Ŋwà’ne Jâg 5:10 - Nouveau Testament en Ngienboum

¹⁰ Mefɛ́ pɔ́ɔn, pi gʉa nà leshÿɔgɔ ná ngɔ́’, mbɔɔ ná lelɔgɔ kwɔ́gɔ nnɛ́ ńzẅí’te mmó, ḿbí fʉ̀’ ná pàntsẅi nkʉ̀ Ssé pie é lɔ́ɔn ńgɔɔn nò ná lezíŋ Cʉ̀apʉ̀a.

Ŋwà’ne Jâg 5:10 ပူးပေါင်းရင်းမြစ်များ

Lukase 13:34

Afʉ̀’ ku’, á mɔɔn ngie: Pà Yerósalem, pà Yerósalem, pi pie pi ee ńzẅé *pàntsẅì nkʉ̀ Ssé zẅé, ńdɔgɔ metóon ńtémte pʉ̀a pie Ssé tumó mbwo pi ńzẅéte, ée ngʉa shÿɔ́’ɔ pá’ mèŋ fa’á lécú’te púɔ pí, pá’ mêngáb cú’tè púɔ pé lepàb ye, pi ké ńdʉ’ lʉ’?

Lukase 6:23

Yɔɔn nò lɔɔn ńgwɔ́ tà ne ńgÿo gẅí, pi kág, ńzɔb ńzíŋ, mélà’mie e Ssé nyɛté máamáa ntsɔ’ɔ́ fà’ ńne ńdɔgɔ ńzẅí’te gẅí. Pi zɔɔn ńzsé ngie á gíŋe ńgwɔ́ pɔ́ ndʉŋ ndʉŋ pá’ metá pɔ́b lɔ́ɔn ńgÿo yɔ́b ná *Pàntsẅì nkʉ̀ Ssé.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Megàŋ ntúm 7:52

Metá pí la tè wɛ̌ *ntsẅì nkʉ̀ Ssé kʉ́e? Pɔ́ la zẅéte pʉ̀a pie pɔ́ la tʉ́ njÿó ne ḿbÿé ngie nyìŋ gẅie aa ndʉŋ ndʉŋ gílé yé ge gÿo tó. A kéen ńtó, pi pɛ̂ sẅiŋe yé, ńgÿo mé zẅé yé.

Heber 13:7

Pi kímte pʉ̀a pie pɔ́ la vɔgɔ létsyeen gẅi ná mánzsè Ssé, é pʉ̀a pie pɔ́ la shwóŋó gẅi nò Ssé, ńkímte ntí gie pɔ́ la lɔg ńnéŋe tà ńdá’ ńkwé, pi pí fʉ̀’ nà yɔb ntí lezǎb ntʉ́m nà Ssé.

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

Ŋwà’ne Jâg 5:13

Nyìŋ gẅi lɔɔn ńne ńgyá ngɔ́’, á sẅíŋte Ssé, ńne ńkága á zɔb mezɔ́bɔ ntse ńdɔg ńgu’te Ssé.

Ŋwà’ne Jâg 5:7

Mefɛ́ pɔ́ɔn, pú’u la pi lɔgɔ kwɔ́gɔ nnɛ́ ńzẅí’te tà ńkú fʉ̀’ gie Cʉ̀apʉ̀a ge tó. Pi gyá pá’ njʉ’ ngwóŋ kě ńdá’ ńdɔg pɔ́ kwɔ́gɔ nnɛ́ ńzẅí’te ngie tsetsá’ zém shúm mbòŋo, é zém, à káb ntwó, ńzẅí’te tà ńtáa ńgíŋe ńkáb nzèm.

Ŋwà’ne Jâg 5:9

Mefɛ́ pɔ́ɔn, pi pɔ́ɔn légẅiin zẅɛ́te tsetsɛ̀ɛ pi, ńzsé ngie Ssé tè gÿo gɔɔn ngie pi gwě ntsaŋ wɔ́, à ntsɔ́’te mentsaŋ tǒ tà ńtyé ncwò ndá.