Ŋwà’ne Jâg 5:16 - Nouveau Testament en Ngienboum

¹⁶ Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.

Ŋwà’ne Jâg 5:16 ပူးပေါင်းရင်းမြစ်များ

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Matio 3:6

ńtyé mvfò mânyìŋ ntsèm, ńzẅíŋe meno tepoŋ mɔ́b, á nu’u wɔ́b tsɛ̀ɛ ntse Jurdeŋ.

Malékuse 1:5

Pʉ̀a tà ńgyɔ́ɔn leen ńké fóo tsɛ̀ɛ pàga ngwòŋ Jẅidea ńtóo, lelÿò fóo Yerósalem ńtóo ńgyá Jâŋ, ńzẅíŋe menò tepòŋ mɔ́b, á nú’u wɔ́b tsɛ̀ɛ ntse Jurdeŋ.

Lukase 9:6

Pɔ́ lêen ńké ńgʉa, ńkʉ́’ʉ melá’ melá’, ńgiŋe ńtsẅii Nkʉ̀ Mbòŋo gẅie é fóo mbwo Ssé, ńgíŋe ně ńgÿo megàŋa guɔ zeŋe.

Ŋwà’ne Jâŋ 9:31

Pege metsèm zsě ngie e Ssé aa tě njú’u ngyè nyìŋ tepòŋ wɔ́, tá ńgwɔ́ gie nyìŋ lɔɔn ńgÿo mekù’ Ssé, ḿbiŋ ne ńgÿo mmó gie e Ssé ne ńkwoŋo, mbà Ssé ge jú’ ngyè ye.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 19:18

Lelÿò pʉ̀a zẅíŋe nò Yěsô, ḿbiŋe ne ńtóo ńtyé tsetsɛ̀ɛ pʉ̀a ńkwé’e ngyè yɔb tÿǒ ńzẅíŋe mmó gie pɔ́ ka gÿo, á tepòŋ.

Megàŋ ntúm 8:24

Símo tsɔ́’ ngie: Kwà’ pi zɔ sẅíŋte Cʉ̀apʉ̀a ná twó yɔ́ɔn. À cʉa pú’u, ànò gie pi gɔɔn á le gÿo wɔ̀ɔn mɔ́.

Roma 3:10

Á lɔgɔ ńcʉ́me ná pá’ mé la ŋwe’e tsɛ̀ɛ ŋwà’ne Ssé ngie. Atsɔ̌ nyìŋ mesoŋ gẅie aa ndʉŋ ndʉŋ à tè wó wɔ́. Tà tsǒon tà’.

Roma 5:19

Ndʉŋ ndʉŋ pá’ tà’ nyìŋ mesoŋ la lʉ’ʉ lé jú’ ncwò Ssé, anùɔ lá’ fó mǒ ńcʉ́’ ngàŋ mefʉa la, tà’ nyìŋ wémɔ’ɔ́ la jú’ ncwò Ssé, á fó mǒ anùɔ lá’ lá’ ńcʉ́’ pʉ̀a pie e Ssé líe wɔ́b pɔ́ gwɔ́ ndʉŋ ndʉŋ mvfò yé.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

1 Tesalonika 5:17

Pi ne ńtsyɛ’te Ssé fʉ̀’ ntsèm,

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

1 Tesalonika 5:25

Mefɛ́ mefɛ́, pi sẅíŋte Ssé mbɔɔ ná ség twó.

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

Heber 12:13

Pi giŋe ná mánzsè gẅie à tyé ndʉŋ ndʉŋ, légwɔ́ gie lejÿɔgɔ́ kwò nyìŋ gẅie à ne ńnyí’i té mege pwɔ́’ɔ wɔ́, tà ńcʉ́’ pú’u, ésẅéte sẅeté.

Heber 13:18

Pi ké ńne sẅíŋte Ssé sẅíŋte nà twó ség. Peg kwa’ ńne ńjú’u ngie mbùm yeg tè ne ńcúa wég nà tsɔ́ nò wɔ́, á nue peg ne ńtsɔ́ɔn légwɔ́ gie kɔ́ zɔ̌ lɔɔn ńtyé ssé wɔ́, peg gÿo pɔ́ mmó gie á ne ńzɛ́te.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.