Ŋwà’ne Jâŋ 12:38 - Nouveau Testament en Ngienboum

³⁸ Á lɔgɔ ḿbumte ná nò gie *ntsẅì nkʉ̀ Ssé Esǎya la gɔɔn ngie: «Cʉ̀apʉ̀a, awɔ̌ la ké ńzáb ntʉ́m nà nò gie peg la gɔɔn? Tà Cʉ̀apʉ̀a kɔ̌ɔn ńnyɛ metʉ̀ mé pɔ́ mbwo pà wɔ̌»?

Ŋwà’ne Jâŋ 12:38 ပူးပေါင်းရင်းမြစ်များ

Matio 15:7

Pi ee pà nkwòŋ menÿɔ́g! Esǎya á *ntsẅì nkʉ̀ Ssé, lɔ̌ɔn fɔ́ɔn ńgɔɔn pá’a shwóŋó nò, pá’ à la gɔɔn ná mà lá’ gẅi ngie e Ssé gɔ̌ɔn ngie:

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 27:35

Pàlÿɔ́’ ncù leen ńké ńkime yé ná tÿǒ nkǐ, ḿma’a tyéente ńdɔg ńgab menzsǒ mé, ńná ye wɔ̌wɔɔ tsetsɛ̀ɛ pɔ́b

Ŋwà’ne Jâŋ 12:37

Yěsô la tsɛ ńgÿo menò mmɔɔn tɛ’ mvfò pʉ̀a tá’, pɔ́ ké tè záb ntʉ́m ná yé wɔ́.

Ŋwà’ne Jâŋ 12:39

Esǎya la gíŋe ńgɔɔn mmó gie á ge gÿo tá pà Yuda le záb ntʉ́m nà Ssé wɔ́, à la gɔɔn ngie:

Ŋwà’ne Jâŋ 15:25

Áa pú’u, ńdɔgɔ ḿbumte nà nò gie mé la gɔɔn tsɛ̀ɛ ŋwà’ne *lepʉ̌ yɔ́b ngie pɔ́ ka pʉa wɔ̀ɔn pɔ́ lê sóon.

Ŋwà’ne Jâŋ 17:12

Á kaa fʉ̀’ gie peg lâ pɔ́ ka gwɔ̌, mèŋ n ne ńdɔgɔ metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b. N ka tÿɔ́’te wɔ́b tà tsɔ̌ tà’ nyìŋ ná pɔ́b tè pyé. Nyìŋ gẅie á la ne ńzɛ́te ngie à pyé zɔ ká pyě. Á lɔgɔ ḿbumte nà nò gie mé la ŋwe’e tsɛ̀ɛ ŋwà’ne Ssé.

Ŋwà’ne Jâŋ 19:24

Palÿɔ́’ ncù gɔɔn tsetsɛ̀ɛ pɔ́b ngie: Tà pege shʉa yɔɔn. Pege tyéente, nyìŋ gẅie à jÿǒ, pege náa mbwo yé. Á lɔgɔ ḿbumte ná nò gie mé la ŋwe’e tsɛ̀ɛ ŋwà’ne Ssé ngie: «Pɔ́ ně ńgabte menzsǒ mɔ́ɔn tsetsɛ̀ɛ pɔ́b, ḿma’a tyèente nà nzsǒ yɔ̀ɔn ye lÿò». Yɔɔn áa mmó gie pàlÿɔ́’ ncù la gÿo.

Roma 10:16

Tá’ pʉ̀a metsèm la tè jú’ nkʉ̀ mbòŋo ńzẅíŋ wɔ́. *Ntsẅì nkʉ̀ Ssé Esǎya la zɔɔn ńgɔɔn ngie: «Cʉ̀apʉ̀a, peg la gɔɔn nò jú à wɔ̌ ké ńzẅíŋ»?

Roma 10:20

*Ntsẅì nkʉ̀ Ssé Esǎya la fó shʉa shʉa ńgíŋe ńgɔɔn ngie e Ssé gɔ̌ɔn ngie: E pʉ̀a pie pɔ́ la zɔɔn fó tè ne fa’a wɔ̀ɔn mɔ́ Kéen ńzsé wɔ̀ɔn Mèŋ n ka piŋ ńnyɛ mbùm yɔɔn mbʉ̀a pʉ̀a pie Pɔ́ ka tè ne ńdúɔ tsɔ́ mmó mbwo mèŋ wɔ́.

1 Korento 1:24

Tá á gʉa mbwo pʉ̀a pie e Ssé tsɔ’ɔ́ wɔ́b, kà é gwɔ́ pɔ́ pà Yuda wɔ́, kà pʉ̀a pie é té pà Yuda wɔ́ wɔ́, Kristo la’te pá’ metʉ̀ Ssé ée pú’u, mbɔɔ pá’ zsè nò Ssé áa pú’u.

Galatia 1:16

À la piŋ ńnéŋe tà ńgyá ngie à ge gÿo mèŋ n zsé Míŋ we, légwɔ́ gie mèŋ n ge gʉa tsẅi nkʉ̀ gẅie é líe Míŋ we ŋwɛ́ á mbwo pʉ̀a pie é té pà Yuda wɔ́. Mèŋ n gya míŋ we ŋwɛ́, n te gwóon ḿbíge tsɔ́ nyìŋ tsɔ́ nò wɔ́.