŋ n zɔ la tè záb ngie mèŋ n ge tó wɔ́, yé zɔ la túmo wɔ̀ɔn.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.