Ŋwà’ne Jâŋ 12:16 - Nouveau Testament en Ngienboum

¹⁶ *Ngàŋa kwò Yěsô gyá yɔɔn nò, pɔ́ té gwóon ńdwo ńjú’ wɔ́. Yěsô gÿo ńgwɔ́ tà ńkúu tsɛ̀ɛ legú’ we á tÿǒ lepwó, tá pɔ́ leen ńké ńkímte ngie mé la tʉ́ njÿó ńŋwe’e yɛ̌ nò ńtí yé, ńgíŋ ńkímte ngie alá’ la gÿo ná yé pɔ́ pá’ mé la ŋwe’e.

Ŋwà’ne Jâŋ 12:16 ပူးပေါင်းရင်းမြစ်များ

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Malékuse 9:32

Á gɔɔn pú’u, *ngàŋa kwò yé ké tè jú’ mboŋó wɔ́, tá ḿbiŋ ne ḿbɔ́gɔ lé zɛ́te yé nò mǒ.

Lukase 18:34

Tá’, Yěsô gɔɔn pá’ɔɔn, *ngàŋa kwò yé pú tè jú’u tsɔ́ mmó nà nò gie à gɔ̌ɔn wɔ́, ashwóŋè yé ké ńtebe wɔ́b tebe, pɔ́ té jú’u nò gie à lɔgɔ ńgɔɔn mboŋó wɔ́.

Lukase 24:25

Yěsô leen ńké ńgɔɔn né pɔ́b ngie: Pi gwě gígyé. Pi tè ne ńdwo ńzẅíŋe menò ntsèm mie *pàntsẅi nkʉ̀ Ssé la ŋwé’e wɔ́.

Lukase 24:45

Ńdeen ńké ńtsɔ́’ legyè sɔ́b, ńgÿo pɔ́ jú’ menò mie ée tsɛ̀ɛ ŋwà’ne Ssé.

Lukase 9:45

Tá *ngàŋa kwò yé té cwoŋo ńjú’u yɔɔn nò mboŋó wɔ́, mbà tsɔ́ mmó jÿɔ̌’ legyè sɔ́b légwɔ́ gie pɔ́ té jú’ wɔ́. Atsɔ̌ nyìŋ wɔb ké tè shÿɔg tà ńzɛ́te yé ngie ɔ̀ fa’a légɔɔn ngie kɔ́ wɔ́, mélà’mie pɔ́ la cʉ́’ʉ ḿbɔ́gɔ pɔ̌g.

Ŋwà’ne Jâŋ 12:23

Yěsô tsɔ́’ɔ mbwo pɔ́b ngie afʉ̀’ gie mé ge gyá legú’ we *Míŋ Nyìŋ á kǔ’.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 16:4

Tá’, n kě ḿvɔg shwóŋó gẅí, tá fʉ’ó gÿo ńgwɔ́, pi kímte ngie mèŋ n ka zɔɔn shwóŋó gẅí. N ka gwaa zye, mèŋ n tè shwóŋó gẅi yɔɔn nò wɔ́, mélà’mie n ka nyé tsetsɛ̀ɛ pi.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 2:22

Áa yɛ̌ tá à la gÿo ńzíme nà legwé, *ngàŋa kwò yé kímte ngie à la gɔɔn yɔɔn nò, ńdeen ńké ńzẅíŋ, ńgíŋe ńzẅíŋe gie ŋwà’ne Ssé la gɔɔn ná yé.

Ŋwà’ne Jâŋ 7:39

A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 2:36

Pú’u la, ngwòŋ ngẅɛ ndá Israel, pi gẅiin lekwà’ ńzsé mboŋó ngie, Yěsô gẅie pi ka kime yé nà tyǒ nkǐ la, àa yé gẅie e Ssé ka lɔgɔ yé ńgÿo Ndè, ńgíŋe ńdɔgɔ yé ńgÿo *Nzà’nkÿo.

Megàŋ ntúm 3:13

Á gwɔ́ pɔ́ ngie e Ssé Ábalam, ńgwɔ́ Ssé Esâg, mbɔɔ yé Yakwɔ́b, ńgwɔ́ Ssé pàmangʉa njʉ’ pégè, kéen náa legú’ á mbwo ngàŋa fà’ we Yěsô. Mbà pi ka sẅíŋe yé mbwo pàsá’a lá’, ḿmoŋe yé mvfò *Pilato. Tá, mbà à la ŋag ntsaŋ ye tà ńzáb ngie mé nyé yé.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 8:1

Kwà’ nò gie peg ne fa’a lé shwóŋó gẅi á yɔɔn ńgwɔ́ ngie pege kwá’ ńgẅiin yɔɔn ntí *nùŋe pwɔ́’ we lÿò. À kéen ńnéŋe nà lʉŋe lefùɔ, á nà gwǒŋo pwó Ssé ye tʉ̀, á yé gẅie à pǔ fáŋ ńcʉa wɔ̌wɔ́ɔ.