Ŋwà’ne Jâg 3:6 - Nouveau Testament en Ngienboum

⁶ Alʉ́m gíŋe ńgwɔ́ yé pɔ́ mmɔ̌g, ńgwɔ́ jʉ’ gie menò tepòŋ fó wó. Alʉ́m áa nà mekèm mbùm nyìŋ, ńgwɔ́ kèm gie á néŋ ncÿǒ nà mbùm nnɛ́ ntsèm. Á gʉa lepÿé mmɔ̌g, ḿbí mmɔ̌g, ńtó ńdɔg ńtuɔ léneŋe we nyìŋ pɔ́ ntsèm.

Ŋwà’ne Jâg 3:6 ပူးပေါင်းရင်းမြစ်များ

Matio 12:24

Tá’ pʉ̀a *farisay, jú’ pú’u, ńgɔɔn ngie: Bɛlzebùl, tándá *messé tepòŋ zɔ́ gÿo tá Yěsô ku’u léjwoŋ *messé tepòŋ.

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Malékuse 7:15

Atsɔ́ mmó gie ńgwɔ́ á fó nzème pǐ, ńkúu ná nyìŋ tà ńnéŋe *lɔ̌’ ná yé á té wó wɔ́, a gie á fó tsɛ̀ɛ ntʉ́m yé zɔ̌ ńnéŋe *lɔ̌’ ná ye.

Lukase 16:24

Ngàŋ nkáb zye léga’te ngie: Tá wɔ̀ɔn Ábalam, tsɔ́ɔn mezìŋe mɔ́ɔn, ńtúmo Nǎzalo, à cÿɔ’ɔ múɔ tepwó we á nà ntse ńdɔg ńtó, ńcʉ́me nà lʉ́m yɔ́ɔn. Á nue m bǔ ńne ńgyá ngɔ́’ tsɛ̀ɛ mmɔ̌g wɔɔn tɛ’.

Megàŋ ntúm 20:30

Epʉ̀a kẅɛ mbɔɔ tsetsɛ̀ɛ pi, ńzye lézí’i cÿɔ̌ nò ńdɔg shwoŋte pʉ̀a Kristo ńcʉ́’ ńnéŋ pɔ́ nzèm pɔ́b.

Megàŋ ntúm 5:3

Piɛ leen ńké ńzɛ́te yé ngie: Ananias, mélà’a kɔ́ ɔ̀ zẅǐŋ Sátà jÿó gú tà ɔ̀ fʉte zẅìge Ssé? Mélà’a kɔ́ ɔ̀ sẅǐŋ nká’ gù, ńkú’te tsɔ́ gwǒŋo nkáb?

Megàŋ ntúm 6:13

Pɛ̌ pʉ̀a lɔg mbɔɔ tsɔ́ megàŋa cÿɔ̌ nò, ńgʉa wó. Pɔ́ tó ńgɔɔn ngie: Nyìŋ wɔɔn zɔgɔ pɔ́ léshwóŋó té pòŋ á nà ndá Ssé yégè gie ee Yerósalem wɔɔn, mbɔɔ nà mbʉ̌ Mǒsê.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

Ŋwà’ne Jâg 2:7

Pɔ́ zɔ̌ téen shwóŋó tepòŋ ná Yěsô Kristo gẅie Ssé la ná lezíŋ sé né pi wɔ́ le?

Ŋwà’ne Jâg 3:7

Nyìŋ mesoŋ ku’u lékúe menɔ̀ɔn tsẅɛ mentí mentí, ńku’u lékúe meshʉ́ŋ, ńku’u lékúe menɔ̀ɔn mie é shwoŋo lepfòm sɔ́b pɔ́ ssé, lékúe messó.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

3 Jâŋ 1:10

Áa mmó gie á gÿo mèŋ n ge gÿo tó tà ńkúu tsetsɛ̀ɛ pi, é kem menò tepòŋ mie á gÿǒ, é gíŋe shwóŋ pʉ̀a shwóŋè tepòŋ mbɔɔ cÿɔ̌ nò gẅie à gɔɔn ná peg. À tè gÿo pɔ́ ndà’ pú’u wɔ́, à lʉ’ʉ lékúe mefɛ́ mefɛ́ pie ée megʉ̀, ńgíŋ ńtɔ’ mbɔɔ petsɔ́ pʉ̀a lékúe wɔ́b, tà fóo tsɛ̀ɛ cú’tè ńjwoŋo pʉ̀a pie é ne fa’a lékúe wɔ́b.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 18:23

Akyɛ̀’ gie á fóo ná lâm á téen ńdá’a ńgíŋe ńkyɛ’ɛ jʉ’ mbʉ̀a gù wɔ́. Mé ké le gíŋe ńjú’ ngyè ndǔm nzwě ngʉ̀ wɔ́, é ké le ye nzwě ngʉ̀ jú’. Mé lě ńjú’u wɔ́ pú’u, á nue pʉ̀a pie pɔ́ kɔ́ɔn ńtáŋa metʉ̌a gù, é kaa memáa pʉ̀a ndùmo ssé tsetsá’. Ɔ̀ lɔg mekàŋ mú ńdʉte mengwòŋ ntsèm.

Ŋwà’ne Ngyà jʉ’ 19:20

Mé jÿo nkʉ̀’ʉ nɔ̀ɔn wa, ńgwoon yé, ńgíŋe ńgwoon mbɔɔ *ntsẅì nkʉ̀ Ssé we cÿɔ̌ nò gẅie, à la tyé mvfò yé, ńgÿo menò mmɔɔn mmɔɔn ńdɔg fʉte pʉ̀a pie pɔ́ la zẅíŋ mé cÿɔ’ɔ liŋé nkʉ̀’ʉ nɔ̀ɔn ŋwɛ́ ná pɔ́b, pɔ́ gíŋ ńgu’te tútú nɔ̀ɔn ŋwɛ́ la. Mé gwoon wɔ́b pú’u, ńzé’e wɔ́b mépʉ́a pɔ́ ntentʉ́, ḿma’a tsɛ̀ɛ gÿǒon mmɔ̌g *mekʉ̀a.