Ŋwà’ne Jâŋ 12:42 - Nouveau Testament en Ngienboum

⁴² Mé la tsɛ ne ńgwága Yěsô gwǎg tá’, tsɔ̌ lelÿò mekěm pà Yuda záb ntʉ́m ná yé. Tá ńgÿo pɔ́ ndyeen lyeen, ḿbɔ́gɔ pà *farisay léjwoŋo wɔ́b *ndá cú’tè.

Ŋwà’ne Jâŋ 12:42 ပူးပေါင်းရင်းမြစ်များ

Matio 10:32

Nyìŋ lɔɔn ńgɔɔn mvfò lá’ ngie: Mèŋ n ge nyìŋ Yěsô. Mbà mèŋ n ge lá’ gɔɔn yɔ́ɔn mvfò Tá wɔ̀ɔn gẅie aa tÿǒ lepwó ngie: Nyìŋ wɛ̂ aa wɔ̀ɔn nyìŋ.

Lukase 12:8

Tà mèŋ n gíŋe shwóŋó gẅi yɔɔn nò, nyìŋ tyé mvfò lá’ ńgɔɔn ngie: Mèŋ, n gee nyìŋ Yěsô, mbà *Míŋ Nyìŋ ge lá’ gíŋe tyé yé mvfò *mecÿɔ́’ Ssé é gɔɔn ngie: Nyìŋ wɛ aa wɔ̀ɔn nyìŋ.

Lukase 23:13

Mé lɔgɔ yé ńkúu wó, *Pilato tóŋ *metándá pànùŋe pwɔ́’, mbɔɔ pàsá’a lá’ lâ lá’,

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 11:45

Lelÿò pà Yuda pie pɔ́ ně ńtóo mbʉ̀a pà Malîɛ, é pie pɔ́ gyǎ mmó gie Yěsô gÿǒ, záb ntʉ́m wɔ́b ná Yěsô.

Ŋwà’ne Jâŋ 12:11

Ńgɔɔn pú’u, mélà’mie lelÿò pà Yuda ka fǒ pɔ́ nà nò Nǎzalo, ńcʉ́’ʉ ńkÿo wɔ́b kÿo, ńzába ntʉ́m pɔ́ ná Yěsô.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Ŋwà’ne Jâŋ 19:38

Mɔɔn menò la tɔ́g, Yesyɛ̂b, nyìŋ tÿǒsoŋ Arimaté, á gʉa ńgyá *Pilato, ésẅíŋte yé ngie à zẅíŋ, à sẅí’i pfó Yěsô ná tÿǒ nkǐ. Yesyɛ̌b ŋwɛ́ laa tsɔ́ *ngàŋa kwò Yěsô, tá shúte shuté, ńne ḿbɔ́gɔ pà Yuda. *Pilato zẅíŋ, Yesyɛ̂b gʉa sẅí’i pfó Yěsô.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 7:13

Tá nyìŋ ké tě ńgɔɔn nò ná yé tà ngyè ye kwɔ́’ɔ tÿǒ wɔ́, ḿbɔ́gɔ pàsá’a lá’ pà Yuda.

Ŋwà’ne Jâŋ 7:31

Lelÿò pʉ̀a tsɛ̀ɛ nùɔ lá’ ké ne ńzába ntʉ́m ná yé zǎb, ńne ńgɔɔn ngie, tà *Nzà’nkÿo ge gÿo tó gíŋe gÿo tsɔ́ menò mmɔɔn mmɔɔn tà e tɔ́g mie nyìŋ wɛ̂ ne ńgÿo la?

Ŋwà’ne Jâŋ 9:22

Tá we pɔ́ má we, gwɔ́ gɔɔn pú’u, á nue pɔ́ la ne ḿbɔ́gɔ pàsá’a lá’ pà Yuda. Á gwaa gwɔ́, mbà pà Yuda ka zǎb ngie nyìŋ lɔɔn ńzẅíŋ ngie Yěsô aa *Nzà’nkÿo, mé fóo ndá cú’tè ńjwoŋo ngàŋ.

Ŋwà’ne Jâŋ 9:34

Pɔ́ tsɔ́’ɔ mbwo yé ngie, mé la lɔg pɔ́ nò tepòŋ ńzyé gú, ɔ̀ gee ńzí’i peg mmó lá! Ńdeen fó *ndá cú’tè ńjwoŋo yé ńnáa pi.

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Roma 10:10

Á nue nyìŋ záb ntʉ́m wé ná Kristo, e Ssé cʉ́’ ńdíe ngàŋ á gwɔ́ pɔ́ ndʉŋ ndʉŋ mvfò yé. Nyìŋ piŋ ńtyé tsetsɛ̀ɛ lá’ ńtsɔ́’ ncwò wé, éshʉa shʉa ńgɔɔn ngie aa nyìŋ Yěsô, e Ssé gÿo á tsẅɛ́.

1 Jâŋ 4:15

Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.

1 Jâŋ 4:2

Ammó gie pi ge lɔg zsé Zẅìge gie á fóo mbwo Ssé à yɔɔn. Nyìŋ lɔɔn ńzẅíŋ ngie Yěsô Kristo la sele ńcʉ́’ʉ kwà’ nyìŋ mesoŋ, mbà ngàŋ gẅiin Zẅìge gie á fóo mbwo Ssé.