Ŋwà’ne Jâg 3:18 - Nouveau Testament en Ngienboum

¹⁸ Pʉ̀a pie pɔ́ lɔgɔ pɔ́ mbʉ́lè ńnéŋe tsetsɛ̀ɛ pʉ̀a mesoŋ, pɔ́ ne ḿbye mmó lê mbʉ́lè. Mentɔ̌ɔn mie pɔ́ káb á gwɔ́ léńnéŋe pá’ Ssé ne ńkwoŋo.

Ŋwà’ne Jâg 3:18 ပူးပေါင်းရင်းမြစ်များ

Matio 5:9

Pàshÿó mbòŋo ee pʉ̀a pie pɔ́ ne ńdɔgɔ mbʉ́lè ńtáŋte menò, «mélà’mie mé ge lá’ tóŋo wɔ́b lê púɔ Ssé».

Ŋwà’ne Jâŋ 4:36

Nyìŋ gẅie à laga shúm, à ne ńkẅé ntsɔ’ɔ́ fà’ wé, é gwɔ́ pá’ à ne ńcú’te mmó ńnéŋe tsɛ̀ɛ le gwɔ́ tèmì. Légwɔ́ gie ambyè mmó pɔ́ ndàga ge pú kág.

Galatia 6:8

À lɔɔn ḿbye shúm sie é póŋ mbùm nnɛ́ ye, mbà shúm mbùm nnɛ́ ŋwɛ́ ge lá’ gÿo à kwé ḿbyé. Tá ńgwɔ́ gie à lɔɔn ḿbye shúm sie é póŋo Zẅìge Ndʉalʉ̌a, mbà Zẅìge Ndʉalʉ̌a ge lá’ gÿo à gẅiin le gwɔ́ tèmì.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Heber 12:11

Áa nénʉ́ ngie á gʉa fʉ̀’ gie mé ne ńkaga nyìŋ, anò té ngàŋ fʉ̀’ó poŋ, anò pÿɔ́gɔ yé pÿɔ́g. Tá tsɔ́ fʉ̀’ gÿo ńgwɔ́, pʉ̀a pie é la fó mǒ ńzí’i mmó, gÿo mmó gie áa ndʉŋ ndʉŋ mvfo Ssé, ḿbiŋ ńnéŋe lê mbʉ́lè.

Ŋwà’ne Jâg 1:20

mélà’mie nyìŋ lɔɔn ńgyáŋa lóŋ, mbà à tě ńdɔgɔ ńgÿo mmó gie áa ndʉŋ ndʉŋ mvfò Ssé wɔ́.