Ŋwà’ne Jâŋ 10:32 - Nouveau Testament en Ngienboum

³² Tá Yěsô gíŋe ńgɔɔn né pɔ́b ngie: Mèŋ n ka gÿo pi gyá mefà’ mbòŋo tà é gyɔ́ɔn gyɔ̌ɔn mie é fóo mbwo Tá wɔ̀ɔn, pi laga metóon lélɔg ńtémte wɔ̀ɔn ńzẅé pá’ɔɔn ńtí yɛ̌ mǒ?

Ŋwà’ne Jâŋ 10:32 ပူးပေါင်းရင်းမြစ်များ

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Ŋwà’ne Jâŋ 10:25

Yěsô tsɔ́’ɔ mbwo pɔ́b ngie: Mèŋ n ně ńdá’ shwóŋó gẅí, tá pi tè ne ńzẅíŋe wɔ́. Mefà’ mie mèŋ n ne ńdɔgɔ lezíŋ Tá wɔ̀ɔn ńgÿo ne ńda’te nyìŋ gẅie mèŋ n gee wɛ̌.

Ŋwà’ne Jâŋ 10:31

Pà Yuda gíŋe ńdag metóon, lélɔg ńtémte Yěsô ńzẅé.

Ŋwà’ne Jâŋ 10:33

Pà Yuda tsɔ́’ɔ mbwo yé ngie: Peg tě fa’a lélɔg metóon ńtémte gú ńzẅé, ńtí pɔ́ tsɔ́ fà’a mbòŋo wɔ́, á gwɔ́ pɔ́ nue ɔ̀ zoonté Ssé. Gù gẅie ɔ́ gwɔ́ pɔ́ nyìŋ mesoŋ, ɔ̀ cʉ’ʉ́ ńgɔɔn pé ngie ɔ́ɔ Ssé.

Ŋwà’ne Jâŋ 10:37

N dɔɔn tè fa’ mefà’ Tá wɔ̀ɔn mɔ́, tà pi záb ntʉ́m ná mèŋ.

Ŋwà’ne Jâŋ 5:36

Tá’ mèŋ n ké ńgwɔ́ pá’ɔɔn ńgẅiin tsɔ́ nò gie á la’te nyìŋ gẅie mèŋ n gee wɛ̌, á nue mefà’ mie Tá wɔ̀ɔn la ná ngie mèŋ fa’, kwà’ mɛ̌ mefà’ mie mèŋ n gÿo zɔ́ la’te ngie Tá wɔ̀ɔn la túmo wɔ̀ɔn.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

1 Jâŋ 3:12

Tà pege gwɔ́ pá’ Kain gẅie à laa nzèm Sátà, ńzẅé fɛ́ we zyé manzwě. À lɔ̌ɔn ńzẅé yé mélà’a kɔ́? Á laa nue mefà’ mé laa me tepòŋ, mé fɛ́ we gwɔ́ mie ée ndʉŋ ndʉŋ mvfò Ssé.