Ŋwà’ne Jâŋ 11:40 - Nouveau Testament en Ngienboum

⁴⁰ Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

Ŋwà’ne Jâŋ 11:40 ပူးပေါင်းရင်းမြစ်များ

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Malékuse 9:23

Yěsô pʉŋe yé ngie: Ɔ̀ piŋe ngie pá’ ɔ̀ lɔɔn ńku’ lêkɛ̂? Anò té cʉa nyìŋ gẅie à záb ntʉ́m nà Ssé wɔ́.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 11:4

Yěsô jú’ pú’u, ńgɔɔn ngie, yɔɔn guɔ té gie á ge lɔgɔ yé wɔ́. Á ge gÿo mé ná mekù’ mbwo Ssé, ḿbiŋ ńcʉa mǒ ńná mekù’ mbwo Míŋ Ssé.

Ŋwà’ne Jâŋ 12:41

Esǎya gɔɔn nò jʉ’ɔɔn ná Yěsô, á nue à la tʉ́ njÿó ńgyá legú’ Yěsô.

Ŋwà’ne Jâŋ 9:3

Yěsô tsɔ́’ ngie: Á té gwɔ́ pɔ́ ngie yé kà pʉ̀a pie é la zyé yé la fʉa tsɔ́ nò wɔ́. Àa fʉ̀ á gwɔ́ pɔ́ ngie e Ssé cʉa ná yé ńdá’te mefà’ mé.

Roma 6:4

Pá’ á la fó nà kẅé ntse, pega pɔ̌ púte ńkwé, mé gíŋe ḿbúte wega pɔ̌ ńtúŋ, légwɔ́ gie pá’ e Ssé Tá la lɔg metʉ̀ mie é gẅiin legú’, ńgÿo Kristo zíme ná legwé la, pege yégè ge cʉ́’ gwɔ́ pɔ́ tsɛ̀ɛ le gwɔ́ we sẅé.

2 Korento 3:18

Pege metsèm tè gíŋe ńgẅiin tsɔ̌ nkǔɔ ná shÿó wégè wɔ́, shʉ́shÿɔ́g Cʉ̀apʉ̀a ne ńtéme ná pege ḿbiŋe nzèm pá’ kyɛ̀’ gie á téme ná gyá shÿó la. Cʉ̀apʉ̀a gẅie à gwɔ́ pɔ́ Zẅìge, à ne ńgÿo pege kúbe ntí, ńgÿo pege sẅé yé, shʉ́shÿɔ́g gẅie aa ná pege, piŋ ne ńkẅi’i kẅi’i.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.