Ŋwà’ne Jâŋ 11:42 - Nouveau Testament en Ngienboum

⁴² Mèŋ n kɔ’ɔ́ ńne ńzsé ngie, n gɔɔn nò fʉ̀’e kɔ́ wɔ́, ɔ̀ jú’ ngyè yɔ̀ɔn. Tá’ mèŋ n gɔɔn pá’ɔɔn ńtí pɔ́ pʉ̀a pie pɔ́ tyéte lejʉ́ŋ mèŋ lɔɔn, ńgie pɔ́ zẅíŋ ngie gù zɔ la túmo wɔ̀ɔn.

Ŋwà’ne Jâŋ 11:42 ပူးပေါင်းရင်းမြစ်များ

Matio 26:53

Ɔ̀ tè ne ńzsé ngie á kě ńgwe’e ńgwɔ́ nò ncù, mbà mèŋ n ně ńtóŋo Tá wɔ̀ɔn á gwóon ńtúm mecÿɔ́’ pé, tà e tɔ́g ntsɔ̀b pʉ́a nê legém pɔ́ tág nzèm yɔ̀ɔn mɔ́ keen.

Ŋwà’ne Jâŋ 11:22

Tá’ tà mbɔɔ fʉ̀’ɔɔn, mèŋ n zsě ngie ɔ̀ lɔɔn ńzɛ́te kɔ́ mbwo Ssé wɔ́, mbà à ge ná ná.

Ŋwà’ne Jâŋ 11:31

Pà Yuda pie é ně ńtó létsí’i ntse nÿɔ́g mɔ́b Malîɛ, gyá pá’ à fǒ ndá ńkẅɛ lê tʉ̀, ńcʉ́m yɔ́b nzèm yé, ńne ńkwaŋa ngie à gee twó lesyè ńnéŋe wó tá lʉa.

Ŋwà’ne Jâŋ 11:43

Ńgɔɔn pú’u, ńdɔg ngyè tetʉ́ʉ ngie: Nǎzalo, kẅɛɛ.

Ŋwà’ne Jâŋ 12:11

Ńgɔɔn pú’u, mélà’mie lelÿò pà Yuda ka fǒ pɔ́ nà nò Nǎzalo, ńcʉ́’ʉ ńkÿo wɔ́b kÿo, ńzába ntʉ́m pɔ́ ná Yěsô.

Ŋwà’ne Jâŋ 12:17

Alá’ la gwaa tó zá’a Yěsô, mbà pʉ̀a pie pɔ́ laa ssé fʉ̀’ gie Yěsô la gɔɔn né Nǎzalo ngie à fó tsɛ̀ɛ lesyè ńkẅɛ, á zíme ná legwé, la gwá ńdɔgɔ yɛ̌ nò ésa jʉ’.

Ŋwà’ne Jâŋ 17:21

Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 8:16

N dɔɔn fó ńŋag pɔ́ ntsaŋ, mbà wɔɔn léŋag aa we nénʉ́, á nue n zɔɔn tè gílé mèŋ wɔ́. Peg Tá wɔ̀ɔn gwɔ̌. Á yé gẅie à la túmo wɔ̀ɔn.

Ŋwà’ne Jâŋ 8:29

Nyìŋ gẅie à la túmo wɔ̀ɔn, peg yé zɔ gwɔ̌, à kaa nyé wɔ̀ɔn gílé mèŋ wɔ́, mélà’mie mèŋ n gee fʉ̀’ʉ kɔ́ wɔ́, ńgÿo pɔ́ mmó gie á poŋo yé.

Ŋwà’ne Jâŋ 8:42

Yěsô gɔɔn né pɔ́b ngie: E Ssé kě pé’e ńgwɔ́ tá gẅi, mbà pi kwoŋo wɔ̀ɔn. Mèŋ n da zɔɔn fó pɔ́ mbwo Ssé ńtó. N gwaa gwɔ́ jʉ’ɔɔn yé zɔ̌ tsẅi. Mèŋ n zɔ la tè záb ngie mèŋ n ge tó wɔ́, yé zɔ la túmo wɔ̀ɔn.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Heber 5:7

À giŋé ńgwɔ́ pɔ́ yé Yěsô gẅie à laa fʉ̀’ gie à la nyé ndùmo ssé tsetsá’, á sẅíŋte Ssé gẅie à lɔɔn ńgwɔ́ á gÿo tà yé le kwé, ḿbú’ mbwó mbwo yé tà ne ńga’te ńdʉa. E Ssé fó ná pá’ Yěsô zẅí’te kɔ̀ɔkɔ́ɔ pɔ́ mbwo yé, ńjú’u sẅíŋte yé.

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.