Ŋwà’ne Jâŋ 12:23 - Nouveau Testament en Ngienboum

²³ Yěsô tsɔ́’ɔ mbwo pɔ́b ngie afʉ̀’ gie mé ge gyá legú’ we *Míŋ Nyìŋ á kǔ’.

Ŋwà’ne Jâŋ 12:23 ပူးပေါင်းရင်းမြစ်များ

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 26:45

ńgÿo pú’u, ńgíŋe fó jʉ’ó ḿbiŋ nzèm, ńkẅɛ́te *ngàŋa kwò yé, ńgɔɔn né pɔb ngie: Pi cwoŋo ńdyé, ńzẅɛte mboŋó. Pi leen ńké ńgyá, áfʉ̀’ ku’ú! Mé ge sẅiŋe *Míŋ Nyìŋ á mbwó pʉ̀a tepòŋ.

Malékuse 14:35

ńgɔɔn pú’u, ńná’a ńgʉa mvfò, ńgwe ssé ńne sẅíŋte Ssé ńgɔɔn ngie kà à lɔɔn ńgwɔ́ e Ssé pe’e yɔɔn fʉ̀’ tepòŋ wɔ́, á pe’e,

Malékuse 14:41

Á gʉa, ńgÿo ńgíŋe ńtóo nà mbɔ́ɔntè ngʉ̀a ntá, ńgɔɔn né pɔ́b ngie: Pi cwoŋo ńdyé, ńzẅɛte mboŋó. Á zebé. Afʉ̀’ áa pá’ɔɔn, mbà á kǔ’. Mé ge sẅiŋe *Míŋ Nyìŋ á mbwo pʉ̀a tepòŋ.

Ŋwà’ne Jâŋ 12:16

*Ngàŋa kwò Yěsô gyá yɔɔn nò, pɔ́ té gwóon ńdwo ńjú’ wɔ́. Yěsô gÿo ńgwɔ́ tà ńkúu tsɛ̀ɛ legú’ we á tÿǒ lepwó, tá pɔ́ leen ńké ńkímte ngie mé la tʉ́ njÿó ńŋwe’e yɛ̌ nò ńtí yé, ńgíŋ ńkímte ngie alá’ la gÿo ná yé pɔ́ pá’ mé la ŋwe’e.

Ŋwà’ne Jâŋ 12:27

Yěsô gíŋe ngie mèŋ n gee pá’ɔɔn, mbà lém yɔ́ɔn tsɔ’ɔ́. Mèŋ n ge ké gɔɔn ngie kɔ́? É gɔɔn ngie Tá wɔ̀ɔn gÿo mèŋ n tsẅɛ́ɛ yɔɔn fʉ̀’ la? Mèŋ n dɔ̌ɔn ńzɔɔn ńtóo ńtí pɔ́ yɔɔn fʉ̀’.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 7:39

A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.