Ŋwà’ne Jâŋ 10:38 - Nouveau Testament en Ngienboum

³⁸ Tá ńgwɔ́ gie mèŋ n dɔɔn fa’, á fó ńgwɔ́ gie pi tè záb ntʉ́m ná mèŋ wɔ́, pi zẅíŋ mefà’ ŋwɛ́. À cʉa pú’u, pi leen ńké ńzsé mboŋó ngie Tá wɔ̀ɔn aa né mèŋ, mèŋ n gwɔ́ né yé.

Ŋwà’ne Jâŋ 10:38 ပူးပေါင်းရင်းမြစ်များ

Ŋwà’ne Jâŋ 10:25

Yěsô tsɔ́’ɔ mbwo pɔ́b ngie: Mèŋ n ně ńdá’ shwóŋó gẅí, tá pi tè ne ńzẅíŋe wɔ́. Mefà’ mie mèŋ n ne ńdɔgɔ lezíŋ Tá wɔ̀ɔn ńgÿo ne ńda’te nyìŋ gẅie mèŋ n gee wɛ̌.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 11:4

Yěsô jú’ pú’u, ńgɔɔn ngie, yɔɔn guɔ té gie á ge lɔgɔ yé wɔ́. Á ge gÿo mé ná mekù’ mbwo Ssé, ḿbiŋ ńcʉa mǒ ńná mekù’ mbwo Míŋ Ssé.

Ŋwà’ne Jâŋ 14:20

À gwɔ́ lyɛ̌’ó, pi zsé ngie peg Tá wɔ̀ɔn pǔ ńgwɔ́ pɔ́ tà’a mmó, é gíŋe zsé ngie pi ee nê mèŋ, mèŋ n gwɔ́ ntʉ́m pi.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 5:36

Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.