Ŋwà’ne Jâŋ 12:31 - Nouveau Testament en Ngienboum

³¹ Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 12:31 ပူးပေါင်းရင်းမြစ်များ

Matio 12:28

Tá ńgʉa nà mèŋ, mbà mèŋ n dɔgɔ pɔ́ metʉ̀ Zẅìge Ssé tá ńjwoŋo. Á lɔgɔ ńnyɛɛ ngie e Ssé ně ńdá’ ńtó, tà ńgwɔ́ fùɔ á tsɛ̀ɛ yɔɔn njÿó.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 3:19

Pɔ́ gẅiin lékaa ndòon ńtí nò kyɛ̀’ gie á léen ńtóo tsɛ̀ɛ njÿó, tá pʉ̀a mesoŋ kwoŋ pɔ́ nzěm ńcʉa kyɛ̀’ ŋwɛ́, mélà’mie ngÿǒ menò mɔ́b té poŋ.

Ŋwà’ne Jâŋ 9:39

Yěsô leen ńké ńgɔɔn ngie: Mèŋ, n ka tóo tsɛ̀ɛ yɔɔn njÿó ńtí tsɔ́ ŋàg, le gwɔ́ gie epʉ̀a pie é ne ńgyá jʉ’ ge gwɔ́ cʉ́’ mefʉ̀, mefʉ̀ gyá jʉ’.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

1 Korento 1:20

Anzse nò lɔgɔ pá’ɔɔn ńgíŋe ńgwɔ́ nzɔ̌? Anzse ŋwà’ne Ssé gwɔ́ nzɔ̌? Anzoŋo nò ná yɔɔn kème njÿó gwɔ́ yé nzɔ̌? E Ssé léen tè gÿo azsé nò tsɛ̀ɛ njÿó cʉ́’ menò pʉ̀a wɔ́ le?

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Efeso 6:12

á nue pege tě ńgee ńdÿɔ́’ pʉ̀a mesoŋ wɔ́. Pege gee pɔ́ ńdÿɔ́’ mezẅìge tepòŋ mie ée tàa tÿǒ, é lÿɔ́’ metándá pɔ́b, é gíŋe lÿɔ́’ shúm sie ée tàa tÿǒ ńgẅiin metʉ̀, lâ púɔ ntɔ́’ nzěm pie pɔ́ sá’a yɔɔn njÿó.

Kolosia 2:15

E Ssé lɔ̌ɔn ńdɔgɔ pú’u, ńgwoonte *messé tepòŋ, é pie é gẅiin tʉ̀, ésá’a njÿó yɔɔn, ńkẅile metʉ̀ mɔ́b ńgwá’a, ńtéme shʉ́ twó pɔ́b mvfò lá’. Á gwɔ́ pá’ à la lɔgɔ wɔ́b ńgÿo pu’u ncù, Kristo lɔgɔ wɔ́b ńgwá ńgiŋ ńdɔg ńda’te ngie à jÿǒ ncù.

Heber 2:14

Ńgɔɔn pú’u, e gubé ŋwɛ́ gwɔ́ pʉ̀a mesoŋ. Pá’ pʉ̀a mesoŋ gwɔ́ pɔ́ tà’a mmó, ńgẅiin mbab nnɛ́, ńgẅiin metse la, yé lê twó yé la gíŋe ńcʉ́’ yé nyìŋ mesoŋ pá’ pɔ́b, légwɔ́ gie à ge táa fó nà legwé we, é gwoon nyìŋ gẅie à gÿo pʉ̀a kwéte, é kẅé metʉ̀ mé. Mé tóŋo ngàŋ lê Sátà

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.