Ŋwà’ne Jâŋ 11:19 - Nouveau Testament en Ngienboum

¹⁹ lelÿò pà Yuda gwaa gwɔ́, mbà pɔ́ tǒ mbʉ̀a Mágtà pɔ́ Malîɛ, létsí’i ntse nÿɔ́g mɔ́b, ńtí fɛ́ wɔb gẅie à ka kwě.

Ŋwà’ne Jâŋ 11:19 ပူးပေါင်းရင်းမြစ်များ

Lukase 10:39

Mágtà la gẅiin fɛ́ we we manzwě, lezíŋ sé gwɔ́ le Malîɛ. Yěsô tó tà ńnéŋe ssé, Malîɛ tó ńnéŋe lejʉ́ŋ yé, ńně ńjú’u shwóŋè yé.

Lukase 10:42

Tá’ tà’a mmó gwɔ́ wó, ńgwɔ́ tʉ̀ nzẅìŋ, Malîɛ kaŋá yɛ̌ ŋwɛ́, ḿbɔ́ɔn nyìŋ léfó mbwo yé ńkẅé.

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 11:1

Atsɔ̌ nyìŋ gÿo ńgwe gùɔ, lezíŋ sé gwɔ́ le Nǎzalo. Pâ mefɛ́ pé pe panzwě mépʉ́a, Mágtà pɔ́ Malîɛ pú ńtsẅê tsɛ̀ɛ lá’a Mbetáni.

Ŋwà’ne Jâŋ 11:31

Pà Yuda pie é ně ńtó létsí’i ntse nÿɔ́g mɔ́b Malîɛ, gyá pá’ à fǒ ndá ńkẅɛ lê tʉ̀, ńcʉ́m yɔ́b nzèm yé, ńne ńkwaŋa ngie à gee twó lesyè ńnéŋe wó tá lʉa.

Ŋwà’ne Jâŋ 11:33

Yěsô gyá pá’ à ne ńdʉa, pà Yuda pie pâ pɔ̌ pǔ ńtó gíŋ ne ńdʉa yɔ́b, ńzẅi, mbùm ye pú ńtsyɛte.

Ŋwà’ne Jâŋ 11:36

Pà Yuda gɔɔn ngie, pi gyá pá’ à kɔ̌ɔn ńkwoŋo yé.

Ŋwà’ne Jâŋ 11:45

Lelÿò pà Yuda pie pɔ́ ně ńtóo mbʉ̀a pà Malîɛ, é pie pɔ́ gyǎ mmó gie Yěsô gÿǒ, záb ntʉ́m wɔ́b ná Yěsô.

Ŋwà’ne Jâŋ 11:8

*Ngàŋa kwò yé tsɔ́’ ngie: Tsítsà, ntyě kaa sag pá’ pà Yuda ka ne fá’a lélɔg metóon ńtéme gú ńzẅé wɔ́. Ɔ̀ ge gíŋe piŋe wó lá.

Roma 12:15

Pʉ̀a lɔɔn ne ńkága pia pɔ̌ pú ńkág, ńne ńdʉa pia pɔ̌ pú ńdʉa.

2 Korento 1:4

À tóonte wégè ngwòŋ fʉ̀’ ntsèm gẅie pege ée tsɛ̀ɛ ngɔ́’ légwɔ́ gie pege yege ge ku’u létóonte petsɔ́ pʉ̀a pie ée tsɛ̀ɛ ngɔ́’, é cʉ́’ʉ létóonte wɔ́b é tóonte nà ntí gie e Ssé ka tóonte wégè.

1 Tesalonika 4:18

Pú’u lá pi ńnéŋe ńdɔgɔ shwóŋè yɔɔn, ésele ńtÿɔ́gte mennɛ́ mí.

1 Tesalonika 5:11

Pú’u la, pi kẅiŋte mennɛ́ mí pi né pi, nyìŋ tóonte nyìŋ, nyìŋ tóonte nyìŋ, pá’ pi ne ńgÿo pú’u lɛ.