Ŋwà’ne Jâg 4:8 - Nouveau Testament en Ngienboum

⁸ Pi sẅɛ’te nnɛ́ nê lejʉ́ŋ Ssé, à sẅɛ’te yé nnɛ́ nê lejʉ́ŋ pi. Pi megàŋ mefʉa, pi sɔg mbwó mí, pà nkwòŋ menÿɔ́g, pi kẅile ncÿǒ tsɛ̀ɛ mentʉ́m mí.

Ŋwà’ne Jâg 4:8 ပူးပေါင်းရင်းမြစ်များ

Matio 12:33

Yěsô gíŋe ngie: Àtÿǒ lɔɔn ńgwɔ́ tÿǒ mbòŋo, mbà á ge zém pɔ́ ntɔ̌ɔn mbòŋo. Àtÿǒ ké ńgwɔ́ yé tepòŋ, mbà á ge zém pɔ́ ntɔ̌ɔn tepòŋ. Mé zɔ́ɔn ńzsé yɛ̌ tÿǒ wɔ́ pɔ́ nà mentɔ̌ɔn mé.

Matio 15:2

Mélà’a kɔ́ *ngàŋa kwò jú té giŋe ná nùŋe pà mvfò wɔ́ɔ? Pɔ́ gaa ḿpfɛ́ shúm té sɔg mbwó mɔ́b nà ntí gie mà là’ wege ne ńzɛ́te?

Matio 27:24

*Pilato gyá ngie mé té ne ńjú’u nò gie à gɔɔn wɔ́, ńně ńgyá ngie ńgwɔ́ á sele pʉ̀a tág jʉ’, ńdeen ńké ńkaa ntse, ésɔg mbwó mé á mvfò lá’, ńgɔɔn ngie: Mèŋ n te nò ná nò nyìŋ wɛ̂ gẅiin, á ne ńdíe pɔ́ gẅí

Megàŋ ntúm 15:9

E Ssé la té gÿo tsɔ́ lǎga metuŋ tsetsɛ̀ɛ pega pɔ̌ wɔ́. À la cʉa ná pá’ pɔ́ zǎb ntʉ́m ná Yěsô, ésɔg ntʉ́m wɔ́b.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

1 Timote 2:8

Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

Heber 10:22

Pú’u la, pege gwɔ́ sẅɛ’te nnɛ́ nê lejʉ́ŋ Ssé, ńgẅiin ntʉ́m gẅie ée nénʉ́, ḿbiŋ ńzáb ntʉ́m nà Ssé kwà’ mboŋó, á nue Yěsô ka lɔg metse mé ésɔg letʉ́m ségè tà é té gíŋe ńne ńŋaga wégè wɔ́, à ka lɔg ntse gẅie é ne ńdʉ́a ésɔg mbùm yege.

Heber 7:19

Pú’u á nue *lepʉ̌ Mǒsê la tè gÿo tà tsɔ́ mmó ku’ ná ntí gie e Ssé ne ńkwoŋo wɔ́. Áa fʉ̀’ɔɔn, mbà Ssé la tsɔ́’ nzsè sẅé, nkwaŋá wégè ńnéŋe fʉ̀’ɔɔn ńcʉ́’ ńtyé pɔ́ mǒ. Ee mbòŋ ńcʉa yetsɔ́, á nue pege pfó mǒ ńgʉa tà ńkúu lejʉ́ŋ Ssé.

Ŋwà’ne Jâg 1:8

mélà’ mie nyìŋ pú’u, tè gɔɔn tsɔ́ nò tà ńtÿɔ́gɔ kwò mǒ wɔ́. À kwaŋa lépʉ, ńgíŋ ńkwaŋa lécwóŋ pɔ́ fʉ̀’ó.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.