Ŋwà’ne Jâŋ 1:9 - Nouveau Testament en Ngienboum

⁹ Yé shwóŋè ŋwɛ́ láa kwà’ kyɛ̀’ gie á tóo tsɛ̀ɛ njÿó lékyɛ’ɛ mânyìŋ ntsèm.

Ŋwà’ne Jâŋ 1:9 ပူးပေါင်းရင်းမြစ်များ

Matio 6:23

Tá menÿɔ́g mú piŋ ńgwɔ́ tà síŋ, mbà ɔ̀ ge cʉ́’ gwɔ́ pɔ́ tsɛ̀ɛ nzěm. Nÿɔ́g mú gwɔ́ tà síŋ pá’ mé gɔɔn lɔɔn, mbà ɔ̀ ge cʉ́’ gwɔ́ pɔ́ tsɛ̀ɛ mwòon nzém.

Lukase 11:36

Ɔ̀ lɔɔn ńtÿɔ́gɔ kwò ɔ́ ńdiŋe, ḿbiŋe ne ńkÿo menò mie é gwɔ́ pɔ́ menò nzěm mboŋó, mbà ɔ̀ ge giŋe nà nò nénʉ́ kwà’ pá’ nyìŋ gẅiin lâm ńdɔgɔ ńgyá mánzsé mboŋó la.

Ŋwà’ne Jâŋ 1:4

Legwɔ́ à laa ná yé, le gwɔ́ ŋwɛ́ á gwɔ́ kyɛ̀’ gie á kyɛ’ɛ pʉ̀a mesoŋ.

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 15:1

Yěsô gíŋe ńgɔɔn ngie mèŋ n gee kwà’ letsiŋé tÿó. Tá wɔ̀ɔn gwɔ́ nyìŋ gẅie à fa’a mǒ.

Ŋwà’ne Jâŋ 6:32

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Mǒsê la tè ná shúm léjÿó sie é fóo tÿǒ lepwó né pi wɔ́. Tá wɔ̀ɔn zɔ ne ńnáa kwà’ shúm léjÿó sie é fóo tÿǒ lepwó né pi.

Ŋwà’ne Jâŋ 7:12

Alá’ ne shwóŋè mencwò mencwò ńtí Yěsô. Petsɔ́ pʉ̀a ne ńgɔɔn ngie aa kwà’ nyìŋ. Petsɔ́ ne ńgɔɔn ngie à fʉte pʉ̀a fʉte.

1 Jâŋ 1:8

Pege lɔɔn ńgɔɔn ngie nò tepòŋ té ná pege wɔ́, mbà pege lɔgɔ pú’u, fʉa mánzsè, ḿbiŋe tě ńzsé nò nénʉ́ gie á fóo mbwo Ssé wɔ́.

1 Jâŋ 2:8

Tà mbɔɔ pú’u, *lepʉ̌ sie mèŋ n ŋwe’e ńnáa né pi, ée pá’ɔɔn, ńké ngwɔ́ se sẅé, ée se sẅé ńcʉa nà mmó gie mé ne ńgyá ná Kristo mbɔɔ ná pi gí. Pi zɔɔn ńgyá pá’ nzěm ne ḿmaga, tà mbà kwà’ kyɛ̀’ zyě lékyɛ’ jʉ’.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.