Ŋwà’ne Jâg 3:15 - Nouveau Testament en Ngienboum

¹⁵ Yɛ̌ ntí zse nò tě fóo tÿǒ lepwó wɔ́. Á gwɔ́ pɔ́ ye ndùmo ssé tsetsá’ yɔɔn, ńgwɔ́ pɔ́ ye pʉ̀a mesoŋ, éfóo mbwo *messé tepòŋ.

Ŋwà’ne Jâg 3:15 ပူးပေါင်းရင်းမြစ်များ

Lukase 16:8

Tá fà’ gÿo ńgyá ntí gie ngàŋa fà’ we lɔ̌g ḿbá’ legyè pú’u, ńcʉ́’ ńzẅíŋ zẅíŋ ngie legyè sé ée wó. Yěsô ma’a twó ngie: Áa nénʉ́ ngie pʉ̀a njÿó yɔɔn zsé lépá’ legyè ńdɔg ńtáŋte menò tsetsɛ̀ɛ pɔ́b, ńtɔ́g pʉ̀a pie é záb ntʉ́m wɔ́b nà Ssé.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Megàŋ ntúm 13:10

ńgɔɔn né yé ngie: Mûɔ Sáta, ɔ́ɔ ngàŋa cÿɔ̌ nò. Ɔ̀ zsě pɔ́ léfʉte pʉ̀a. Ɔ̀ɔ ngàŋ mbù nò mbòŋo ntsèm, kɔ̀ɔkɔ́ɔ gie Ssé gÿo á tyé ndʉŋ ndʉŋ wɔ́, ɔ̀ lěen ńké ńtɔ́ɔn, ńŋwɔ́’te. Tà ɔ̀ te nyé wɛ nzẅìŋ pɛ́’ɛ̀ wɔ́?

Roma 1:22

Pɔ́ tóo sá’a ngie pɔ́ zsé nò, ńcʉ́’ mepʉ̀a.

1 Korento 1:27

Tá’, e Ssé la tsɔ́’ shúm sie njÿo gyǎ é gwɔ́ pɔ́ shúm pʉ̀a ńdɔg ńtém shʉ́ ná pàzsé nò, ńtsɔ́’ɔ mmó gie áa tsɛ̀ɛ njÿó ńgwɔ́ pɔ́ pepÿɛ́ ńdɔg ńtém shʉ́ ná sie é gẅiin tʉ̀.

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

1 Korento 3:19

Á nue anò gie áa tsɛ̀ɛ yɔɔn njÿó ńgwɔ́ zsé nò, áa mvfò Ssé ńgwɔ́ pɔ́ menò pʉ̀a. Ŋwà’ne Ssé zɔɔn ńgɔɔn ngie: «E Ssé lɔg pɔ́ lejÿɔ́’ nzsé nò ńdɔg ńgwoon yé».

1 Korento 3:3

anue mbùm gí zɔ nyé sá’a gẅí, kègɔ́’ zɔɔn nyé ńgwɔ́ pɔ́ tsetsɛ̀ɛ pi, pi nyě ńzoŋo nò zoŋ. Mbùm gí zɔ tě ńdɔgɔ ńnyé sá’a gẅi wɔ́? Pi tě ńdɔgɔ pú’u, ńnyé ńgÿo pɔ́ pá’ pʉ̀a njÿó gÿo wɔ́?

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

2 Tesalonika 2:9

Fùɔ menò tepòŋ ge lá’ gwaa tó, Sátà néŋ metʉ̀ mé ná yé, à lɔg ńgÿo menò mmɔɔn mmɔɔn laa ndàa gyá menò mentí mentí, é lɔg fʉte pʉ̀a.

1 Timote 4:1

A Zẅìge Ndʉalʉ̌a ne ńnyɛte ńgɔɔn ngie: Tsɔ́ pʉ̀a ge lá’a nà melyɛ’ɛ́ lá’ nzsònzèm pɔ́ le gíŋe ńzáb ntʉ́m nà nò gie pege ne ńzába ntʉ́m mǒ lɔɔn wɔ́, legyè sɔ́b cʉ́’ ńtyé pɔ́ nà *messé tepòŋ mie é fʉte pʉ̀a, ńtʉʉ lelÿò ńtyé pɔ́ nà menò mie *messé tepòŋ zí’i pʉ̀a.

Ŋwà’ne Jâg 1:17

Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

Jẅide 1:19

Pɔ́ zɔ̌ ée pʉ̀a pie pɔ́ ma’a fagte tsetsɛ̀ɛ pʉ̀a Kristo. Pɔ́ gÿo pɔ́ mmó gie pɔ́ jú’u soŋ nnɛ́ pɔ́b, a Zẅìge Ssé té ná pɔ́b wɔ́.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 2:24

Mèŋ n ge gɔɔn nò fʉ̀’ɔɔn mbwo pi petsɔ́ pʉ̀a tsɛ̀ɛ cú’tè pʉ̀a Kristo gie áa tÿǒsoŋo Tiatire, pi pie pi tè ne ńzẅíŋe ndɔgtelé pɛ̌ pʉ̀a wɔ́, ńké tè ne fa’a lézsé mmó gie pɔ́ tóŋo lê kwà’ nò nénʉ́ gie Sátà la gÿo pɔ́ zsé wɔ́. Mèŋ n těen ńge ńzába tsɔ́ pì’ ye ndyɛ̀’ɛ twó pi wɔ́.

Ŋwà’ne Ngyà jʉ’ 9:11

Nyìŋ gẅie aa mbwo pɔ́b ńgwɔ́ pá’ fùɔ wɔb, ésá’a wɔ́b, é gwɔ́ *ssé tepòŋ gie e gẅiin nò ná pÿé té lǎŋ gẅie lezíŋ sé ée nà shwóŋè pa Heber ńgwɔ́ lê abaddon, ńgwɔ́ nà shwóŋè pà Gelekia ńgwɔ́ lê Apolion ńdɔgɔ ńgɔɔn ngie: ngàŋa tág.