Ŋwà’ne Jâŋ 12:36 - Nouveau Testament en Ngienboum

³⁶ Akyɛ̀’ lɔɔn ńnyé tsetsɛ̀ɛ pi, pi záb ntʉ́m nà kyɛ̀’, ńdɔg ńcʉ́’ púɔ kyɛ̀’. Yěsô gɔɔn yɔɔn nò tà á ku’, á gʉa ńdyeen jʉ’ gie pɔ́ té ge gyá yé wɔ́.

Ŋwà’ne Jâŋ 12:36 ပူးပေါင်းရင်းမြစ်များ

Matio 21:17

Ńgɔɔn pú’u, ńnyé wɔ́b, éfó tÿǒsoŋ ńkẅɛ ńgʉa né Mbetáni, ńkúu wó ńdá’.

Matio 5:14

Pi zɔɔ kyɛ̀’ tsɛ̀ɛ njÿó. Mé lɔɔn ńkwɛ́ɛ tÿǒsoŋ ndùm lekwɔ’ɔ́, mbà à lɔɔn ńgwɔ́ á le lyeen.

Lukase 16:8

Tá fà’ gÿo ńgyá ntí gie ngàŋa fà’ we lɔ̌g ḿbá’ legyè pú’u, ńcʉ́’ ńzẅíŋ zẅíŋ ngie legyè sé ée wó. Yěsô ma’a twó ngie: Áa nénʉ́ ngie pʉ̀a njÿó yɔɔn zsé lépá’ legyè ńdɔg ńtáŋte menò tsetsɛ̀ɛ pɔ́b, ńtɔ́g pʉ̀a pie é záb ntʉ́m wɔ́b nà Ssé.

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Ŋwà’ne Jâŋ 11:54

Yěsô fó fʉ̀’ó à tè gíŋe shʉ̀ashʉ̀a ńcʉa tsetsɛ̀ɛ pà Yuda wɔ́. Á lɔg tsɔ́ shÿó lá’ gẅie ée lelyěen, á nkwòŋo tsẅɛ, ńgʉa tsɛ̀ɛ tsɔ́ tÿǒsoŋ gie mé tóŋo le Efalaim, pâ *ngàŋa kwò yé ńnéŋe jʉ’ó.

Ŋwà’ne Jâŋ 12:37

Yěsô la tsɛ ńgÿo menò mmɔɔn tɛ’ mvfò pʉ̀a tá’, pɔ́ ké tè záb ntʉ́m ná yé wɔ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 3:21

Tá’, nyìŋ gẅie à ne ńgiŋe nà mánzsè nò nénʉ́, à tóo jʉ’ gie kyɛ̀’ áa wó, ńzsé ngie mé ge gyá ngie ngÿǒ menò mé fóo pɔ́ ná pá’ à ne ńjú’u ncwò Ssé.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 8:59

Pɔ́ jú’ pú’u, ńdag metóon lélɔg ńtémte Yěsô ńzẅé. Á sele nnɛ́ ḿbyé, éshú fó tsɛ̀ɛ *jʉ’ʉ Ssé ńkẅɛ.

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.

1 Tesalonika 5:5

Pi metsèm zɔɔn ńgwɔ́ pɔ́ pʉ̀a pie é giŋe ná jʉ’ gie áa ye kyɛ̀’, ńgwɔ́ pʉ̀a pie é giŋe pɔ́ zsǒ. Pege tè pʉ̀a pie é giŋe tsẅɛ́’ wɔ́, ńké tè pʉ̀a pie é giŋe lê nzěm wɔ́.

1 Tesalonika 5:8

Tá ńgʉa ná pege pie pege giŋe fʉ̀’ʉ zsó, mbà á ne ńzɛ́te ngie pege jÿó mmó à ku’ ku’, nkwòŋe mbɔɔ lézáb ntʉ́m nà Ssé e gwɔ́ yege nzsǒ ncù gie mé lɔgɔ tʉ̌ ńnyɛte. Lezẅi’té lyɛ̌’ gie e Ssé ge gÿo pege tsẅɛ́, à gwɔ́ yégè cÿɔ́’ɔ ncù gie mé lɔgɔ tʉ̌ ńnyɛte.