Ŋwà’ne Jâg 5:4 - Nouveau Testament en Ngienboum

⁴ Megàŋa fà’ ka lag shúm sí nká’, pi jÿó nkáb yɔb. Pi jú’ pá’ pɔ́ lʉa. Ngyè pʉ̀a pie pɔ́ laga shúm sí ńnáa ndá e kwɔ̌’ tà ńkúu letuŋó Ssé, yé Cʉ̀apʉ̀a gẅie à sá’a pàlÿɔ́’ ncù ntsèm pie ée tÿǒ.

Ŋwà’ne Jâg 5:4 ပူးပေါင်းရင်းမြစ်များ

Matio 9:37

Á leen ńké ńgɔɔn mbwó *ngàŋa kwò yé ngie: Eshúm sie mé gee nká’ ńdagá é gyɔ́ɔn tɛ’, nzẅìŋ ngàŋa fà’ piŋ ńkɔ́g.

Lukase 18:7

Tà ngʉ̀a shÿɔ́’ɔ nà Ssé? Á ge gǎ tá á le lwo ńtó ńkẅéte pʉ̀a pie à la tsɔ́’ɔ wɔ́b ńdɔg ńgÿo pé wɔ́? Tá pɔ́ ne ńdʉa ńtóŋo yé fʉ̀’e zsǒ pɔ́ tsẅɛ́’?

Roma 9:29

Esǎya la gíŋe ńtʉ́ njÿó ńgɔɔn ngie: «Cʉ̀apʉ̀a gẅie à pǔ sá’a shúm ntsèm tsɛ̀ɛ njÿó la gwé’e pé’è à tè nyé tsɔ́ mbɔ́ ntá’ nà ngẅɛ̀ yege á mbwo pege wɔ́, mbà pege léen ńcʉ́’ pá’ tÿǒsoŋo Sodom kà pɔ́ pá’ ye Gomor wɔ́.»

Kolosia 4:1

Pi metá pu’, pi gwɔ́ ndʉŋ ndʉŋ mvfò menkwɔɔn pí, ḿbiŋ ńgÿo pɔ́ mmó gie á zɛ́te ngie mé gÿo, ńne ńkímte ngie pi gí gẅiin gẅi Tá fà’ tÿǒ lepwó.