Ŋwà’ne Jâg 5:15 - Nouveau Testament en Ngienboum

¹⁵ Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.

Ŋwà’ne Jâg 5:15 ပူးပေါင်းရင်းမြစ်များ

Matio 17:20

Á tsɔ́’ɔ mbwó pɔ́b ngie: Ee, mélà’mie pi záb ntʉ́m nà Ssé pɔ́ méjʉ’ lepile. Pi lɔɔn fó ńzáb ntʉ́m gẅi nà Ssé pɔ́ méjʉ’ pá’ lesɔ́ɔn sésɔg, mbà à lɔɔn ńgwɔ́ pi gɔɔn né lekwɛ́ sɛ̂ ngie: Tsɔ́’ɔ ńgʉa ńtyé jʉ’ʉ, é gʉa ńtyé jʉ’ó. Mbà à lɔɔn ńgwɔ́ tsɔ́ nò á le lá’ ńcʉa gẅi wɔ. [

Ŋwà’ne Jâŋ 5:14

Yěsô gÿo ńgyá yé tsɛ̀ɛ *jʉ’ʉ Ssé, ńgɔɔn né yé ngie: Ɔ̀ kě ńzeŋe mboŋó, tè lá’ ńgíŋ ńgÿo nò tepòŋ ḿbɔ́gɔ tsɔ̌ ngɔ́’ légíŋe ńkúu gú, tà ńtɔ́g gie ɔ̀ kà zɔɔn ńgwɔ́ tsoló.

Ŋwà’ne Jâŋ 6:39

Ammó gie nyìŋ gẅie à la túmo wɔ̀ɔn ne ńkwoŋo, á gwɔ́ pɔ́ ngie tà mèŋ n cʉ́’ tà tsɔ̌ tà’ nà pʉ̀a pie à la náa mbwo mèŋ pyé. À lyɛ’ɛ́ lá’ nzsò nzèm lá’ ńgwɔ́, mèŋ n zíme wɔ́b nà legwé.

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

2 Korento 4:14

ńne ńzsé ngie Ssé gẅie à la gÿo Cʉ̀apʉ̀a Yěsô zíme ná legwé, ge gÿo gíŋe gÿo pege zím yégè, á nue pege la nnɛ́ ná Yěsô, e Ssé gÿo pege métsèm kẅɛ, pega Yěsô pú ńcú’te.

Ŋwà’ne Jâg 1:6

Tá ngàŋ ké ńcʉ́’ʉ lélúɔ, ńzáb ntʉ́m wé nà Ssé té ne ḿmʉ́’te, á nue nyìŋ gẅie à mʉ’té, à gwɔ́ pɔ́ pá’ kanú’ gie á tyé ndùm ntse, fefa ne ńdɔgɔ ḿbʉʉ, ńdɔgɔ ńcwóŋo la.

Ŋwà’ne Jâg 5:13

Nyìŋ gẅi lɔɔn ńne ńgyá ngɔ́’, á sẅíŋte Ssé, ńne ńkága á zɔb mezɔ́bɔ ntse ńdɔg ńgu’te Ssé.

Ŋwà’ne Jâg 5:16

Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.

Ŋwà’ne Jâg 5:20

mbà nyìŋ gẅie à tÿɔgté yé tà á fóo ná mánzsè tepòŋ ńkẅɛ, ge gÿo à tsẅɛ́. À cʉa pú’u, e Ssé lege menò tepòŋ tà ńgyɔ́ɔn.