Ŋwà’ne Jâg 4:1 - Nouveau Testament en Ngienboum

¹ Mencwò mencwò aa pé’e fóo nzɔ̌ tsetsɛ̀ɛ pi? Melà’ fóo nzɔ̌ tsetsɛ̀ɛ pi? Né ngie é fóo ná gi ntí letsɔ̌ɔn shúm gie ee tsɛ̀ɛ ntʉ́m gẅi ńtsóte gẅí.

Ŋwà’ne Jâg 4:1 ပူးပေါင်းရင်းမြစ်များ

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Roma 7:23

Tá á gʉa tsɛ̀ɛ mbùm mèŋ, n gyá tsɔ́ *lepʉ̌ gwɔ́ wó, ésie é ńnéŋe ńdɔg ncù, ḿma’ *lepʉ̌ sie legyè sɔ́ɔn kwa’ ńzẅíŋ, ńgÿó mèŋ n cʉ́’ʉ ngàŋa tsǎŋ *lepʉ̌ nò tepòŋ gie á léen ńjÿó wɔ̀ɔn.

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 8:7

Petsɔ́ pʉ̀a ée ná mánzsè legwé á nue pʉ̀a pie pɔ́ ńnéŋe ńtÿɔ́g ntʉ́m wɔ́b pɔ́ nà mmó gie mbùm yɔb ne shwóŋó wɔ́b ée megàŋ mbù Ssé. Pɔ́ té kú’te *lepʉ̌ Ssé wɔ́, etsɔ́ shÿó lézɔɔn ńkú’te té wɔ́ mbwo pɔ́b wɔ́.

Galatia 5:17

Á nue menò mie mbùm nyìŋ mesoŋ tsóte yé ngie à gÿo é té mie Zẅìge Ndʉalʉ̌a ne ńkwoŋo ngie à gÿo wɔ́. Menò mie Zẅìge Ndʉalʉ̌a ne ńkwoŋo é té mie mbùm nyìŋ mesoŋ kwoŋ wɔ́, pɔ́ mépʉ́a lɔgɔ ńdʉ’ʉ lʉ’ʉ. Áa yɛ̌ tá pi tè gẅiin légÿo mmó gie pi kwǒŋ wɔ́.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

2 Timote 2:23

Kÿo menò mie mé gwá ńzoŋo é gwɔ́ pɔ́ megʉ̀gʉ̀ menò mie é té kẅéte. Ɔ̀ zsě ngie mé zoŋ mɛ̌ menò tà ńcʉ́’ʉ lémag, ńtág pɔ́ melà’.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Titus 3:9

Tá’ pɔ́ɔn légɔɔn nò nà menò mie é té tyé, pá’ menò mie mé zoŋo nà mezíŋ pàmangʉa njʉ̀’ peg, pá’ menò mie mé zoŋo nà mbʉ̌ Mǒsê, é té menò mie é kẅéte nà tsɔ́ nò wɔ́, tà tsǒon méjʉ’.

Ŋwà’ne Jâg 1:14

Ye ntí letsɔ̌ɔn shúm zɔ shwoŋte yé, á gwe ná lejÿɔ̀’.

Ŋwà’ne Jâg 4:3

!Pi zɔɔn ńdúɔ, e Ssé tè ná, mbà áa, mélà’mie pi tè zsé lélúɔ wɔ́. Pi zɔ̌ɔn ńdúɔ pɔ́ lélɔg ńgʉa ńgÿo mmó gie á ne ḿboŋo pɔ́ gẅí.

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,