Ŋwà’ne Jâg 5:9 - Nouveau Testament en Ngienboum

⁹ Mefɛ́ pɔ́ɔn, pi pɔ́ɔn légẅiin zẅɛ́te tsetsɛ̀ɛ pi, ńzsé ngie Ssé tè gÿo gɔɔn ngie pi gwě ntsaŋ wɔ́, à ntsɔ́’te mentsaŋ tǒ tà ńtyé ncwò ndá.

Ŋwà’ne Jâg 5:9 ပူးပေါင်းရင်းမြစ်များ

Matio 24:33

Ndʉŋ ndʉŋ pú’u, pi la’ ńgwɔ́ tà ńgyá mɔɔn menò, pi zsé ngie: *Míŋ Nyìŋ tǒ tà ńgwɔ́ ncwò ndá.

Malékuse 13:29

Ndʉŋ ndʉŋ pú’u, pi la’ ńgwɔ́ tà ńgyá mɔɔn menò zye lécʉate, pi zsé ngie afʉ̀’ gie *Míŋ Nyìŋ ge tó, tsoté tà ne ḿbɔ́ɔnte, á tǒ tà ńgwɔ́ ncwò ndá.

Malékuse 6:19

Á la fó pú’u, tá *Herôdiad pú ńzá’ lekwɔ̀ɔn sé, ńně fa’a shÿó légÿo mé zẅé yé, ńké tè ne ńgyá wɔ́. À tě ngyá shÿó wɔ́,

1 Korento 10:11

Mɔɔn menò la gÿo wɔ́b pá’ɔɔn ńdɔgɔ ńnyɛɛ fʉ̀’ʉ nò. Mé la piŋ ńŋwe’e pá’ pege pie pege cʉ̌’ ńgwɔ́ pɔ́ nà fʉ̀’ʉ nzsòté lɔɔn ge fó mǒ zsé nò.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 9:7

Pú’u la, á poŋ ngie awɔ̌wɔ́ɔ náa mmó pɔ́ pá’ à ně ńkwaŋte tsɛ̀ɛ ntʉ́m yé, ńná té ne ńgyáŋa lóŋ, té gwɔ́ gie mé sẅɛ́ɛ yé sẅɛ́, á nue e Ssé kwoŋo nyìŋ gẅie à lɔgɔ lekág ńnáa mmó.

Galatia 5:14

Á nue anò gie á pú ńkwɛ́ metwó menò mie ée tsɛ̀ɛ *lepʉ̌ gɔɔn ngie: Kwoŋo fɛ́ gù nyìŋ mesoŋ pá’ twó mbùm jú.

Galatia 5:26

Tà pege ŋá’te nnɛ́, tà pege tág melà’ tsetsɛ̀ɛ pege, tà pege gẅiin kègɔ́’ tsetsɛ̀ɛ pege.

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

Ŋwà’ne Jâg 4:12

E Ssé gíle yé zɔ zába *lepʉ̌, ḿbiŋe ńzá’a ntsaŋ pʉ̀a, yé gíle yé zɔ ku’u légÿo nyìŋ tsẅɛ́ kà légÿo á kwé wɔ́. Ɔ̀ kwǎŋ jú ngie ɔ́ɔ wɔ̌ tà ńtúu *lɔ̌’ fɛ́ gù?

Ŋwà’ne Jâg 5:10

Mefɛ́ pɔ́ɔn, pi gʉa nà leshÿɔgɔ ná ngɔ́’, mbɔɔ ná lelɔgɔ kwɔ́gɔ nnɛ́ ńzẅí’te mmó, ḿbí fʉ̀’ ná pàntsẅi nkʉ̀ Ssé pie é lɔ́ɔn ńgɔɔn nò ná lezíŋ Cʉ̀apʉ̀a.

Ŋwà’ne Jâg 5:7

Mefɛ́ pɔ́ɔn, pú’u la pi lɔgɔ kwɔ́gɔ nnɛ́ ńzẅí’te tà ńkú fʉ̀’ gie Cʉ̀apʉ̀a ge tó. Pi gyá pá’ njʉ’ ngwóŋ kě ńdá’ ńdɔg pɔ́ kwɔ́gɔ nnɛ́ ńzẅí’te ngie tsetsá’ zém shúm mbòŋo, é zém, à káb ntwó, ńzẅí’te tà ńtáa ńgíŋe ńkáb nzèm.

1 Piɛ 4:5

Tá’ pɔ́ ge gÿo tyé mvfò Ssé gẅie à tyě pá’ à ge zá’ ntsaŋ pʉ̀a metʉ̀ pâ mepfó ssé, építe ncwò wɔ́b nà ngÿǒ menò mɔ́b.

1 Piɛ 4:9

Pi kúe mefɛ́ pi tsetsɛ̀ɛ pi á tsɛ̀ɛ mendá mí té ne ńzẅɛ́te.

Ŋwà’ne Ngyà jʉ’ 3:20

Mèŋ wɔɔn, mbà mèŋ n tǒ ńtyé ńne ńkwá’te ncwò ndá, ńgwɔ́ gie nyìŋ lɔɔn ńjú’ ngyè yɔ̀ɔn, ńtsɔ́’ ncwò ndá, mbà mèŋ n ge kúu ndá ngàŋ, é ńnéŋe ssé peg ngàŋ pfɛ́ɛ mmó, angàŋ piŋ ńnéŋe ssé peg yé pfɛ́ɛ mmó.