Ŋwà’ne Jâg 4:15 - Nouveau Testament en Ngienboum

¹⁵ Pi ke’e gɔɔn pɔ́ ngie, Cʉ̀apʉ̀a lɔɔn ńzẅíŋ, mbà peg ge gwɔ́ ntentʉ́, é gÿo yɔɔn, é gÿo gi.

Ŋwà’ne Jâg 4:15 ပူးပေါင်းရင်းမြစ်များ

Megàŋ ntúm 18:21

Tá ńgwɔ le’e wɔ́b ńgɔɔn né pɔ́b ngie: E Ssé lɔɔn ńzẅíŋ, mbà mèŋ n ge táa tá gíŋe tóo mbʉ̀a pi. Á gɔɔn pɛ́’ɛ̀, ńdeen ńké ńgʉa ńkúu kanú’, éfó Efeso ńgʉa.

Roma 1:10

Mèŋ n gǐŋ ne sẅíŋte Ssé fʉ̀’ʉ kɔ́ wɔ́, ńdúɔ mbwo yé ngie à gÿo, légwɔ́ gẅie mèŋ n zɔ́gɔ ńtsɔ́ɔn légʉa mbʉ̀a pi, à pumte nà we lékwoŋ.

Roma 15:32

Pú’u, n gwɔ́ tóo mbʉ̀a pi, ntʉ́m wɔ̀ɔn ne ńkága, e Ssé zẅíŋ, mbà n ge nèŋe tsetsɛ̀ɛ pi, é zẅɛ́te.

1 Korento 16:7

N te ne ńkwoŋo légwaa gyá gẅi fʉ̀’ɔɔn, ńně ńcʉa cʉa wɔ́. Cʉ̀apʉ̀a lɔɔn ńzẅíŋ, mbà pege ge ná’a ńnéŋe.

1 Korento 4:19

Tá’ Cʉ̀apʉ̀a lɔɔn ńzẅíŋ, mbà mèŋ n ge tɔ́g tó gyá gẅí. E tó pú’u, ńde líe nò pɔ́ ndà’ nà shwóŋó gie pɔ́ sěen ńtáŋte ńgɔɔn mbwo lá’ gwɔ́, n gíŋe fa’a le zsé mmó gie pɛ̌ megàŋa ŋá’tè ku’u légÿo.

Heber 6:3

Pege nyé mɔɔn menò, ńzyɛ́’ ńgʉa lê mvfò, pá’ Ssé lɔɔn ńzẅíŋ.

Ŋwà’ne Jâg 4:16

Tá pi tsẅiŋ pɔ́ kékʉ́b gẅi, ńgɔɔnte pɔ́ menò mie pi ge gÿo gÿo. Yɛ̌ ntí leŋá’te e tè poŋ.