Ŋwà’ne Jâg 2:6 - Nouveau Testament en Ngienboum

⁶ Tá ńgʉa ná pi, mbà pi kéen ńcʉŋ nzẅìŋ mefÿɔg. Tá megàŋa mmó zɔ̌ téen sẅɛ́ɛ gẅi wɔ́ le? Pɔ́ zɔ̌ téen ńgwá ńdɔgɔ gẅi ńgiŋe mendá tsǎŋ wɔ́ le?

Ŋwà’ne Jâg 2:6 ပူးပေါင်းရင်းမြစ်များ

Ŋwà’ne Jâŋ 8:49

Yěsô tsɔ́’ɔ mbwó pɔ́b ngie: E *ssé tepòŋ tè ná mèŋ wɔ́. Mèŋ n gÿo yɔ́ɔn pɔ́ mekù’ Tá wɔ̀ɔn. Pi piŋ ńké tè ne ńgÿo mekù’ mɔ́ɔn mɔ́.

Megàŋ ntúm 13:50

Tá pà Yuda lêen ńké sẅite tsɔ́ pànzwě pie ée tÿǒsoŋo Antiokia ńcʉ́e. Mbà pɔ́ léen ńzáb ntʉ́m nà Ssé pà Yuda, ésẅite mbɔɔ tsɔ́ mekěm pie ée tÿǒsoŋ. Pâ pɔ̌ gyɔ́ɔn sóon ná Pɔl pɔ́ Panebâse, ńjwoŋo wɔ́b tà pɔ́ fóo lá’ pɔ́b ńké ńgʉa gʉa.

Megàŋ ntúm 17:6

ńkúu wó, pɔ́ té wɔ́b gyá, éfó ńgwoon Jasoŋ pâ tsɔ́ mefɛ́ mefɛ́ ńdɔgɔ wɔ́b ńgʉa tà ńkúu mvfò pàtsɔ́’te ntsaŋ, pà Yuda lɔg ngyè tetʉ̀ ńgɔɔn ngie: Pʉ̀a pɔɔn é pǔ ḿma’a và’ jʉ’ ntsèm. À gie pɔ́ lɔ̌g ńtó tà ńkúu jʉ’ɔɔn lɔɔn!

Megàŋ ntúm 18:12

Á gwɔ́ fʉ̀’ áyɛ̌, Galion gwɔ́ ngúmnɔ́ɔn ná pàga ngwòŋ pà *Roma gie mé tóŋo lê Akay. Pà Yuda ńnéŋe tà ḿbʉ’ʉ nnɛ́ nzèm Pɔl, ńgwoon yé ńdɔg ńgʉa jʉ’ gie mé sá’a ntsaŋ wɔ́,

Megàŋ ntúm 8:3

Sɔ̂l ne ńkaga yé pɔ́ tʉ̀ lépyága cú’tè pʉ̀a Kristo, ńně ńkúu mendá mendá éfa’a pʉ̀a Kristo, ńgwoon mbàŋa lâ pànzwě, ńnáa mé ma’a wɔ́b ndá tsǎŋ.

1 Korento 11:22

Pi te gẅiin mendá mí léńnéŋe wó, ḿpfɛ̂ mmó, ḿbiŋ ńnú wɔ́ ka? Kà pi kwoŋo pɔ́ lélɔg shʉ́ ńkú pʉ̀a pie pɔ́ té mmó léjÿó gẅiin, ńdɔgɔ pú’u ńgwága cú’tè pʉ̀a Kristo? Pi gɔɔn ngie mèŋ n gɔɔn né pi ngie kɔ́? Ngie n ná ngɔ́ɔnte gi la? Ngǎŋ! Kwà’ nénʉ́, à lɔɔn ngwɔ́ n de ngɔ́ɔnte gi ná.

Ŋwà’ne Jâg 2:3

Pi tÿɔ́g menÿɔ́g ná nyìŋ gẅie à ma’ menzsǒ nkáb, nyìŋ gẅi gɔɔn né ye ngie à jʉ’ʉ melÿò yɔɔn, mbà! Tóo ńnéŋe jʉ’ɔɔn, ḿbiŋ ńgɔɔn nê fÿɔg ngie gyá jʉ’ ńtyé wó, ńké tè pú’u wɔ́ ɔ̀ tó ńtém ntsẅɛ̀’ jù ssé, á ngʉ̀ŋe mmó gie n tÿɔ́g mekwò mɔ́ɔn mǒ lɔɔn.

Ŋwà’ne Jâg 5:4

Megàŋa fà’ ka lag shúm sí nká’, pi jÿó nkáb yɔb. Pi jú’ pá’ pɔ́ lʉa. Ngyè pʉ̀a pie pɔ́ laga shúm sí ńnáa ndá e kwɔ̌’ tà ńkúu letuŋó Ssé, yé Cʉ̀apʉ̀a gẅie à sá’a pàlÿɔ́’ ncù ntsèm pie ée tÿǒ.

Ŋwà’ne Jâg 5:6

Pi ka záb menò twó pà tèfʉa, ńzẅéte wɔ́b, pɔ́ ké tè tíɛ tsɔ́ tʉ̀ mvfò pi wɔ́.