Ŋwà’ne Jâg 2:8 - Nouveau Testament en Ngienboum

⁸ Á cʉ́’ gie pi gÿo pú’u, mbà pi giŋé ná pá’ *lepʉ̌ se lÿò ná nò *lefùɔ Ssé gɔɔn, é gɔɔn ngie: «Kwoŋo fɛ́ gù nyìŋ mesoŋ pá’ ɔ̀ kwoŋo twó mbùm jú». Pi lɔgɔ pú’u, ńgÿo mboŋó.

Ŋwà’ne Jâg 2:8 ပူးပေါင်းရင်းမြစ်များ

Matio 22:39

*Lepʉ̌ mbɔ́ɔntè yépʉ́a sie é sẅé sɔɔn gwɔ́ ngie: «Á ne ńzɛ́te ngie ɔ̀ Kwoŋo nyìŋ mesoŋ pá’ twó mbùm jú».

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:23

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 7:12

Àmmó gie pi ne ńtsɔɔn ngie mé gÿo ná pi la, pi gÿo kwà’ yɛ̌ gí ná petsɔ́ pʉ̀a. Pi lɔɔn ńgÿo pú’u, mbà á ge gwɔ́ mmó gie *lepʉ̌ Mǒsê mbɔɔ meŋwà’ne pà *ntsẅì nkʉ̀ Ssé zɛ́te

Roma 13:10

Nyìŋ lɔɔn ne ńkwoŋo fɛ́ we nyìŋ mesoŋ, mbà à tě ńdɔgɔ ńgÿo tsɔ́ nò tepòŋ ná ngàŋ wɔ́, à lɔgɔ pú’u, ńkú’te *lepʉ̌ Ssé ntsèm.

Galatia 5:14

Á nue anò gie á pú ńkwɛ́ metwó menò mie ée tsɛ̀ɛ *lepʉ̌ gɔɔn ngie: Kwoŋo fɛ́ gù nyìŋ mesoŋ pá’ twó mbùm jú.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

Filipo 4:14

Tà mbɔɔ pú’u, pi ka gÿo mboŋó lékẅéte wɔ̀ɔn ná fʉ̀’ɔɔn gie mèŋ n ne ńgyá ngɔ́’ lɔɔn.

1 Tesalonika 4:9

Atsɔ́ mmó gie ngwɔ́ n ŋwe’e ńná né pi ńtí nkwòŋe tsetsɛ̀ɛ mefɛ́ mefɛ́ á té wó wɔ́, n gɔɔn nue pi ka zi’í pɔ́ kwà’ mbwo Ssé lékwoŋ mennɛ́ mí.

Ŋwà’ne Jâg 1:25

Tá nyìŋ gẅie à nyɛte ńtuu nò á ná *lepʉ̌ sie tsɔ́ mmó té mǒ zág, ésie é gÿo nyìŋ gwɔ́ ndù nnɛ́, ńzáb ntʉ́m wé mǒ té kʉ́a tà à tè gwɔ́ pɔ́ jù’u ńdege wɔ́, ńgwɔ́ jù’u ńgÿo, mbà à ge gwɔ́ shÿó mbòŋo ná kɔ̀ɔkɔ́ɔ gie à gÿo.

Ŋwà’ne Jâg 2:12

Pi gwaa ne gɔɔn nò, ńne ńgÿo pá’ pʉ̀a pie mé ge lá’ lɔg *lepʉ̌ sie é gÿo mé cʉ́’ʉ pà ndù nnɛ́ e lɔg ŋaga wɔ́b.

Ŋwà’ne Jâg 2:19

Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.