Ŋwà’ne Jâg 5:13 - Nouveau Testament en Ngienboum

¹³ Nyìŋ gẅi lɔɔn ńne ńgyá ngɔ́’, á sẅíŋte Ssé, ńne ńkága á zɔb mezɔ́bɔ ntse ńdɔg ńgu’te Ssé.

Ŋwà’ne Jâg 5:13 ပူးပေါင်းရင်းမြစ်များ

Matio 26:30

Pâ pɔ́ leen ńké ńzɔb mentse ńdɔg ńgu’te Ssé, àfʉ̀’ ku’ pɔ́ kẅɛ, ńgʉa né ndùm lekwɔ’ɔ́ metÿǒ mèvɛ olive.

Lukase 22:44

Legwé ne ḿpfɛ́ɛ yé, á ńkẅi’i sẅíŋte Ssé ńnéŋe twó, tà zì’i cʉ́’ʉ ńkẅɛɛ ná yé, ńcʉ́mte ssé ńgwá’a mekɔ̌ɔn metse la].

Lukase 23:42

Á kaga yé pú’u, ḿbiŋ sẅíŋte Yěsô ngie: Yěsô, ɔ̀ lɔɔn ńdá’ ńtóo nà lefùɔ shú, ɔ̀ pɔ́ɔn lélege wɔ̀ɔn.

1 Korento 14:15

Tà áa pú’u, pá’ɔɔn ńgwɔ́ mèŋ n gÿo lêkɔ́? N gyǎ ngie n ge sẅíŋte Ssé nà ntí gie Zẅìge ne ńtsóte wɔ̀ɔn ngie mèŋ sẅíŋte pú’u, tá’ é gíŋe sẅíŋte nà ntí gie ńgwɔ́ nyìŋ jú’u nò gie n gɔ̌ɔn. Mèŋ n ge zɔb ntse nà ntí gie Zẅìge ne ńtsóte wɔ̀ɔn ngie mèŋ n zɔb pú’u, tá’ é gíŋe zɔb á nà ntí gie ńgwɔ́ nyìŋ jú’u mmó gie azɔ́b gɔɔn yɛ̌,

1 Korento 14:26

Mefɛ́ pɔ́ɔn pá’ áa pá’ɔɔn lɔɔn pege gÿo lêkɔ́? Pi lɔɔn ńgwɔ́ tà ńcú’te nyìŋ gẅi gẅiin zɔ́bɔ ntse á zɔb, nyìŋ gẅiin mmó gie à ge zí’i petsɔ́ pʉ̀a á zí’i, nyìŋ gẅiin mmó gie e Ssé ne ńnyɛɛ yé, á shwóŋ, nyìŋ gẅiin nò gie à ge gɔɔn lê shwóŋè gie mé té ne ńzsé wɔ́ á gɔɔn, nyìŋ gẅiin lékyagte á kyagte. Tá’ á ne ńzɛ́te ngie sɛ̌ shúm ntsèm e kẅéte lélɔg ńgÿo à cú’tè pʉ̀a Kristo ntsèm kẅi’i ńzáb ntʉ́m nà Ssé.

Efeso 5:19

Pú’u, pi ne ńzɔbɔ mezɔ́bɔ ntse mie ée tsɛ̀ɛ ŋwà’ne ńdɔgɔ ńkẅiŋte mennɛ́ mí, ńzɔb mezɔ́b pʉ̀a Kristo, ńzɔb mezɔ́b mie Zẅìge Ssé neŋé ntʉ́m pi. Pi zɔb ńgu’te Cʉ̀apʉ̀a nê ngwòŋ ntʉ́m gẅi ntsèm.

Heber 5:7

À giŋé ńgwɔ́ pɔ́ yé Yěsô gẅie à laa fʉ̀’ gie à la nyé ndùmo ssé tsetsá’, á sẅíŋte Ssé gẅie à lɔɔn ńgwɔ́ á gÿo tà yé le kwé, ḿbú’ mbwó mbwo yé tà ne ńga’te ńdʉa. E Ssé fó ná pá’ Yěsô zẅí’te kɔ̀ɔkɔ́ɔ pɔ́ mbwo yé, ńjú’u sẅíŋte yé.

Ŋwà’ne Jâg 5:10

Mefɛ́ pɔ́ɔn, pi gʉa nà leshÿɔgɔ ná ngɔ́’, mbɔɔ ná lelɔgɔ kwɔ́gɔ nnɛ́ ńzẅí’te mmó, ḿbí fʉ̀’ ná pàntsẅi nkʉ̀ Ssé pie é lɔ́ɔn ńgɔɔn nò ná lezíŋ Cʉ̀apʉ̀a.

Ŋwà’ne Ngyà jʉ’ 14:3

Pɔ́ tyé mvfò lʉŋe lefùɔ, mbɔɔ mvfò menɔ̀ɔn pá lekùa lâ mvfò melÿò pɛ̌, ńne ńzɔbɔ tsɔ́ zɔ́bɔ ntse sẅé, é té ndà’ pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000) pie mé la cu’u wɔ́b ndá nkwɔɔn ndùmo ssé tsetsá’ wɔ́, mbà tsɔ̌ nyìŋ la tè wó tà ńku’u lézí’i yɛ̌ zɔ́bɔ ntse tà ńzɔb wɔ́,

Ŋwà’ne Ngyà jʉ’ 7:10

ńne ńdɔgɔ ngyè tetʉ́ʉ ńgɔɔn ngie: Nyìŋ létsẅɛ́ à fóo mbwo Ssé yege gẅie à ńnéŋe nà lʉŋe lefùɔ mbɔɔ mbwo Mûɔ *Njʉ̀njÿò.