Ŋwà’ne Jâŋ 12:32 - Nouveau Testament en Ngienboum

³² Á gʉa ná mèŋ, mbà mé lɔɔn ńgÿo ńkwé’e wɔ̀ɔn tà náa tÿǒ, mbà mèŋ n ge shwoŋte pʉ̀a metsèm náa lejʉ́ŋ mèŋ.

Ŋwà’ne Jâŋ 12:32 ပူးပေါင်းရင်းမြစ်များ

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Ŋwà’ne Jâŋ 12:34

Alá’ tsɔ́’ɔ mbwo yé ngie: Peg la jú’u tsɛ̀ɛ ŋwà’ne Ssé ngie: *Nzà’nkÿo ge lá’a gwɔ́ pɔ́ wó. Ɔ̀ piŋ ngǎ ńgɔɔn ngie, mé ge kwé’e *Míŋ Nyìŋ náa tÿǒ? *Míŋ Nyìŋ ŋwɛ́ aa wɔ̌?

Ŋwà’ne Jâŋ 18:32

Á lɔgɔ ḿbumte ná nò gie Yěsô la cʉ́’ʉ léshwóŋ ntí gie à ge gÿo kwé ńgɔɔn.

Ŋwà’ne Jâŋ 19:17

Ńgwɔ fóo tÿǒsoŋ kẅɛ, kwà’ yé zɔ̌ kaa tÿǒ nkǐ yé, pâ pɔ̌ ne ńgee nê tsɔ́ jʉ’, mé tóŋ lê kẅǐ twó. Á gwɔ́ ná shwóŋè pà Heber, ńgwɔ́ Golgota.

Ŋwà’ne Jâŋ 3:14

Ndʉŋ ndʉŋ pá’ Mǒsê la kwɛ́ nnú ná tà’a tÿǒ, ńkwé’e ńnáa tÿǒ, á nkwòŋo tsẅɛ̀ la, á ne ńzɛ́te ngie mé gÿo ńkwé’e *Míŋ Nyìŋ pɔ́ pú’u.

Ŋwà’ne Jâŋ 6:44

Atsɔ̌ nyìŋ lɔɔn ńgwɔ́ á le tó ńtsɛ́ɛ wɔ̀ɔn té gwɔ́ gie Tá wɔ̀ɔn gẅie à la túmo wɔ̀ɔn zɔ shwoŋté yé wɔ́. Mèŋ, m biŋ ńdá’a nà lyɛ’ɛ́ lá’ nzsò nzèm, ńzíme yé nà legwé.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

1 Timote 2:6

Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.