Ŋwà’ne Jâŋ 1:12 - Nouveau Testament en Ngienboum

¹² Tá’, etsɔ́ pʉ̀a kúe yé, ńzáb ntʉ́m ná yé, á leen ńké ńnáa wɔ́b tʉ̀ lécʉ́’ púɔ Ssé.

Ŋwà’ne Jâŋ 1:12 ပူးပေါင်းရင်းမြစ်များ

Matio 10:40

Nyìŋ lɔɔn ńkúe gẅí, mbà à kúe pɔ́ wɔ̀ɔn, nyìŋ piŋ ńkúe wɔ̀ɔn, mbà à kúe pɔ́ nyìŋ gẅie à la túmo wɔ̀ɔn

Matio 12:21

Mengwòŋ ntsèm tsɛ̀ɛ njÿó cʉ́’ʉ ńdɔgɔ pɔ́ yé ńnéŋe».

Matio 18:5

Nyìŋ lɔg lezíŋ sɔ́ɔn ńkúe mùɔ memúɔ pá’ wɔɔn lɔɔn, mbà ngàŋ kúe pɔ́ wɔ̀ɔn.

Ŋwà’ne Jâŋ 1:11

À la tóo kwà’ lá’ pɔ́b, epʉ̀a lá’ pé té yé kúe.

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Ŋwà’ne Jâŋ 11:52

Á le gwɔ́ pɔ́ ndà’ nà twó pà Yuda gílé pɔ́b wɔ́, á gíŋe ńgwɔ́ lélɔg ńtemte púɔ Ssé pie ée jʉ’ ntsèm, pɔ́ cʉ́’ʉ tà’ nùɔ.

Ŋwà’ne Jâŋ 2:23

Yěsô nyé ńgwɔ́ pɔ́ Yerósalem, mé ne ńjÿó línɔ́ɔn *páskà, alá’ gyá menò mmɔɔn mmɔɔn mie à ne ńgÿo, pʉ̀a tà ńgyɔ́ɔn záb ntʉ́m ná yé.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Jâŋ 3:18

Nyìŋ lɔɔn ńzáb ntʉ́m wé ná yé, ndòon le yé gwoon. Nyìŋ gẅie à ké kaa záb ntʉ́m wé ná yé wɔ́ zsé ngie à kǎ ndòon, á nue à kaa záb ntʉ́m wé ná Míŋ Ssé wémɔ’ɔ́ wɔ́.

Megàŋ ntúm 3:16

Áa nà fʉ̀’ɔɔn, pi ne ńgyá nyìŋ wɔɔn, ḿbiŋ ne ńzsé yé. Á cʉ̌a pɔ́ nà wég lézáb ntʉ́m nà Yěsô ŋwɛ́ tá lezíŋ sé ná metʉ̀ mbwo yé, á lɔg ńdu ssé ńtyé mvfò pi. Á cʉ̌a pɔ́ nà lezǎb ntʉ́m ná Yěsô tá á gwɔ́ ntentʉ́ pá’ pi ne ńgyá lɛ̀.

Roma 8:14

Á nue pʉ̀a pie Zẅìge Ssé ne ńtsyeen wɔ́b ée púɔ Ssé.

Roma 8:16

Kwà’ Zẅìge ŋwɛ́ yé máŋwɛ́ ne ńgÿo pege cwoŋo ńzsé tsɛ̀ɛ ntʉ́m wégè ngie pege ee púɔ Ssé.

Roma 8:19

Akɔ́ɔkɔ́ɔ gie Ssé la nyɛte zɔɔn ḿbú ne ńzẅí’te tɛ’ légyá fʉ̀’ gie e Ssé ge gÿo mé gyá legú’ púɔ pé.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Galatia 4:6

Áa nénʉ́ pi ee kwa’ púɔ Ssé. Aliŋé áa pá’ Ssé la ńnéŋe Zẅìge Míŋ we tsɛ̀ɛ mentʉ́m mégè, á Zẅìge gie á gÿo pege tóŋo Ssé le Abba. Á lɔgɔ ńgɔɔn ngie Tá wɔɔn.

Kolosia 2:6

Pá’ pi ka kě ńzẅíŋ ngie Yěsô Kristo aa Cʉ̀apʉ̀a gẅi la, á ne ńzɛ́te ngie gẅi leńnéŋe gwɔ́ pá’ à ne ńkwoŋo.

2 Piɛ 1:4

Á la fó pú’u, á ná shúm tʉ̀ nzẅìŋ á mbwo pege, é gwɔ́ sie é kẅéte wégè tɛ’, ńgwɔ́ sie à la ka’, ńnáa pú’u, légwɔ́ gie pege ge cʉa ná sɛ̌ shúm, é ku’u lékÿo menò ncÿǒ mie ée tsɛ̀ɛ yɔɔn njÿó, éfóo ná shúm sie mbùm yege tsóte wégè légÿo, é kÿo pú’u, é cʉ́’ ńgẅiin pɔ́ tsẅé ye yé Ssé.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

1 Jâŋ 3:23

*Lepʉ̌ sé ŋwɛ́, e sɔɔn ńgwɔ́ ngie: Pege záb ntʉ́m ná Míŋ we Kristo, ḿbiŋ ńgẅiin nkwòŋe tsetsɛ̀ɛ pege, ée *lepʉ̌ sie Yěsô la záb ngie pege giŋe mǒ.