Ŋwà’ne Jâŋ 10:20 - Nouveau Testament en Ngienboum

²⁰ Lelÿò pʉ̀a tsetsɛ̀ɛ pɔ́b ne ńgɔɔn ngie: E *ssé tepòŋ léen ńgwoon yé. Àa pʉ̀a. À gɔɔn kɔ́ tà pi zẅí’te?

Ŋwà’ne Jâŋ 10:20 ပူးပေါင်းရင်းမြစ်များ

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.

Matio 11:18

Wɛ̂ kwà’ pá’ pɔ́ la gÿo nà Jâŋ. À la tó à tè mmó pfɛ́, à tè melù’ ńnú, pɔ́ gɔɔn ngie aa pʉ̀a.

Matio 9:34

Tá’ pà *farisay gɔɔn yɔ́b ngie: Tándá *messé tepòŋ zɔ gÿo tá Yěsô ku’u léjwoŋ *messé tepòŋ

Malékuse 3:21

Epʉ̀a tsìŋe ndá pà Yěsô jú’u yɔɔn nò, ńdu ssé, ńcʉ́me mánzsè pá’ pɔ́ ge gʉa gwoon yé, ńně ńkwaŋa ngie twó yé cʉŋté.

Ŋwà’ne Jâŋ 7:20

Alá’ tsɔ́’ɔ mbwo Yěsô ngie: Ɔ̀ɔ *ssé tepòŋ! Awɔ̌ ne fa’a lézẅé gú?

Ŋwà’ne Jâŋ 8:52

Epʉ̀a gɔɔn né Yěsô ngie: Áa nà fʉ̀’ɔɔn, mbà peg zsě ngiessé tepòŋ ee ná gú. Ábalam la kwé, pà *ntsẅì nkʉ̀ Ssé gíŋe ńkwé yɔ́b, ɔ̀ piŋ ne ńgɔɔn ngie: Nyìŋ lɔɔn ńgiŋe nà shwóŋè jú, á le lá’ ńkwé wɔ́.

Megàŋ ntúm 26:24

Pɔl ne ḿbíte ncwò wé pú’u, ngúmnɔ́ɔn Festus kwé’e ngyè ye ńgɔɔn ngie: Pɔl, ɔɔ pʉa. Ɔ̀ léen ḿbú, ńzí’i mmó zí’i tà á cʉŋte twó jú.