Ŋwà’ne Jâg 3:14 - Nouveau Testament en Ngienboum

¹⁴ Tá ńké ńgwɔ́ gie pi lɔɔn ńgẅiin kègɔ́’ gẅie à léen ńgá’ mbɔɔ lʉŋte nnɛ́ tsɛ̀ɛ ntʉ́m pi, tà pi gíŋ ńŋá’te ngie pi ee pàzsé nò, tà pi lɔg cÿɔ̌ nò, ḿbyága nò nénʉ́.

Ŋwà’ne Jâg 3:14 ပူးပေါင်းရင်းမြစ်များ

Matio 27:18

*Pilato lɔ̌ɔn ńgɔɔn pú’u, mélà’mie à cwoŋo ne ńzsé ngie mé kwɔ́’ɔ pɔ́ lóŋ ná Yěsô tá sẅiŋe ye.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Megàŋ ntúm 13:45

Pà Yuda gyá nzẅìŋ lá’ gie á kwɔ̌’, ńkwɔ́’ɔ lóŋ, ńzye lésa shÿó nò gie Pɔl pɔ́ Panepâse gɔ̌ɔn, ńzye lézoonte wɔ́b.

Megàŋ ntúm 26:9

Mbɔɔ mèŋ yɔ́ɔn, n ka ne ńkwaŋa ngie, n ge lɔg ncù lÿɔ́’ lezíŋ Yěsô mûɔ Nǎzarɛd, á nà meshÿó ntsèm.

Megàŋ ntúm 5:17

Tándá pànuŋe pwɔ́’ pâ pʉ̀a pie pɔ́ la ně ńtóonte nò yé lêen ńké ńzyé lekwɔ́’ɔ lóŋ ntí megàŋ ntúm. Pàtóonte nò yé ŋwɛ́ gwɔ́ ná nùɔ gie mé lɔ́ɔn ńtóŋo le ye pà *sadukay.

Megàŋ ntúm 7:9

Pàmangʉa njʉ’ pégè gÿo ńdíe fɛ́ wɔ́b Yesyɛ̂b ésíŋe shÿó tà sẅiŋe yé. Á cʉ́’ nkwɔɔn tsɛ̀ɛ ngwòŋ Egipto. Tá Ssé ke ńgwɔ́ né yé,

Roma 1:29

Menò mie Ssé tè ne ńkwoŋo wɔ́ pú ńjÿó wɔ́b, pɔ́ gÿo menò tepòŋ, ńgẅiin kègɔ́’, ńgwɔ́ pʉ̀a ńcÿɔ́g cÿɔ́g, légyá mmó nyìŋ ńkwɔ́’ɔ lóŋ mǒ pú ńjÿó wɔ́b, pɔ́ zẅéte pʉ̀a, ńnéŋe ńtág pɔ́ melà’, ńgẅiin fʉte, akɔ́ sá’a twó pɔ́b gwɔ́ pɔ́ gÿo gÿo, ńzáb menò twó pʉ̀a,

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

Roma 2:17

Á gʉa ná gù, ɔ̀ ne ńnyɛte ńgɔɔn ngie ɔ́ɔ nyìŋ Yuda, ńne ńŋá’te ngie ɔ̀ fó ná pá’ ɔ̀ kú’te *lepʉ̌ Mǒsê pú’u, ńgwɔ́ nyìŋ Ssé,

Roma 2:8

Tá á ké ńgʉa ná pʉ̀a pie pɔ́ tʉʉ twó mbwo Ssé, ńdʉ’ʉ nò gie áa nénʉ́, ńgiŋe pɔ́ ná mánzsè gẅie e Ssé tè ne ńkwoŋo wɔ́, pɔ́ gyá pá’ e Ssé gyáŋa lóŋ ná pɔ́b, mbɔɔ pá’ nò yɔ́b pÿɔ́gɔ Ssé.

1 Korento 13:4

Nyìŋ gẅie à kwoŋo nyìŋ mesoŋ, à gẅiin kwɔgɔ nnɛ́, à kẅete pʉ̀a, à tè gẅiin kègɔ́’ wɔ́, à tè nyɛ nnɛ́ wɔ́, à tè ŋá’te,

1 Korento 3:3

anue mbùm gí zɔ nyé sá’a gẅí, kègɔ́’ zɔɔn nyé ńgwɔ́ pɔ́ tsetsɛ̀ɛ pi, pi nyě ńzoŋo nò zoŋ. Mbùm gí zɔ tě ńdɔgɔ ńnyé sá’a gẅi wɔ́? Pi tě ńdɔgɔ pú’u, ńnyé ńgÿo pɔ́ pá’ pʉ̀a njÿó gÿo wɔ́?

1 Korento 5:2

Pi gwɔ́ jʉ’ó ńne ńŋá’te, tá mbà pi kěen lúŋ yɛ̌ ntí nò lǔŋ, é piŋ fóo tsetsɛ̀ɛ pi jwoŋo nyìŋ gẅie à ka gÿo pú’u.

1 Korento 5:6

Á té poŋ pi ŋá’te lé yɛ̌ ntí nò tsetsɛ̀ɛ pi wɔ́. Pi tè ne ńzsé ngie méjʉ’ʉ *mvòŋ gÿo à feléwa ntsab pú ńkwɔ́’ wɔ́ ka?

2 Korento 12:20

N zɔɔn ne ḿbɔ́gɔ légwɔ́ gie à lɔɔn ńgwɔ́ n gÿo tóo lá’ pi, ńgyá pi le gwɔ́ nà ntí gie mèŋ n ne ńkwoŋo wɔ́. Mèŋ yɔ́ɔn n ké le gwɔ́ nà ntí gie pi ne ńkwoŋo wɔ́. Mèŋ n ne ḿbɔ́gɔ ngie ńgwɔ́ n gwɔ́ tó mencwò mencwò gwɔ́ tsetsɛ̀ɛ pi, kègɔ́’ gwɔ́ wó, acÿɔ́g gwɔ́ wó, lézoŋ jʉ’ gwɔ́ wó, lekimé nyìŋ tepòŋ gwɔ́ wó, shwóŋte gwɔ́ wó, aŋá’te nɛ́ gwɔ́ wó, atág gwɔ́ wó.

Galatia 5:15

Tá ńgwɔ́ gie pi lɔɔn ne ńgÿo pá’ menɔ̀ɔn mbà’ pie ée ssé ne ńdúmte membùm mɔ́b, ńnéŋe mefʉ̌ŋ, pi laga twó gí, á nue pi ee pú’u, ńcʉ́’ʉ fa’a pɔ́ lécʉŋte mennɛ́ mí.

Galatia 5:20

Pá’ legù’te shúm ngie ee messé, pá’ legẅiin lekàŋ, pá’ lekua mbù, pá’ letǎg melà’, pá’ legẅiin kègɔ́’, pá’ lecÿɔ́g, pá’ lefa’ pɔ́ letyé mvfò nà kɔ̀ɔkɔ́ɔ, pá’ leneŋé fàgte fàgte, pá’ letuŋ metuŋ.

Galatia 5:21

Pá’ letÿɔ̌g lejÿɔ́g nà shúm pʉ̀a, pá’ lenǔ melù’ tà ḿbʉ́a, pá’ lecu’té nà línɔ́ɔn lépfɛ́ shúm ńgÿo menò shʉ́, mbɔɔ pá’ legÿo tsɔ́ shúm sie é sẅé sie mé tʉ̌ lɔɔn. N ka zɔɔn shwóŋó gẅí, n ge gíŋe shwóŋó gẅi ngie: Pʉ̀a pie é gÿo yɔɔn ntí menò té lá’ gẅiin jʉ’ nà nò *lefùɔ Ssé wɔ́.

Galatia 5:26

Tà pege ŋá’te nnɛ́, tà pege tág melà’ tsetsɛ̀ɛ pege, tà pege gẅiin kègɔ́’ tsetsɛ̀ɛ pege.

Galatia 6:13

Pʉ̀a pie é sẅɛ́ɛ gẅi pú’u, kwà’ pɔ́b yɔ́b zɔ́ɔn fó tè kú’te *lepʉ̌ pà Yuda ntsèm wɔ́. Tá ńké ne ńkwoŋo pɔ́ ngie mé pú’u gẅi pú’. Pú’u pɔ́ lɔg pá’ pɔ́ gÿǒ tà mé pú’u gẅí, ńdɔg ńŋá’te mvfò pà Yuda,

Filipo 1:15

Áa nénʉ́ ngie tsɔ́ pʉ̀a ée tsetsɛ̀ɛ pɔ́b, éshwóŋó nò Kristo pɔ́ lélɔg fa’a nò ná mèŋ, mbɔɔ lélɔg ńdʉŋte ntyě. Tá petsɔ́ ké shwóŋó yɔ́b pɔ́ lê nkwaŋá mbòŋo.

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

1 Timote 6:4

mbà ngàŋ ŋa’te ngie à zsé nò, tá ńké tè ne ńzsé wɔ́. À zsé yé pɔ́ lézoŋo nò, ńgwá fó nà nò gie mé gɔɔn, ńcu’u twó pʉ̀a. Á cʉa pú’u, pʉ̀a zye légẅiin kègɔ́’, ńzye lézoŋo nò, ńzye zoonte, ńzye légyéte mefɛ́ pɔ́b ná nò tepòŋ,

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Ŋwà’ne Jâg 1:18

Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

Ŋwà’ne Jâg 3:16

Alʉŋte nnɛ́ mbɔɔ kègɔ́’ vɔg tà ńgwɔ́ jʉ’, atág mbɔɔ mefà’ tepòŋ mentí mentí gwɔ́ wó.

Ŋwà’ne Jâg 5:19

Mefɛ́ pɔ́ɔn, nyìŋ gẅi lɔɔn fʉa mánzsè, ńnyé nò gie áa nénʉ́, mé piŋ ńtÿɔ́gte yé, tà á piŋ nzèm,