Ŋwà’ne Jâŋ 1:10 - Nouveau Testament en Ngienboum

¹⁰ Ye shwóŋè laa tsɛ̀ɛ njÿó, tá pʉ̀a mesoŋ ké tè yé zsé. Mbà pɔ́ la ké ńcʉa pɔ́ ná yé tá ńgwɔ́ wó.

Ŋwà’ne Jâŋ 1:10 ပူးပေါင်းရင်းမြစ်များ

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Ŋwà’ne Jâŋ 1:11

À la tóo kwà’ lá’ pɔ́b, epʉ̀a lá’ pé té yé kúe.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 1:3

Akɔ́ɔkɔ́ɔ gwaa gwɔ́ wó, ńcʉa pɔ́ ná yé. Atsɔ́ mǒ té gwɔ́ wó té gwɔ́ gie á cʉ̌a pɔ́ ná yé wɔ́.

Ŋwà’ne Jâŋ 1:5

Akyɛ̀’ ne ńkyɛ’ɛ nzěm, nzěm ké tè kúbe.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 5:17

Yěsô tsɔ́’ɔ mbwo pɔ́b ngie: Tá wɔ̀ɔn nyě fa’a pɔ́ fà’ tà ńkú fʉ̀’ɔɔn, mbɔɔ mèŋ yɔ́ɔn mèŋ n giŋé ne fa’a pɔ́ fà’.

Megàŋ ntúm 14:17

Tá’, e Ssé ké tè tsó té lɔg mefà’ mbòŋo mé ńnyɛɛ wɔ́b ngie aa wó wɔ́, ńne fóo tÿǒ lepwó ńtúmo mbʉ̀ŋ mbwo pɔ́b, ńgÿo shúm zéme, pɔ́ laga ná fʉ̀’ gie á ne ńzɛ́te. Á lɔg ńgÿo pɔ́ gẅiin shúm léjÿó tà ntʉ́m wɔ́b poŋ, ḿbiŋ ńnéŋe ńkág kág.

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

1 Korento 8:6

tá á ké ńgwɔ́ mbwo pege, tà’ Ssé wémɔ’ɔ́ nzɔ̌ wɔ́ wó, ńgwɔ́ Tá gẅie kɔ̀ɔkɔ́ɔ fóo pɔ́ mbwo yé. Pege piŋ ńgwɔ́ wó ńtí pɔ́ ye. Tà’ Cʉ̀apʉ̀a gwɔ́ wó ńgwɔ́ Yěsô Kristo gẅie à kɔ̀ɔkɔ́ɔ gwaa gwɔ́ wó wɔ́ɔ yé zɔ̌ gÿo. Pege piŋ ńgwaa gwɔ́ wó ńzẅɛ́’ɛ pɔ́ ye.

Kolosia 1:16

E Ssé la zɔɔn ńgÿo kɔ̀ɔkɔ́ɔ cʉa ná mbwó Míŋ we tá yé Ssé pwóon. Mé gɔɔn shúm ntsèm sie ée tÿǒ lepwó, mbɔɔ sie ée ndùmo ssé tsetsá’, éshúm sie mé gyá mbɔɔ sie mé té gyá, á kɔ̀ɔkɔ́ɔ gie áa tsɛ̀ɛ njÿó ńgẅiin metʉ, ńnẅɛɛ pʉ̀a, ésá’a setsɔ́, ńgẅiin jʉ’. E Ssé la gÿo sɛ̌ shúm cʉa ná mbwó Míŋ we tá mé pwóon, ḿbiŋ ḿbwóon é gwɔ́ pɔ́ se Míŋ we.

Heber 11:3

Pege fǒ pɔ́ ná pá’ pege záb ntʉ́m nà Ssé tá ńjú’ ngie e Ssé la lɔgɔ shwóŋè yé ńnyɛte njÿó, éfó mǒ ńzsé ngie ammó gie pege gyǎ lê nÿɔ́g, á la fóo nà mmó gie mé té gyá lê nÿɔ́g wɔ́.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.