Ŋwà’ne Jâŋ 1:45 - Nouveau Testament en Ngienboum

⁴⁵ Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Ŋwà’ne Jâŋ 1:45 ပူးပေါင်းရင်းမြစ်များ

Matio 10:3

ńgÿo Filib pɔ́ Patelemî, ńgÿo Tomáse pɔ́ Matio, á nkẅè ncùb pà *Roma, ńgÿo Jâg míŋ Alfe pɔ́ Tadé,

Matio 13:55

À tè gwɔ́ pɔ́ míŋ kápíndɔ́ɔn wɔ́ lê? Lezíŋ má we té lê Malîɛ wɔ́ lê? À tè fɛ́ Jâg, lê Yesyɛ̂b, mbɔɔ Símo lê Jẅide wɔ́ lê?

Matio 2:23

ńgʉa tà ńkúu wó, ńně ńtsẅé tsɛ̀ɛ tsɔ̌ tÿǒsoŋ, mé tóŋo lê Nǎzarɛd, á lɔgɔ ḿbumte ná pá’ pà *ntsẅì nkʉ̀ Ssé la tʉ́ njÿó ńgɔɔn nò ná *Nzà’nkÿo ngie: «Mé ge lá’ tóŋo yé lê nyìŋ Nǎzarɛd».

Matio 21:11

Àlá’ tsɔ́’ ngie: Aa Yěsô á *ntsẅì nkʉ̀ Ssé, à fóo tÿǒsoŋo Nǎzarɛd nà pàga ngwòŋ Galilea.

Malékuse 14:67

Piɛ ne ńzɔ́gɔ mmɔ̌g, á cwoŋo ńdíe yé tà ńgɔɔn né yé ngie: Mbɔɔ gù jú, pi Yěsô Nǎzarɛd wɛ ke ńgwɔ́ nùɔ.

Malékuse 6:3

À tè kápíndɔ́ɔn, ńgwɔ́ míŋ Malîɛ wâ? Ńgwɔ́ fɛ́ pà Jâg, ńgÿo Joses, ńgÿo Jẅide mbɔɔ Símo wâ? Mefɛ́ pé pe pànzwě té gwɔ́ pɔ́ lá’ pege wɔɔn wɔ́ le? Pɔ́ gɔɔn pá’ɔɔn, ńdʉ’ʉ lé jú’u nò yé.

Lukase 18:37

Epʉ̀a tsɔ́’ ngie: Aa Yěsô mûɔ Nǎzarɛd gẅie à cʉa.

Lukase 2:4

Yesyɛ̂b fó tÿǒsoŋ Nǎzarɛd, á tsɛ̀ɛ ngwòŋ Galilea, ńtóo tsɛ̀ɛ pàga ngwòŋ Jẅidea, á tÿǒsoŋ Mbetélehem, á jʉ’ gie mé la zyé fùɔ Ndavíd wó, ńgee wó pú’u, mélà’mie aa nyìŋ nà ngẅɛ̀ ndá fùɔ Ndavíd.

Lukase 2:48

Yesyɛ̌b pɔ́ Malîɛ gwɔ́ tà ńgyá yé ḿbú ḿmɔɔn tɛ’. Má we gɔɔn né yé ngie: Míŋ wɔ̀ɔn, ɔ̀ gwǎ zsé ngie ɔ̀ ge gÿo yɔɔn nò ná peg pá’ɔɔn á gwa’á la? Ɔ̀ kéen ńtsɔ́’ɔ léme yeg tá gù, peg zɔ́gɔ léfa’a ɔ́, ńně ḿbɔ́gɔ ngie kà tsɔ́ mmó zɔ̌ kéen ńgÿo ɔ́ wɔ́?

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Lukase 3:23

Yěsô la gwɔ́ zye létsẅi Nkʉ̀ Mbòŋo, á cʉ́’ʉ méjʉ’ à gẅiin ngù’ móm tá, mé ne ńkwaŋa ngie aa míŋ Yesyɛ̂b. Yesyɛ̂b gwɔ́ míŋ Eli.

Lukase 4:22

Pɔ́ jú’u shwóŋè gie á kẅɛɛ ncwò yé, á gwɔ poŋo wɔ́b, ńgíŋe ne ńkʉ’ʉ wɔ́b, pɔ́ zye lézẅɛ́te, ńgɔɔn ngie: Wɛ̂ te míŋ Yesyɛ̂b wɔ́ le?

Ŋwà’ne Jâŋ 1:44

Filib ŋwɛ́ laa nyìŋ Mbetsayida, á tÿǒsoŋo pà Ndeléya pɔ́ Piɛ.

Ŋwà’ne Jâŋ 12:21

Pɔ́ tó ńgyá Filib, á nyìŋ Mbetsayida nà pàga ngwòŋ Galilea, ńgɔɔn né ye ngie: Andè, peg ne ńtsɔ́ɔn légyá Yěsô.

Ŋwà’ne Jâŋ 14:8

Filib jú’, ńgɔɔn né Yěsô ngie: Andè, nyɛɛ weg Tá gù ŋwɛ́ à ku’ pú’u.

Ŋwà’ne Jâŋ 18:5

Pɔ́ tsɔ́’ɔ mbwo yé ngie: Á Yěsô ye Nǎzarɛd. Á tsɔ́’ɔ mbwo pɔ́b ngie: Àa mèŋ. Yěsô gwɔ́ gɔɔn pá’ɔɔn, Jẅidas gẅie à ně sẅiŋe yé gwɔ́ nùɔ.

Ŋwà’ne Jâŋ 18:7

Yěsô gíŋe ńzɛ́te wɔ́b ngie: Pi fa’a wɔ́? Pɔ́ gɔɔn ngie: Á Yěsô ye Nǎzarɛd.

Ŋwà’ne Jâŋ 19:19

*Pilato gÿo mé ŋwe’e mmó, ńkime nà tÿǒ nkǐ. Á gwɔ́ mǒ ńgwɔ́ ngie: Yěsô nyìŋ Nǎzarɛd, fùɔ pà Yuda.

Ŋwà’ne Jâŋ 21:2

Etsɔ́ *ngàŋa kwò Yěsô la pú ńcú’te tà’a jʉ’. Wɔɔn laa Símo Piɛ, né Tomáse mélefág, ńgÿo Natanaye mûɔ Kána tsɛ̀ɛ pàga ngwòŋ Galilea, nê pènkʉ́ Zebede, mbɔɔ yetsɔ́ *ngàŋa kwò Yěsô yépʉ́a.

Ŋwà’ne Jâŋ 6:42

Pɔ́ gíŋe ne ńgɔɔn ngie nyìŋ wɛ̂ à tè Yěsô míŋ Yesyɛ̂b wɔ́ le! Pege tě ne ńzsé tá we pɔ́ má we wɔ́ le? Á ge gÿo lêkɔ́ tá à shwóŋó wégè fʉ̀’ɔɔn ngie à ka fó tÿǒ lepwó sẅɛ́’?

Ŋwà’ne Jâŋ 6:5

Yěsô ńnéŋe tà ḿbʉ’ʉ twó yé ńgyá máamáa nùɔ lá’ ne ńtóo né lejʉ́ŋ yé, á gɔɔn né Filib ngie: Pege ge gʉa nzɔ̌ jú mbelég tá lɔg jÿɔ́gɔ wɔ́b?

Ŋwà’ne Jâŋ 6:7

Filib tsɔ́’ ngie: Mé jú mbelég pɔ́ ye medenie nkÿo pʉ́a, nyìŋ wɔ́b pfɛ́ tà é gʉa lʉ́m?

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

Megàŋ ntúm 22:8

Mèŋ n zɛ́te ngie aa gù wɔ̌ Cʉ̀apʉ̀a? Angàŋ tsɔ́’ ngie: Mèŋ, n gee Yěsô, mûɔ Nǎzarɛd. Ɔ̀ tsɔ́’ɔ pá’a pɔ́ kwò yɔ́ɔn té pòŋ.

Megàŋ ntúm 26:9

Mbɔɔ mèŋ yɔ́ɔn, n ka ne ńkwaŋa ngie, n ge lɔg ncù lÿɔ́’ lezíŋ Yěsô mûɔ Nǎzarɛd, á nà meshÿó ntsèm.

Megàŋ ntúm 3:6

Piɛ lêen ńké ńgɔɔn mbwó yé ngie: N te tsɔ́ lagá nkáb gẅiin, tá’, ammó gie mèŋ n gẅiin, mèŋ n ge náa mbwo gù. Mèŋ, n tsẅii nà lezíŋ Yěsô Kristo múɔ Nǎzarɛd: Lu ssé ńgiŋ,