Ŋwà’ne Jâŋ 1:29 - Nouveau Testament en Ngienboum

²⁹ Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 1:29 ပူးပေါင်းရင်းမြစ်များ

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Ŋwà’ne Jâŋ 1:35

Njÿó gÿo ńdʉ́a, Jâŋ pâ tsɔ́ *ngàŋa kwò yé yépʉ́a nyé ńgwɔ́ pɔ́ jʉ’ gie à kaa wó.

Ŋwà’ne Jâŋ 1:36

Á má’ lejÿɔ́g, ńgyá Yěsô pá’ à ne ńcʉa, ńgɔɔn ngie: Wɔɔn aa Mûɔ *Njʉ̀njÿò Ssé.

Ŋwà’ne Jâŋ 1:43

Njÿó gÿo ńdʉ́a, Yěsô záb ngie à ge gʉa tsɛ̀ɛ pàga ngwòŋ Galilea, ńne ńgee, ḿbumte Filib, ńgɔɔn né yé ngie cʉ́me nzèm mèŋ.

Ŋwà’ne Jâŋ 2:1

É cʉa lyɛ̌’ pʉ́a, atsɔ́ lɔ́ɔn ndá gwɔ́ tÿǒsoŋo Kána, á tsɛ̀ɛ pàga ngwòŋ Galilea, má pà Yěsô gwɔ́ wó.

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Jâŋ 4:42

Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Megàŋ ntúm 8:32

Á gwaa gwɔ́, mbà jʉ’e ŋwà’ne gie á ké ne ńtóŋo áa gie á gɔɔn ngie: Mé la ne ńdɔgɔ yé ńgee, á pú tè kẅág, ńgiŋ yé pɔ́ pá’ *njʉ̀njÿò gie mé lɔgɔ yé ńgee legwǎ mbab ńzẅe ńdáŋte pɔ́ pá’ mûɔ *njʉ̀njÿò gẅie mé ne ńkwóon menòŋ mé.

1 Korento 15:3

N da cʉ́me nò gie mé la cʉ́me pɔ́ mbwo mèŋ á mbwo pi, á gwɔ́ ná nkʉ̀ mbòŋo ńgwɔ́ kwòŋ. Yɛ̌ nò gwɔ́ ngie: Kristo la kwé nà menò tepòŋ mégè, á gwɔ́ pá’ ŋwà’ne Ssé la tʉ́ njÿó ńgɔɔn.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Galatia 3:13

Tá’, pá’ mánzsè we *lepʉ̌ gÿo pege kaa pɔ́ ndòon la, Kristo la tó ńgÿo pege tsẅɛ́ ndòon ŋwɛ́. À la zyɛ́b ńkaa ḿbi’, ńcʉ́’ʉ ngàŋ ndòon ńtí wégè. Mé gɔɔn nue mé la ŋwe’e ngie: Ndòon ee twó nyìŋ gẅie mé kimé yé nà tÿǒ.

1 Timote 2:6

Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Piɛ 1:19

À la lɔg pɔ́ tʉ̀ nzẅìŋ metse Kristo gẅie tsɔ́ nò tepòŋ té ná yé wɔ́, atsɔ́ *lɔ̌’ ké tè ná yé wɔ́. Kristo laa pá’ mûɔ *njʉ̀njÿò gẅie mé la zẅé yé ńdɔg ńnuŋe pwɔ́’.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 14:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá Mûɔ *Njʉ̀njÿò, á tyé ndùm lekwɔ’ɔ́ Sioŋ. Pâ pʉ̀a ntsá’ nkÿo lê ntsá’ ntsɔ̀b lekùa lê móm lekùa gwɔ́ (144.000). Mbà mé la ŋwe’e lezíŋ Mûɔ *Njʉ̀njÿò mbɔɔ se Tá we á nà zǐ sɔ́b.

Ŋwà’ne Ngyà jʉ’ 14:10

angàŋ zsé ngie mbɔɔ yé yé ge gÿo nú melù’ gyáŋa lóŋ Ssé, é mie Ssé ge gÿo ńnéŋe tsɛ̀ɛ ntú’ gyáŋa lóŋ yé, tà fó le gwate. Angàŋ pɔ́ɔnte ńkú ngʉ̀ngʉ̀ á tsɛ̀ɛ mmɔ̌g *mekʉ̀a, á mvfò *mecÿɔ́’ Ssé pe ndʉalʉ̌a mbɔɔ mvfò Mûɔ *Njʉ̀njÿò.

Ŋwà’ne Ngyà jʉ’ 14:4

ée pʉ̀a pie pâ panzwě la tè gÿo menò ncÿǒ wɔ́, pɔ́ gwɔ́ pɔ́ pʉ̀a pie pɔ́ laa mánzwě zsé. Mûɔ *Njʉ̀njÿò gʉa nzɔ̌ wɔ́, pɔ́ zse pɔ́ nzèm ye, ée pʉ̀a pie mé la gʉa tsetsɛ̀ɛ pʉ̀a mesoŋ ńcu’u wɔ́b, pɔ́ gwɔ́ mvfò Ssé mbɔɔ mvfò Mûɔ *Njʉ̀njÿò, ńgwɔ́ pɔ́ pá’ ntwó mmó gie é fǒ nká’ la,

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 19:7

Pege kág, ńnáa gugẅî, ńnáa legú’ mbwo yé. Á nue eshúm léjÿó línɔ́ɔn lɔ́ɔn ndá mûɔ *Njʉ̀njÿò é sɔ́ɔn. Anzwě ngʉ̀ we, kẅǐŋ mbùm ye tà ne ńzẅí’te.

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.

Ŋwà’ne Ngyà jʉ’ 21:14

Mé la lɔg memáa métóon ntsɔ̀b pʉ́a nê legém nuŋe ncwò nká’ gẅie é la kéle tÿǒsoŋ, mbàa wɛ̌ tóon wɔ́ á gẅiin lezíŋ tà’ nyìŋ á nà megàŋ ntúm Mûɔ *Njʉ̀njÿò pie é laa ntsɔ̀b pʉ́a nê legém.

Ŋwà’ne Ngyà jʉ’ 21:27

Tá’ atsɔ́ mmó gie ncÿǒ ée mǒ, á té gÿo tɔ́g tà kúu wó wɔ́. Tà mbɔɔ sɔɔn nyìŋ á ná pàgÿo menò ncÿǒ, mbɔɔ nà megàŋa cÿɔ̌ nò. Ndà’ pʉ̀a pie mezíŋ mɔ́b ée tsɛ̀ɛ ŋwà’ne Mûɔ *Njʉ̀njÿò gie lezíŋ pʉ̀a pie pɔ́ gẅiin le gwɔ́ tèmì ée tsoló, ge lá’ kúu wó.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,

Ŋwà’ne Ngyà jʉ’ 5:6

Ńgɔɔn pú’u, mèŋ n deen ńké ńgyá mûɔ *njʉ̀njÿò tyé tsetsɛ̀ɛ lʉŋe lefùɔ, á tsetsɛ̀ɛ menɔ̀ɔn lekùa, mbɔɔ tsetsɛ̀ɛ melÿò, ńgwɔ́ pɔ́ pá’ fʉ̀’ gie mé la shʉ́ʉ lóŋ we la. Mendóŋ gwɔ́ twó yé sɔɔn mbʉ́a. Menÿɔ́g mé gwɔ́ sɔɔn mbʉ́a ńdɔgɔ ńgwɔ́ mezẅìge sɔɔn mbʉ́a mie ée me Ssé, é mie e Ssé ne ńtúmo wɔ́b ngwòŋ jʉ’ ntsèm ndùmo ssé tsetsá’.

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.

Ŋwà’ne Ngyà jʉ’ 6:1

N nyé ńdíe lǐe, ńgyá mûɔ *Njʉ̀njÿò nyɛ́’ɛ lìi nŋwá’ ná ndùŋ mvfò jʉ’ ná mejʉ’ mɛ̌ sɔɔn mbʉ́a. N jú’ tsɔ̌ tà’ ná menɔ̀ɔn pá lekùa gɔɔn nò lê tsɔ̌ ngyè gie e gwá’a lefàŋ sie é vɛ́te la ngie: Tóo.

Ŋwà’ne Ngyà jʉ’ 6:16

ńne ńgɔɔn mbwo mekwɛ́, mbɔɔ mbwo memáa metóon ngie: Pí keme sẅɛ́ɛ wég, ńdÿoon wég. Nyìŋ gẅie à ńnéŋe nà lʉŋe lefùɔ lɛ, á le gíŋe ńgyá wég wɔ́. Mûɔ *Njʉ̀njÿò le gíŋe ńgyáŋa lóŋ ná peg wɔ́.

Ŋwà’ne Ngyà jʉ’ 7:14

Mèŋ n tsɔ́’ ngie, a Ndè, gù zɔ ne ńzsé. Á gɔɔn ngie ée pʉ̀a pie éfóo tsɛ̀ɛ máamáa ngɔ́’ ya. Pɔ́ ka lɔg metse mûɔ *Njʉ̀njÿò, ésɔg menzsǒ mɔ́b tà é lʉ́a, ńcʉ́’ʉ féfɔ́gɔ.

Ŋwà’ne Ngyà jʉ’ 7:17

Á nue mûɔ *Njʉ̀njÿò gẅie à tyé tsetsɛ̀ɛ lʉŋe lefùɔ ge gwɔ́ ngàŋa pyɛ́bɛ wɔ́b, é lɔgɔ wɔ́b é gʉa nà meti’í ntse, á jʉ’ gie ntse ge gÿo mé gwɔ́ wó. E Ssé gÿo ḿbú ńtsí’i ntse nÿɔ́g mɔ́b ntsèm.