Ŋwà’ne Jâŋ 12:35 - Nouveau Testament en Ngienboum

³⁵ Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 12:35 ပူးပေါင်းရင်းမြစ်များ

Lukase 18:37

Epʉ̀a tsɔ́’ ngie: Aa Yěsô mûɔ Nǎzarɛd gẅie à cʉa.

Ŋwà’ne Jâŋ 11:10

Nyìŋ lɔɔn ńké ne ńgiŋe lêtsẅɛ́’, mbà à ge kwɔɔnte, mélà’mie mmó gie á ge kyɛ’ jʉ’ ná né yé á té wó wɔ́.

Ŋwà’ne Jâŋ 11:9

Yěsô gɔɔn ngie: Tà’a lyɛ’ɛ́ lá’ tè gẅiin menèm ntsɔ̀b pʉ́a nê legém wɔ́ le? Nyìŋ lɔɔn ńgiŋ fʉ̀’e zsó, mbà à tè kwɔɔnte wɔ́, mélà’mie kyɛ̀’ɛ njÿó ne ńgÿo mé gyá jʉ’.

Ŋwà’ne Jâŋ 12:36

Akyɛ̀’ lɔɔn ńnyé tsetsɛ̀ɛ pi, pi záb ntʉ́m nà kyɛ̀’, ńdɔg ńcʉ́’ púɔ kyɛ̀’. Yěsô gɔɔn yɔɔn nò tà á ku’, á gʉa ńdyeen jʉ’ gie pɔ́ té ge gyá yé wɔ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 16:16

Á cʉ́’ʉ mejʉ’ pi le gíŋe ńgyá wɔ̀ɔn mɔ́, à piŋ ńké ńgwaa láte pi gíŋe ńgyá wɔ̀ɔn.

Ŋwà’ne Jâŋ 7:33

Á gwaa gwɔ́ Yěsô ne ńgɔɔn mbwo lá’ ngie pege ge gíŋe ná’a ńnéŋe, n gʉa ńtsɛ́ɛ nyìŋ gẅie à la túmo wɔ̀ɔn.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

2 Korento 3:14

Tá’, á la zɔɔn ńgwaa wɔ́, mbà legyè sɔ́b léen ńjÿɔ́’ɔ, é léen ńjÿɔ́’ɔ jÿɔ́’ɔ tà ńkú lyɛ̌’ɔɔn, á nue pɔ́ gwɔ́ tóŋo ŋwà’ne Nzẅìŋe *Kʉ̀a, nkǔɔ yá yɛ̌ nyé ńgwɔ́ pɔ́ wó, é nyé ńgwɔ́ pɔ́ wó, mélà’mie nyìŋ lɔɔn ńnyé té la nnɛ́ ná Kristo, yɛ̌ nkǔɔ nyé ńgwɔ́ pɔ́ wó.

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

Efeso 5:8

Pi kaa tsɔ́ fʉ̀’ ńgwɔ́ pɔ́ tsɛ̀ɛ nzěm. Á cʉa ná pá’ pi kéen ńda nnɛ́ ná Cʉ̀apʉ̀a, pi cʉ́’ ńgwɔ́ fʉ̀’ɔɔn ńgwɔ́ pɔ́ jʉ’e fɔ̌g. Pú’u la, pi gwaa gÿo kɔ̀ɔkɔ́ɔ gí wɔ́, ńgÿo pá’ pʉ̀a pie pɔ́ ée nà jʉ’e fɔ̌g.