Ŋwà’ne Jâg 4:5 - Nouveau Testament en Ngienboum

⁵ Pi kwǎŋ ngie ŋwà’ne Ssé gɔɔn ngie: E Ssé pǔ tè zẅíŋ ngie pege nyé tsɔ̌ nyìŋ á jÿó jʉ’ Zẅìge gie à la ńnéŋe ná pege wɔ pé’e, ḿmeen, meen ńgɔɔn keen?

Ŋwà’ne Jâg 4:5 ပူးပေါင်းရင်းမြစ်များ

Ŋwà’ne Jâŋ 10:35

Pege metsèm ne ńzsé ngie mmó gie mé la ŋwe’e tsɛ̀ɛ ŋwà’ne *lepʉ̌ Ssé á téen ńdá’a ńkúbe wɔ́. À lɔɔn ńgwɔ́ gie Ssé la gɔɔn ngie pʉ̀a pie à gɔɔn nò yé mbwo pɔ́b ée messé,

Ŋwà’ne Jâŋ 19:37

Mé la gíŋ ńŋwe’e ngie: «Pɔ́ ge lá’ ne líe nyìŋ gẅie pɔ́ lɔ̌g lekwòŋ ésɔbɔ yé».

Ŋwà’ne Jâŋ 7:42

Ńtí nue mé la ŋwe’e tsɛ̀ɛ ŋwà’ne Ssé ngie: *Nzà’nkÿo ge lá’ fó pɔ́ nà ngẅɛ̀ ndá fùɔ Ndavíd, ńgie *Nzà’nkÿo ge lá’ fó pɔ́ Mbetélehem á gẅie áa lá’ pà fùɔ Ndavíd.

Megàŋ ntúm 7:9

Pàmangʉa njʉ’ pégè gÿo ńdíe fɛ́ wɔ́b Yesyɛ̂b ésíŋe shÿó tà sẅiŋe yé. Á cʉ́’ nkwɔɔn tsɛ̀ɛ ngwòŋ Egipto. Tá Ssé ke ńgwɔ́ né yé,

Roma 1:29

Menò mie Ssé tè ne ńkwoŋo wɔ́ pú ńjÿó wɔ́b, pɔ́ gÿo menò tepòŋ, ńgẅiin kègɔ́’, ńgwɔ́ pʉ̀a ńcÿɔ́g cÿɔ́g, légyá mmó nyìŋ ńkwɔ́’ɔ lóŋ mǒ pú ńjÿó wɔ́b, pɔ́ zẅéte pʉ̀a, ńnéŋe ńtág pɔ́ melà’, ńgẅiin fʉte, akɔ́ sá’a twó pɔ́b gwɔ́ pɔ́ gÿo gÿo, ńzáb menò twó pʉ̀a,

Roma 9:17

Áa tsɛ̀ɛ ŋwà’ne Ssé, mbà mé la zɔɔn ńŋwe’e ngie: E Ssé gɔ̌ɔn né fùɔ Faraon ngie: Mèŋ n da lɔgɔ gú ńgÿo fùɔ légwɔ́ gie n ge nyɛɛ gú mmó, epʉ̀a fó mǒ ńgyá pá’ n tʉ pú’u, tá mé lêen ńké ńzsé lezíŋ sɔ́ɔn ájʉ’ ntsèm ndùmo ssé tsetsá’.

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

Galatia 3:8

Aŋwà’ne Ssé la zɔɔn ńtʉ́ njÿó ńnyɛ ngie: E Ssé ge lá’ fó ná pá’ pʉ̀a pie é té pà Yuda wɔ́, ge lá’ záb ntʉ́m ná yé à zẅíŋe wɔ́b pá’ pʉ̀a pie ée mvfò yé ńgwɔ́ ndʉŋ ndʉŋ. Áa yɛ̌ tá ŋwà’ne Ssé la tʉ́ njÿó ńtsẅi wɔɔn nkʉ̀ mbòŋo mbwo Ábalam ngie: E Ssé ge lá’ cʉa ná gù é néŋ mbʉ́lè nà melá’ ntsèm mie ée ndùmo ssé tsetsá’.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.