Ŋwà’ne Jâŋ 1:33 - Nouveau Testament en Ngienboum

³³ Kwà’ mèŋ n da zɔɔn tè ne ńzsé yé wɔ́, tá Ssé gẅie à la túmo wɔ̀ɔn ńgie mèŋ n gʉa ńnu’ pʉ̀a ntse, yé zɔ̌ gɔɔn né mèŋ ngie: Ɔ̀ ge gÿo gyá zẅìge Ssé tó ńnéŋe ná nyìŋ. Àa yé gẅie à ge ná pʉ̀a mbwo zẅìge Ssé.

Ŋwà’ne Jâŋ 1:33 ပူးပေါင်းရင်းမြစ်များ

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Lukase 3:16

Tá á tsɔ́’ɔ mbwó pɔ́b metsèm ngie: Mèŋ n dêen ńgẅiin yɔ́ɔn pɔ́ ndà’ lénu’u gẅi tsɛ̀ɛ ntse. Tá tsɔ̌ ndÿò ne ńtóo; à cʉa wɔ̀ɔn tà mèŋ n tè ku’u lékyɛ́’ menkÿo melɔ̌ɔn mé wɔ́. À ge tó néŋ pʉ̀a mbwo Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g.

Ŋwà’ne Jâŋ 1:31

Kwà’ mèŋ n da tè ne ńzsé nyìŋ gẅie à ge gÿo gwɔ́ wɛ̌ wɔ́. Tá mèŋ n ka tǒ yɔ́ɔn, ńne ńnu’u pʉ̀a ntse lélɔg ńgÿo pà Israel zsé yé.

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 7:39

A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.

Megàŋ ntúm 1:5

Á gwɔ́ pá’ à la shwóŋó wɔ́b ngie: Jâŋ la nù’ pʉ̀a ntse, tá ńgʉa ná pɔ́b, mbà é cʉ́’ lyɛ̌’ shÿɔ́’ɔ tsɔ́ wɔ́, e Ssé ńnéŋe wɔ́b mbwo Zẅìge Ndʉalʉ̌a.

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.