Ŋwà’ne Jâg 3:2 - Nouveau Testament en Ngienboum

² Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.

Ŋwà’ne Jâg 3:2 ပူးပေါင်းရင်းမြစ်များ

Matio 12:34

Ngẅɛ̀ mennú, ńgwɔ́ pi gwɔ́ pʉ̀a tepòŋ pɛ́’ɛ, ńgɔɔn nò mbòŋo lêkɔ́? Nyìŋ gɔɔn pɔ́ nò gie áa tsɛ̀ɛ ntʉ́m yé.

Matio 12:37

E Ssé ge lá’ lɔg pɔ́ nò gie á lǎ kẅɛɛ ncwò wɔ̌wɔɔ, ézá’ ntsaŋ yé, à tè gwe, á tsẅɛ́.

Roma 3:10

Á lɔgɔ ńcʉ́me ná pá’ mé la ŋwe’e tsɛ̀ɛ ŋwà’ne Ssé ngie. Atsɔ̌ nyìŋ mesoŋ gẅie aa ndʉŋ ndʉŋ à tè wó wɔ́. Tà tsǒon tà’.

Roma 7:21

N dɔgɔ pú’u, ńgyá ngie áa ngwòŋ fʉ̀’ ntsèm, n ngie kɔ tà mèŋ n gÿo nò mbòŋo, esɔ́ɔn *lepʉ̌ gwɔ́ ngie mèŋ n gÿo pɔ́ nò tepòŋ.

1 Korento 9:27

Mèŋ n ne ńgẅiin mbùm yɔɔn pá’ɔɔn tɛ’, ńkú’te tà ńzsé mmó gie mèŋ n gÿo yɛ̌, ḿbɔgɔ létsẅi Nkʉ̀ Mbòŋo mbwo pʉ̀a, mé piŋ ńgÿo ḿbe’e wɔ̀ɔn ńnáa nzèm.

Galatia 3:22

Tá’ ŋwà’ne Ssé nyɛ ngie wɛ̌wɛ̌ nyìŋ wɔ́ à gwɔ́ pɔ́ nkwɔɔn mbwo nò tepòŋ. Áa pá’ɔɔn le gwɔ́ gie ammó gie e Ssé la ka’ ge pumte pɔ́ ná pʉ̀a pie é cʉa ná Yěsô Kristo ńzáb ntʉ́m wɔ́b nà ye.

Galatia 5:17

Á nue menò mie mbùm nyìŋ mesoŋ tsóte yé ngie à gÿo é té mie Zẅìge Ndʉalʉ̌a ne ńkwoŋo ngie à gÿo wɔ́. Menò mie Zẅìge Ndʉalʉ̌a ne ńkwoŋo é té mie mbùm nyìŋ mesoŋ kwoŋ wɔ́, pɔ́ mépʉ́a lɔgɔ ńdʉ’ʉ lʉ’ʉ. Áa yɛ̌ tá pi tè gẅiin légÿo mmó gie pi kwǒŋ wɔ́.

Kolosia 1:28

Áa yɛ̌, tá peg kě ne shwóŋó nò Kristo mbwo mânyìŋ ntsèm shwóŋ, ńdɔgɔ pɔ́ zsě nò gie e Ssé náa mbwo peg, ńzí’i pʉ̀a mmó, ńtẅíi letuŋó wɔ̌wɔ́ɔ, légwɔ́ gie à ge ké laa nnɛ́ ná Kristo é lɔgɔ gee pɔ́ lê mvfò, tá cÿɔgte pá’ pʉ̀a Ssé gẅiin légwɔ́ pú’u.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

Ŋwà’ne Jâg 1:4

Tá’, á poŋ ngie letʉte ŋwɛ́ à fa’a yé fà’ tà ńcʉ́me, ńzsé ngie pi ge cʉ́’ melÿò, é ku’ pʉ̀a Ssé, atsɔ́ mmó le zága ná pi wɔ́.

Ŋwà’ne Jâg 2:10

Nyìŋ lɔɔn ńzɔɔn ńkú’te mbʉ̌ Ssé, ńgʉa mǒ fʉa pɔ́ ndà’ tà’, mbà à pǔ fʉa pɔ́ mbʉ̌ ntsèm.

1 Piɛ 3:10

Mé la zɔɔn ńŋwe’e tsɛ̀ɛ ŋwà’ne Ssé ngie: Nyìŋ lɔɔn ńne ńkwoŋo léńnéŋe mboŋó, ḿbiŋ ńgẅiin melyɛ̌’ lá’ mbòŋo, á poŋ ngie ngàŋ sele lʉ́m yé tá ńgɔɔn nò, ḿbɔ́gɔ nò tepòŋ, ḿbɔ́ɔn ncwò we, ḿbɔ́g cÿɔ̌ nò.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.