Ŋwà’ne Jâŋ 10:31 - Nouveau Testament en Ngienboum

³¹ Pà Yuda gíŋe ńdag metóon, lélɔg ńtémte Yěsô ńzẅé.

Ŋwà’ne Jâŋ 10:31 ပူးပေါင်းရင်းမြစ်များ

Matio 12:14

Á cʉa pà *farisay, pɔ́ fó *ndá cú’tè ńkẅɛ, ńcú’te fa’ shÿó pá’ pɔ́ ge gÿo tá zẅé Yěsô

Matio 21:35

Pɔ́ gʉa tà ńkúu wó, pʉ̀a pie ée nká’ yé la gwe ná mvɔ́g mvfò ńcúɔ yé, ńzẅé mbɔ́ɔntè, ḿbiŋ ńdɔg metóon ńtémte mbɔ́ɔntè yétá ńzẅé.

Matio 23:35

Pú’u, metse pàteŋag metsèm mie mé lǎ pfɛte ndùmo ssé tsetsá’ e pú sẅɛ́’ɛ ndù pi. Léfó ná metse Abe gẅie à lɔ̌ɔn ńkú’te *lepʉ̌ Ssé, ńgʉa ńkúu nà me Sakarîɛ, míŋ Mbarashi, gẅie pi la zẅé yé á na shʉa gie ee na lekye mɔ́g pwɔ́’ pɔ kwà’ tsɛ̀ɛ jʉ’ gie e Ssé ee wó

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 10:24

Pà Yuda leen ńké ńtÿɔ́’ɔ Yěsô ńnéŋe sòŋ, ńzɛ́te yé ngie, peg ge zẅí’te tà kú pɔ́ fʉ̀’ʉ kɔ́ tá ɔ̀ shwóŋó wég nyìŋ gẅie ɔ́ɔ yé? Ɔ̀ lɔɔn ńgwɔ́ *Nzà’nkÿo, ɔ̀ zyɛ́b zyɛ̌b shwóŋó wég.

Ŋwà’ne Jâŋ 10:32

Tá Yěsô gíŋe ńgɔɔn né pɔ́b ngie: Mèŋ n ka gÿo pi gyá mefà’ mbòŋo tà é gyɔ́ɔn gyɔ̌ɔn mie é fóo mbwo Tá wɔ̀ɔn, pi laga metóon lélɔg ńtémte wɔ̀ɔn ńzẅé pá’ɔɔn ńtí yɛ̌ mǒ?

Ŋwà’ne Jâŋ 11:8

*Ngàŋa kwò yé tsɔ́’ ngie: Tsítsà, ntyě kaa sag pá’ pà Yuda ka ne fá’a lélɔg metóon ńtéme gú ńzẅé wɔ́. Ɔ̀ ge gíŋe piŋe wó lá.

Ŋwà’ne Jâŋ 5:18

Á fó fʉ’ó, pà Yuda mege ńgá’a léfa’a mmó gie pɔ́ ge fó mǒ zẅé Yěsô, ńtí nue à la tè fʉa pɔ́ *lepʉ̌ lyɛ’ɛ́ nzsè yɔ́b ndà’ wɔ́, à ka giŋé ńne ńgɔɔn ngie e Ssé aa kwà’ Tá we, ńdɔgɔ pú’u, ńgɔɔn ngie pɔ́ Ssé gwɔ́ pɔ́ ndʉŋ ndʉŋ.

Ŋwà’ne Jâŋ 8:59

Pɔ́ jú’ pú’u, ńdag metóon lélɔg ńtémte Yěsô ńzẅé. Á sele nnɛ́ ḿbyé, éshú fó tsɛ̀ɛ *jʉ’ʉ Ssé ńkẅɛ.

Megàŋ ntúm 7:52

Metá pí la tè wɛ̌ *ntsẅì nkʉ̀ Ssé kʉ́e? Pɔ́ la zẅéte pʉ̀a pie pɔ́ la tʉ́ njÿó ne ḿbÿé ngie nyìŋ gẅie aa ndʉŋ ndʉŋ gílé yé ge gÿo tó. A kéen ńtó, pi pɛ̂ sẅiŋe yé, ńgÿo mé zẅé yé.