Ŋwà’ne Jâŋ 11:33 - Nouveau Testament en Ngienboum

³³ Yěsô gyá pá’ à ne ńdʉa, pà Yuda pie pâ pɔ̌ pǔ ńtó gíŋ ne ńdʉa yɔ́b, ńzẅi, mbùm ye pú ńtsyɛte.

Ŋwà’ne Jâŋ 11:33 ပူးပေါင်းရင်းမြစ်များ

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Malékuse 9:19

Yěsô gɔɔn mbwo pɔ́b ngie: Akwò pàtè něŋ ntʉ́m nà Ssé, áa pá’ɔɔn pege lá’ ńnéŋe tà síŋe gwɔ́ tá pi záb ntʉ́m gẅi nà Ssé? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtó, ńná né mèŋ.

Ŋwà’ne Jâŋ 11:19

lelÿò pà Yuda gwaa gwɔ́, mbà pɔ́ tǒ mbʉ̀a Mágtà pɔ́ Malîɛ, létsí’i ntse nÿɔ́g mɔ́b, ńtí fɛ́ wɔb gẅie à ka kwě.

Ŋwà’ne Jâŋ 11:31

Pà Yuda pie é ně ńtó létsí’i ntse nÿɔ́g mɔ́b Malîɛ, gyá pá’ à fǒ ndá ńkẅɛ lê tʉ̀, ńcʉ́m yɔ́b nzèm yé, ńne ńkwaŋa ngie à gee twó lesyè ńnéŋe wó tá lʉa.

Ŋwà’ne Jâŋ 11:34

Á gɔɔn ngie: Pi ka le’e pfó yé nzɔ̌? Pɔ́ tsɔ́’ɔ mbwo yé ngie: Andè, tóo ńgyá.

Ŋwà’ne Jâŋ 11:35

Yěsô lʉa.

Ŋwà’ne Jâŋ 11:38

Yěsô gíŋe ńzẅi, ńgʉa jʉ’e lesyè, é gwɔ́ tsɔ̌ mvwɔ́’ɔ jʉ’, mbà mé la lɔgɔ tóon ńjÿɔ́’ ncwò.

Ŋwà’ne Jâŋ 12:27

Yěsô gíŋe ngie mèŋ n gee pá’ɔɔn, mbà lém yɔ́ɔn tsɔ’ɔ́. Mèŋ n ge ké gɔɔn ngie kɔ́? É gɔɔn ngie Tá wɔ̀ɔn gÿo mèŋ n tsẅɛ́ɛ yɔɔn fʉ̀’ la? Mèŋ n dɔ̌ɔn ńzɔɔn ńtóo ńtí pɔ́ yɔɔn fʉ̀’.

Ŋwà’ne Jâŋ 13:21

Yěsô gɔɔn pú’u, além yé tsɔ́’ɔ tɛ’, á shʉ̀ashʉ̀a ńgɔɔn ngie: Tà mèŋ shwóŋó gẅí, kwà’ nénʉ́, atsɔ̌ tà’ nyìŋ ná pi ge sẅiŋe wɔ̀ɔn.

Roma 12:15

Pʉ̀a lɔɔn ne ńkága pia pɔ̌ pú ńkág, ńne ńdʉa pia pɔ̌ pú ńdʉa.

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.