Ŋwà’ne Jâŋ 12:44 - Nouveau Testament en Ngienboum

⁴⁴ Yěsô ńnéŋe tà ńgɔɔn nê ngyè tetʉ́ʉ ngie: Nyìŋ lɔɔn ńzáb ntʉ́m ná mèŋ, mbà ngàŋ tě ńzába pɔ́ ndà’ ná mèŋ wɔ́. À giŋé ńzába ná nyìŋ gẅie à la túmo wɔ̀ɔn.

Ŋwà’ne Jâŋ 12:44 ပူးပေါင်းရင်းမြစ်များ

Matio 10:40

Nyìŋ lɔɔn ńkúe gẅí, mbà à kúe pɔ́ wɔ̀ɔn, nyìŋ piŋ ńkúe wɔ̀ɔn, mbà à kúe pɔ́ nyìŋ gẅie à la túmo wɔ̀ɔn

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Malékuse 9:37

Nyìŋ lɔg lezíŋ sɔ́ɔn, ńkúe mûɔ memûɔ pá’ wɔɔn lɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà ngàŋ tě ńkúe pɔ́ ndà’ wɔ̀ɔn mɔ́, à kúe pɔ́ nyìŋ gẅie à la túmo wɔ̀ɔn.

Ŋwà’ne Jâŋ 11:43

Ńgɔɔn pú’u, ńdɔg ngyè tetʉ́ʉ ngie: Nǎzalo, kẅɛɛ.

Ŋwà’ne Jâŋ 13:20

Tà mèŋ shwóŋó gẅí, kwà’ nénʉ́, nyìŋ lɔɔn ńkúe nyìŋ gẅie mèŋ n tumó yé, mbà à kúe pɔ́ wɔ̀ɔn. Nyìŋ gẅie à pǐŋ ńkúe wɔ̀ɔn, à kúe pɔ́ nyìŋ gẅie à túmo wɔ̀ɔn.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 7:28

Yěsô gwɔ́ fʉ’ó, ńgwɔ́ tsɛ̀ɛ *jʉ’ʉ Ssé ńne ńzí’i pʉ̀a mmó, ńgɔɔn né ngyè tetʉ́ʉ ngie: Pi kwa’ ńne ńzsé wɔ̀ɔn, ńgíŋe ńne ńzsé jʉ’ gie mèŋ fóo lê wó la? Mèŋ n zɔ ka tè záb ngie mèŋ n ge tó wɔ́. Tá’ nyìŋ gẅie à la túmo wɔ̀ɔn, aa nyìŋ gẅie à lɔɔn ńgɔɔn nò, mbà áa nò nénʉ́. Pi tè ne ńzsé yé wɔ́.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.