Ŋwà’ne Jâŋ 1:14 - Nouveau Testament en Ngienboum

¹⁴ Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:14 ပူးပေါင်းရင်းမြစ်များ

Matio 1:16

Yakwɔ́b zyé Yesyɛ̂b, Yesyɛ̂b gwɔ́ ndǔm Malîɛ, Malîɛ gwɔ́ má pà Yěsô gẅie mé tóŋo le *Nzà’nkÿo.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Lukase 2:7

Á zyé mûɔ letwó we, á gwɔ́ mûɔ mbàŋa, á lɔg shúm nzsǒ ḿbwóte yé, ńnéŋe tsɛ̀ɛ ngwʉ̌ŋ shúm léjÿó menɔ̀ɔn, mbà pɔ́ ně ńzága yɔ́b jʉ’e lela’á tsɛ̀ɛ ndá megʉ̀.

Lukase 9:32

Á gwaa gwɔ́, mbà Piɛ pâ petsɔ́ pʉ̀a pǔ ńdyé tɛ’, pɔ́ gwɔ vege, ńgyá shʉ́shÿɔ́g Yěsô ne ńkyɛ’ɛ jʉ’, Yěsô pâ pʉ̀a pá mépʉ́a tyé jʉ’ó.

Ŋwà’ne Jâŋ 1:1

Njÿó la gwɔ́ zyète, ashwóŋè gwɔ́ pɔ́ wó, yé shwóŋè pɔ́ Ssé laa wó. Á piŋ ńgwɔ́ pɔ́ Ssé.

Ŋwà’ne Jâŋ 11:40

Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Ŋwà’ne Jâŋ 17:22

Legú’ gẅie ɔ̀ la náa mbwo mèŋ la, aa wɛ̌ gẅie n ka náa mbwo pɔ́b, pɔ́ ge gwɔ́ tà’ nyìŋ pá’ pɔgɔ ée tà’ nyìŋ.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Ŋwà’ne Jâŋ 18:37

*Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Ŋwà’ne Jâŋ 3:18

Nyìŋ lɔɔn ńzáb ntʉ́m wé ná yé, ndòon le yé gwoon. Nyìŋ gẅie à ké kaa záb ntʉ́m wé ná yé wɔ́ zsé ngie à kǎ ndòon, á nue à kaa záb ntʉ́m wé ná Míŋ Ssé wémɔ’ɔ́ wɔ́.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Ŋwà’ne Jâŋ 8:32

Mbà pi ge zsé nò nénʉ́, anò nénʉ́ cu’u gẅí.

Megàŋ ntúm 13:33

À kéen ńgÿo yɛ̌ nò pumte twó pege pie pege ee gubé yɔ́b. À ka gÿó Yěsô zíme nà legwé pá’ mé la ŋwe’e tsɛ̀ɛ ŋwà’ne mezɔ́bɔ ntse, á nà mbɔ́ɔntè pàg pʉ́a ngie: Ɔ̀ɔ Míŋ wɔ̀ɔn tà fó lyɛ̌’ɔɔn, mèŋ n cʉ’ʉ́ tá gù.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

Roma 9:5

Pà mangʉa njʉ’ pɔ́b la kẅɛɛ nà ngẅɛ̀ Ábalam. Kristo gẅie aa Ssé, la gÿo ńkẅɛ yé nà yɛ̌ ngẅɛ̀, á fʉ̀’ gie mé la zyé yé á gwɔ́ nyìŋ mesoŋ. À pǔ ńcʉa kɔ̀ɔkɔ́ɔ. Mbʉ́lè gwɔ́ ná yé mengù’u mengù’. *Amen.

1 Korento 15:47

E Ssé la cʉ́’ʉ lépwóon ndùŋ mvfò nyìŋ mesoŋ, ńdɔgɔ tsetsá’ ḿbwóon yé. Wɛ̌ nyìŋ lɔgɔ pú’u, éfóo ndùmo ssé tsetsá’, tá’ nyìŋ mbɔ́ɔntè yépʉ́a á fóo pɔ́ tÿǒ lepwó.

2 Korento 12:9

é sẅíŋte yé pú’u, á tsɔ́’ ngie, mèŋ n ne ńdíe gú, ńkẅéte gú, ajú ku’ pú’u, á nue ɔ̀ gwɔ̌ tà ne ḿbÿɛ́ɛ pÿɛ̌ tá ńdɔg ńná shÿó pá’ mɔ́ɔn metʉ̀ ge cwoŋo fa’. Áa yɛ̌ tá mèŋ n kwoŋo lévɔg ńdɔg pá’ ḿbÿɛ́ pÿɛ̌ ńka’te, pú’u, ńzsé ngie metʉ̀ Kristo ge tó é gwɔ́ ná mèŋ.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Kolosia 1:19

Áa nénʉ́, mbà Ssé la kwoŋ ngie tà tsɔ́ mmó gie áa ná yé zága ná Míŋ we,

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Kolosia 2:9

Pi pɔ́ɔn á nue, akɔ́ɔkɔ́ɔ gie áa nà Ssé wɔ́, mé gyá ná Kristo, yé gẅie à la sele ńcʉ́’ʉ nyìŋ mesoŋ.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 1:5

E Ssé laa zɔɔn ńgɔɔn mbwo tsɔ̌ cÿɔ́’ we ngie: Ɔ̀ɔ míŋ wɔ̀ɔn tà fó lyɛ̌’ɔɔn n gwɔ́ tá gù wɔ́. À ké laa zɔɔn ńgɔɔn mbɔɔ ná tsɔ̌ ngie: Mèŋ n ge gÿo gwɔ́ mbwo yé é gwɔ́ tá we à gwɔ́ mbwo mèŋ ńgwɔ́ míŋ wɔ̀ɔn mɔ́.

Heber 10:5

Áa mmó gie á la gÿo Kristo gwaa tóo tsɛ̀ɛ njÿó, ńgɔɔn mbwo Ssé ngie: Ɔ̀ la tè shúm pwɔ́’ kwoŋ, ńké tè menɔ̀ɔn pie mé zẅé ńdɔgɔ ńgu’te gú kwoŋ. Tá ńké ńná mbùm nnɛ́ né mèŋ

Heber 2:11

Yěsô gẅie à zɔɔn ńgÿo pʉ̀a ku’u pʉ̀a Ssé mbɔɔ pʉ̀a pie à kéen ńgÿo pɔ́ ku’, pâ pɔ̌ pú ńgwɔ́ pɔ́ pʉ̀a tà’ nyìŋ. Áa mmó gie á gÿo eshʉ́ té kúu yé létóŋo wɔ́b lê mefɛ́ pé wɔ́.

Heber 5:5

Á la gʉa ná Kristo ńgíŋe ńgwɔ́ pɔ́ pú’u. Yé zɔ la tè ńnéŋe tà ńgɔɔn ngie à gẅiin legú’ we *nùŋe pwɔ́’ we lÿò wɔ́. À la gwaa cʉ́’ʉ wɛ̌ á fó pɔ́ ne Ssé gwie à la gɔɔn né ye ngie: «Ɔ̀ɔ Míŋ wɔ̀ɔn, tà fó lyɛ̌’ɔɔn n gwɔ́ tá gù».

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.

2 Jâŋ 1:7

Pàcÿɔ nò kéen sa njÿó tà ńgyɔ́ɔn. Pɔ́ té ńne ńzẅíŋe ngie Yěsô Kristo la kwà’ sele ńcʉ́’ʉ nyìŋ mesoŋ wɔ́, pɔ́ ée kwà’ megàŋa cÿɔ̌ nò, ńgwɔ́ megàŋ mbù Kristo.

Ŋwà’ne Ngyà jʉ’ 19:13

Á ma’ tsɔ̌ nzsǒ fÿɔ́g, mbà mé la nu’u tsɛ̀ɛ metse. Mé tóŋo yé lê shwóŋè Ssé.

Ŋwà’ne Ngyà jʉ’ 21:3

Mèŋ jú’ etsɔ̌ ngyè tetʉ̀ fóo jʉ’ʉ lʉŋe lefùɔ ńne ńgɔɔn ngie: Áa fʉ̀’ɔɔn, mbà jʉ’ gie Ssé ńnéŋe wó, á gwɔ̌ tsetsɛ̀ɛ pʉ̀a mesoŋ. Pâ pɔ̌ zɔ̌ ge cʉ́’ʉ ńnéŋe, pɔ́ gwɔ́ pʉ̀a pé, à gwɔ́ Ssé yɔb.