Ŋwà’ne Jâŋ 12:43 - Nouveau Testament en Ngienboum

⁴³ Á laa pú’u, mélà’mie pɔ́ la kwoŋ mekù’ mie pʉ̀a mesoŋ náa mbwo pɔ́b, ńtɔ́g mie é fóo mbwó Ssé.

Ŋwà’ne Jâŋ 12:43 ပူးပေါင်းရင်းမြစ်များ

Matio 6:2

Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b.

Lukase 16:15

Á gɔɔn mbwo pɔ́b ngie: Pi pɛ̂, pi zɔ̌g ḿbab pʉ̀a ngie pi ee pʉ̀a mbòŋo, tá’, e Ssé ké ńne ńzsé pá’ letʉ́m sí ée pú’u. Pi zsé ngie: Anò gie pʉ̀a mesoŋ gyá ngie áa nò tɛ’, áa mvfò Ssé ńgwɔ́ nò shʉ́.

Lukase 19:17

Áfùɔ tsɔ́’ ngie, áa mboŋ, ɔɔ ngàŋa fà’ we mbòŋo. Pá’ ɔ̀ pɔ̌ɔn múɔ mémmó mboŋó la, mèŋ n ge ná metÿǒsoŋ legém ɔ̀ ne sá’a.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 5:41

Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

Roma 2:29

Tá’ kwà’ nyìŋ Yuda, á nyìŋ Ssé, á gwɔ́ pɔ́ nyìŋ gẅie mé la pú’u yé pɔ́ tsɛ̀ɛ tʉ́m ye. Á gwɔ́ lepú’ gẅie a Zẅìge Ssé zɔ gÿo, tà à tè gwɔ́ pɔ́ gẅie à fóo ná pá’ mé la ŋwe’e tsɛ̀ɛ *lepʉ̌ wɔ́. Wɛ̂ zɔɔ nyìŋ gẅie e Ssé zɔ ná mekù’ mé tà pʉ̀a mésoŋ zɔ té ná.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 10:18

Á lɔgɔ ńgwɔ́ ngie nyìŋ gẅie mé zẅíŋe nò yé, à tè nyìŋ gẅie yé zɔ la’te mmó gie à gÿǒ wɔ́. À gwɔ́ pɔ́ nyìŋ gẅie Cʉ̀apʉ̀a zɔ la’te mmó gie ngàŋ gÿǒ.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

1 Piɛ 3:4

Á poŋ ngie à gí kẅìŋe nnɛ́ fó pɔ́ tsɛ̀ɛ ntʉ́m gẅí. Yɛ̌ áa kẅìŋe nnɛ́ gie á ge lá’a zɔ́gɔ ńnéŋe, à gwɔ́ lépʉ́le pʉlé té fa’ ntsaŋ. Áa mbwo Ssé ńgwɔ́ máamáa kẅìŋ.