Ŋwà’ne Jâg 2:7 - Nouveau Testament en Ngienboum

⁷ Pɔ́ zɔ̌ téen shwóŋó tepòŋ ná Yěsô Kristo gẅie Ssé la ná lezíŋ sé né pi wɔ́ le?

Ŋwà’ne Jâg 2:7 ပူးပေါင်းရင်းမြစ်များ

Matio 1:23

Mé ge lá’ gwaa gyá, mùɔ ngùɔ nyé té zsé mámbàŋa ńgwɔ́ shwoŋ, ńzyé múɔ mbàŋa, mè tsẅi lezíŋ sé lê Emanuel, e lɔgɔ ńgɔɔn ngie: «E Ssé ee nùɔ pege».

Matio 12:24

Tá’ pʉ̀a *farisay, jú’ pú’u, ńgɔɔn ngie: Bɛlzebùl, tándá *messé tepòŋ zɔ́ gÿo tá Yěsô ku’u léjwoŋ *messé tepòŋ.

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Megàŋ ntúm 11:26

ńkúu wó, ńgyá yé, ńdɔgɔ yé ḿbiŋ lê Antiokia. Pɔ́ mépʉ́a pâ pʉ̀a Kristo pú ńnéŋe Antiokia ná tà’ ngù’u lá’. Pɔ́ ne ńzí’i pʉ̀a tà ńgyɔ́ɔn mmó. Mé la zye pɔ́ Antiokia ŋwɛ́ létóŋ *ngàŋa kwò Yěsô lê Pʉ̀a Kristo.

Megàŋ ntúm 15:17

Pʉ̀a pie é té pà Yuda wɔ́ pɔ́ gyá, éfa’a Cʉ̀apʉ̀a. Oon, mèŋ n gɔɔn túmo túm gie mèŋ n ge gÿo tóŋo wɔ́b ngie pɔ́ cʉ́’ pʉ̀a pɔ́ɔn. Cʉ̀apʉ̀a Ssé zɔ gɔɔn pú’u. À lɔgɔ pá’ɔɔn ńgÿo menò mie à la záb.

Megàŋ ntúm 26:11

N da ne ńtɔ́gɔ tsɛ̀ɛ *mendá cú’tè pà Yuda, ńyɛɛ pʉ̀a Yěsô ngɔ́’. Mèŋ n da ne ńtsóte wɔ́b ngie pɔ́ zoonte lezíŋ Yěsô. N da pú ḿbʉa wɔ́b pʉa tà ńgee mbɔɔ tsɛ̀ɛ metÿǒsoŋ lá’a ndyɛ̀’ɛ, éfa’a wɔ́b, ńnyɛɛ wɔ́b ngɔ́’.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Efeso 3:15

gẅie metsìŋe ndá mie ée tÿǒ lepwó mbɔɔ mie ée ndùmo ssé tsetsá’ ntsèm, é gwaa gwɔ́ wó ńzẅɛ́’ɛ pɔ́ yé,

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

1 Piɛ 4:16

Tá ńgwɔ́ gie nyìŋ lɔɔn ńgwaa gyá ngɔ́’, á gwɔ́, mélà’mie aa nyìŋ Kristo, tà ngàŋ kú shʉ́. Tà ńcʉ́’ pú’u, á gu’te pɔ́ Ssé ńtí lezíŋ Kristo sie à gẅiin.

Ŋwà’ne Ngyà jʉ’ 19:13

Á ma’ tsɔ̌ nzsǒ fÿɔ́g, mbà mé la nu’u tsɛ̀ɛ metse. Mé tóŋo yé lê shwóŋè Ssé.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.