Ŋwà’ne Jâŋ 1:38 - Nouveau Testament en Ngienboum

³⁸ Yěsô sele nnɛ́, ńgyá pá’ pɔ́ ée nzèm yé, ńzɛ́te wɔ́b ngie: Pi fa’a kɔ́? Pɔ́ tsɔ́’ɔ mbwo yé ngie: Rabbi (ńdɔgɔ ngie tsítsà), ɔ̀ tsẅé nzɔ̌?

Ŋwà’ne Jâŋ 1:38 ပူးပေါင်းရင်းမြစ်များ

Lukase 10:39

Mágtà la gẅiin fɛ́ we we manzwě, lezíŋ sé gwɔ́ le Malîɛ. Yěsô tó tà ńnéŋe ssé, Malîɛ tó ńnéŋe lejʉ́ŋ yé, ńně ńjú’u shwóŋè yé.

Lukase 14:25

Yěsô gwɔ́ lyɛ̌’, ńcʉ́me mánzsé ńne ńgiŋe, pʉ̀a tà ńgyɔ́ɔn gwɔ́ nzèm yé, á kúu tsɔ́ jʉ’, ésele nnɛ́ ńgɔɔn né pɔ́b ngie:

Lukase 15:20

Ńkwaŋ pú’u, ńcʉ́me mánzsé, ńně ḿbiŋe nê mbʉ̀a pɔ́b. Tá we tyé ńgyá yé, tà á nyé pɔ́ ngʉ̀a shʉ̀shʉ̀a, mezìŋe mé kúu yé, á nɔ́ɔnte yé, ésiŋte yé, ngie: Wɔɔn aa gú lá?

Lukase 19:5

Yěsô gʉa tà ńkúu jʉ’ó, ḿbʉ’ʉ twó yé ńdíe yé, ńgɔɔn ngie: Lwo sẅɛ́’ me Sakîo, á poŋ ngie, n dá’ pɔ́ ndá gù lyɛ̌’ɔɔn.

Lukase 22:61

Yěsô sele nnɛ́, ḿma’a léjÿɔ́g ńdíe yé, e nÿɔ́g mɔ́b yé pumte. Piɛ leen ńgwóon ńkímte nò gie Cʉ̀apʉ̀a ně ńgɔɔn né yé ngie: Mênkɔ́’ ge gÿo gwaa tóŋ lyɛ̌’ɔɔn, mbà ɔ̀ moŋé wɔ̀ɔn ngʉ̀a ntá.

Lukase 8:38

ńně ńgee, nyìŋ gẅie *messé tepòŋ ně ńkẅɛɛ ná yé lá, sẅíŋte yé ngie pɔ́ yé gʉa. Tá Yěsô lʉ’ ńgɔɔn né yé ngie:

Ŋwà’ne Jâŋ 1:37

Ngáŋa kwò Jâŋ yépʉ́a jú’u yɔ̀ɔn shwóŋè, ńcʉ́me nzèm Yěsô.

Ŋwà’ne Jâŋ 1:39

Yěsô gɔɔn ngie: Pi tó, pi ge gyá. Pɔ́ leen ńké ńgʉa ńgyá jʉ’ gie à tsẅé wó. Á gwɔ gwɔ́ ńgwɔ́ nèm tá mbÿɛ̀ njÿó, pâ pɔ́ ńnéŋe tà yɛ̌ lyɛ’ɛ́ lá’ mag.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 12:21

Pɔ́ tó ńgyá Filib, á nyìŋ Mbetsayida nà pàga ngwòŋ Galilea, ńgɔɔn né ye ngie: Andè, peg ne ńtsɔ́ɔn légyá Yěsô.

Ŋwà’ne Jâŋ 18:4

Yěsô zsé nò gie á ne ńtóo ná yé, ésẅɛ’te nnɛ́ né mvfò pɔ́b ńgɔɔn ngie: Pi fa’a wɔ́?

Ŋwà’ne Jâŋ 18:7

Yěsô gíŋe ńzɛ́te wɔ́b ngie: Pi fa’a wɔ́? Pɔ́ gɔɔn ngie: Á Yěsô ye Nǎzarɛd.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 3:26

*Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Ŋwà’ne Jâŋ 4:31

Ńgwɔ tó pú’u, *ngàŋa kwò yé ne ńtsíŋe yé ńgɔɔn ngie: Rabbi, pfɛ́ɛ mémmó la.

Ŋwà’ne Jâŋ 6:25

Ńgʉa tà ńkúu nà yetsɔ̌ nzǐŋ, ńgyá yé, ńgɔɔn né yé ngie: Tsítsà, ɔ̀ tǒ tà ńkúu jʉ’ɔɔn fʉ̀’e kɔ́.

Megàŋ ntúm 10:21

Piɛ sẅɛ́’ ńkẅɛ́te pʉ̀a ŋwɛ́, ńgɔɔn né pɔ́b ngie: Pi ne fa’a nyìŋ! Àa wɔ̀ɔn. Pi tóo mélà’a kɔ́?

Megàŋ ntúm 10:29

Áa mmó gie á gÿǒ, mèŋ n deen ńdu ssé té zoŋ, pá’ pi tǔm ńtóŋo wɔ̀ɔn. Afʉ̀’ɔɔn lá, pi gÿo mèŋ n zsé mmó gie pi toŋó wɔ̀ɔn jʉ’ɔɔn ńtí yɛ̌.