Ŋwà’ne Jâŋ 12:40 - Nouveau Testament en Ngienboum

⁴⁰ «E Ssé kéen ńgÿo menÿɔ́g mɔ́b fʉ. À kéen ńjÿɔ́’ legyè sɔ́b, légwɔ́ gie pɔ́ té lɔg menÿɔ́g gyá jʉ’ wɔ́, pɔ́ le lɔg legyè sɔ́b ńzsé nò wɔ́; à cʉa pú’u, pɔ́ le kúbe mà wɔb à gÿo pɔ́ zeŋe wɔ́».

Ŋwà’ne Jâŋ 12:40 ပူးပေါင်းရင်းမြစ်များ

Matio 15:14

Pi nyé wɔ́b! Pɔ́ ée pàfʉ̀ menÿɔ́g pie é kíbe pwó petsɔ́. Àfʉ̀ menÿɔ́g lɔɔn ńkíbe pwó wetsɔ́, mbà pɔ́b yé mépʉ́a ge cʉ́me tsɛ̀ɛ gem.

Malékuse 4:12

Á gwɔ́ pú’u, tá ńgwɔ́ pá’ mé la ŋwe’e ngie: pɔ́ ge ne líe jʉ’, é ké le mmó gyá é ne jú’u jʉ’, pɔ́ le jú’ tà ńjú’ wɔ́ Á gwe’e pé’e á té pú’u wɔ́, mbà pɔ́ piŋe mbwo Ssé, á lege menò tepòŋ mɔ́b.

Malékuse 6:52

mélà’mie legyè sɔ́b nyé ḿvɔ́g vɔ́g, ńzɔɔn ńgwɔ́ gwɔ́, mbà pɔ́ kaa liŋe mmó gie Yěsô kɔ’ɔ́ ńjÿɔ́gɔ lá’ ńdɔgɔ ńnyɛɛ wɔ́.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

Ŋwà’ne Jâŋ 12:39

Esǎya la gíŋe ńgɔɔn mmó gie á ge gÿo tá pà Yuda le záb ntʉ́m nà Ssé wɔ́, à la gɔɔn ngie:

Ŋwà’ne Jâŋ 9:39

Yěsô leen ńké ńgɔɔn ngie: Mèŋ, n ka tóo tsɛ̀ɛ yɔɔn njÿó ńtí tsɔ́ ŋàg, le gwɔ́ gie epʉ̀a pie é ne ńgyá jʉ’ ge gwɔ́ cʉ́’ mefʉ̀, mefʉ̀ gyá jʉ’.

Megàŋ ntúm 15:3

Acú’tè pʉ̀a Kristo ye Antiokia ná shúm sie á ne ńzɛ́te mbwo pɔ́b lélɔg ńcʉ́me mánzsè. Pɔ́ cʉa tsɛ̀ɛ ngwòŋ Fenisia, mbàa tsɛ̀ɛ we Samalîɛ, ńgiŋe shwóŋó mbwo pʉ̀a Kristo ngie pʉ̀a pie é té pà Yuda wɔ́ kéen sele nnɛ́ tà ńcʉ́’ ńgwɔ́ pɔ́ nzèm Cʉ̀apʉ̀a, mefɛ́ mefɛ́ jú’ ḿbú ńkág tɛ’.

Megàŋ ntúm 28:26

Gʉa ńgɔɔn mbwo lá’ yɛ ngie: Mé ge gÿo gɔɔn nò, pi jú’ mboŋó, é ké le zsé mmó gie mé gɔɔn wɔ́; é cwoŋo náŋte, é ké le gyá

Megàŋ ntúm 3:19

Pú’u lá, pi ké ńkúbe mà gẅi, ḿbiŋe mbwo Ssé. À lege menò tepòŋ mí.

Roma 9:18

Á lɔgɔ pú’u, ńgwɔ́ ngie e Ssé gÿo nyìŋ gẅie yé Ssé gyǎ ngie ngàŋ ge tʉʉ twó mbwo yé á tʉʉ twó, ńtsɔ́ɔn mezìŋe nyìŋ gẅie yé Ssé gyǎ ngie à ge tsɔ́ɔn mezìŋe ngàŋ.