Ŋwà’ne Jâŋ 11:55 - Nouveau Testament en Ngienboum

⁵⁵ Alínɔ́ɔn Páska pà Yuda la ne ńtóo, lelÿò pà Yuda ne fóo tsɛ̀ɛ lá’ ńtʉ́ʉ njÿó ḿvɔgɔ Yerósalem, á lésɔg *melɔ̌’ ná pɔ́b.

Ŋwà’ne Jâŋ 11:55 ပူးပေါင်းရင်းမြစ်များ

Matio 26:1

Yěsô la zí’i nò Ssé mbwó pʉ̀a tà ńcÿé jʉ’, ńgɔɔn mbwó *ngàŋa kwò yé ngie:

Matio 26:2

Pi zsé ngie, é cʉ́’ʉ ńzága pɔ́ lyɛ̌’ sépʉ́a mé jÿó línɔ́ɔn *Páskà. Mé ge sẅiŋe *Míŋ Nyìŋ, mé kime yé ná tÿǒ nkǐ.

Malékuse 14:1

É gÿo ne ńcʉ́’ʉ ńzága lyɛ̌’ sépʉ́a mé jÿó línɔ́ɔn gie mé lɔ́ɔn ńtóŋo le *Páskà, ńgwɔ́ melyɛ̌’ mie mé lɔ́ɔn ḿpfɛ́ɛ *mbelég té mvòŋ. *Metándá pànùŋe pwɔ́’ pâ *pàkyàgte lepʉ̌ Mǒsê ne fa’a shÿó pá’ pɔ́ ge shúte gwoon Yěsô, é zẅé yé,

Lukase 22:1

Alyɛ’ɛ́ línɔ́ɔn pà Yuda gie mé lɔ́ɔn ńtóŋo le *Páskà gÿo ne ńku’u, ńdɔgɔ ńzye ngàb gie pɔ́ lɔ́ɔn ḿpfɛ́ɛ tsɔ̌ ntí mbelég té *mvòŋ.

Ŋwà’ne Jâŋ 12:1

É gÿo ńcʉ́’ʉ ńzága lyɛ̌’ ntɔgɔ́, à gwɔ́ lyɛ’ɛ́ línɔ́ɔn *Páskà pà Yuda. Yěsô gʉa né Mbetáni, á jʉ’ gie Nǎzalo gẅie à la zíme yé nà legwé la lɔ̌ɔn ńtsẅé wó.

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Ŋwà’ne Jâŋ 18:28

Mé fóo nɔ’ɔ Kaifa, ńdɔgɔ Yěsô ńgʉa né mbʉ̀a ngúmnɔ́ɔn Pà *Roma. Á gwɔ́ mba’ámba’. Mekěm pie pɔ́ lɔgɔ́ Yěsô ńtó ké tè yɔ́b ndá ngúmnɔ́ɔn kú, ḿbɔ́gɔ lékaa *lɔ̌’, á tɔ’ɔ wɔ́b léjÿó línɔ́ɔn *Páskà.

Ŋwà’ne Jâŋ 2:13

Alínɔ́ɔn *Páskà pà Yuda la ne ḿbɔ́ɔnte, Yěsô leen ńké ḿbʉ né Yerósalem,

Ŋwà’ne Jâŋ 2:6

Etsɔ́ mekʉŋ tóon gwɔ́ jʉ’ó ntɔgɔ́. Pà Yuda kúu ntse tsoló ńdɔgɔ sɔgɔ pʉ̀ tá ńgú’te Ssé pá’ *lepʉ̌ lá’ sɔ́b la ne ńzɛ́te. É la gwɔ́ tà ńgwaa ńgwɔ́ mé néŋ ntse tsoon lítà nkÿo tsɛ̀ɛ tà’.

Ŋwà’ne Jâŋ 5:1

Yɔɔn nò tɔ́g, á fʉ̀’e tsɔ́ línɔ́ɔn pà Yuda ne ńku’u, Yěsô pʉ ńgʉa né Yerósalem.

Ŋwà’ne Jâŋ 6:4

Á gwaa gwɔ́, afʉ̀’ gie pà Yuda gee ńjÿó línɔ́ɔn yɔ́b gie mé tóŋo le *Páskà ne ńku’u.

Megàŋ ntúm 21:24

Lɔgɔ wɔ́b ńgʉa, pia pɔ̌ gʉa sɔgɔ pʉ̀ ná pi. Gù zɔ ké ńná yɔ́b nkáb gie pɔ́ gẅiin lénáa mǒ, ńzsé ngie pɔ́ ge kwóon twó sɔ́b. Ɔ̀ gÿo pú’u, mbà pʉ̀a metsèm ge gyá ngie anò gie mé píte ná gù á té nò wɔ́, é zsé ngie ɔ̀ kě ńkú’te *lepʉ̌ Mǒsê kú’te.

Megàŋ ntúm 21:26

Pɔl lêen ńké ńdɔg pʉ̀a pá lekùa ńgʉa. Njÿó lʉ́a, pɔ́ zye légÿo línɔ́ɔn gie mé gÿo ńdɔg sɔgɔ pʉ̀, ńgÿo tà ńtsẅé jʉ’, ńgʉa tsɛ̀ɛ jʉ’e Ssé, ńkúu wó ńgɔɔn lyɛ̌’ gie lésɔgɔ *lɔ̌’ ge lá’ mag. Á lyɛ̌’ó gwɔ́ gie mé ge nuŋe pwɔ́’ é tí twó mâwɔ̌wɔ́ɔ tsetsɛ̀ɛ pɔ́b.

Megàŋ ntúm 24:18

N ka léen ńké ńgwɔ́ tsɛ̀ɛ jʉ’e Ssé, tá pɔ́ tóo wó ńgyá wɔ̀ɔn, ńgwaa wɔ́, mbà mèŋ n kě fóo légÿo mmó gie mèŋ n dɔgɔ sɔgɔ pʉ̀ ná mèŋ. Alá’ ka tè wó wɔ́. Atsɔ́ tág piŋ ńké tè kẅɛ.

1 Korento 11:28

Pú’u lá, awɔ̌wɔ́ɔ tsa’ mbùm ye. Tá ńdeen ńké ḿpfɛ́ yɔɔn mbelég ḿbiŋ ńnú yɔɔn ntú’,

Ŋwà’ne Jâg 4:8

Pi sẅɛ’te nnɛ́ nê lejʉ́ŋ Ssé, à sẅɛ’te yé nnɛ́ nê lejʉ́ŋ pi. Pi megàŋ mefʉa, pi sɔg mbwó mí, pà nkwòŋ menÿɔ́g, pi kẅile ncÿǒ tsɛ̀ɛ mentʉ́m mí.